هدى ana

هدى ana @hd_ana

محررة برونزية

تنبيه للمقبلات على الولاده

الحمل والإنجاب

اخواتي ما كل ما يقال من محرظات الولاده نطبقه انتبهوا بذات من زيت الخروع والحلبه والقرفه وغيره الوحده منا من اول ما تحس بمغص راحت على طول تشرب احد ها الاشياء انا من واقع تجربه مريت فيها كان معاي مغص بسيط قلت يالله اولد بسرعه رحت شربت حلبه ماتدرون وش صار لي مغص فظييييييييع والم بمعنى الكلمه قلت خلاص الحين اروح المستشفى اكيد ولاده رحت حطو جهاز تخطيط الطلق الطلق فعلا شديد حتى السستر تقول مره قوي الطلق معاك جت تكشف علي على بالها اني واصله طلع الرحم مسكر صارخت علي قالت انتي شاربه قرفه قلت لا بصراحه خفت اقولها شاربه حلب لما شفتها تصرخ قلت ليه قالت ممكن انفجار رحم عشان مسكر والطلق شديد يعني تخيلي زي البالون تنفخين فيه وهو مكتفي مليان وش النتيجه انا خلاص تعالو شوفو وجهي قام يتقلب الوان لازم اكون صريحه معهم عشان اتجنب اعواقب جاء الاستشاري وقلت الوضع من الى واني شربت حلبه وبعدها حسيت بالالم قال تدرين الي تجينا شاربه من هاالاشياء مانعطيها طلق صناعي وحذرني انه مايتكرر الموضوع بنات والله ما استفدت غير الالم يومين عندهم اتلوى من المغص مع انها ولادتي الثانبه كانها اول مره وغرفتي كانت عند الاستقبال كل ما جتهم وحده تولد سالوها انتي شاربه قرفه انتي شاربه قرفه وبعد معناة وصراع اخيرا ولدت في اليوم الثالث بعد الحسروالتحريض كل هذا بسبب العجله وتطبيق اي كلام يقال بدون سؤال احد متخصص والله يا بنات من فتره قريت موضوع وحده شالو الرحم بسبب انها شربت خلطة اعشاب وهي ماتدري وكانت مسويه قيصريه قبل فقدت الجنين وفقدت الرحم فاحذرو ياخواتالولاده متى ماربي ارادراح تصير وافضل طريقه للمستعجلات على الولاده وطبعا هذا من كلام من دكتوره ماهو كلامي الجماع في الشهور الاخيره وسالو طبيب ولا تسالو مجرب
17
2K

يلزم عليك تسجيل الدخول أولًا لكتابة تعليق.

تسجيل دخول

$انابيلا$
$انابيلا$
مشكوره
الماسه الغالية
كلامك صحيح يااختي الي يسرع الوالده هوالمشي فقط يعني المفروض تكثر المشي وتكل تمر وتسوي منقوعة التمر وشرب الحار مثل الشاهي اوالحليب الحار مع ملعقة عسل هذالي انا جربة وفادمعي اما العشاب كله خربيط متسرع والزيوت كثر تضر
همسات الالم
همسات الالم
الله يعطيك العافيه
بس الغريبه ان دكتورتي من يوم مادخلت التاسع وهي تقولي اشربي حلبه
وانا ماشربتها لاني مااحب طعمها وريحتها
يالله بتغصب عليها في النفاس ان شاء الله
هدى ana
هدى ana
الشكر لله انابيلا انا دايم اشوف اخوات يطرحون تجاربهم هنا في استخدام ادويه شعبيه وخلافه وبعضهم مسكينات على طول تطبيق وانا كنت منهم فقلت انبهم حرام الي تنجح معها تجربه وتمر بسلام هذا من فضل ربي عليها لكن الاخريات تجيك تجرب وتقع في ورطه ومشاكل ماهو بس المحرظات على الولاده حتى ادوية النفاس وحده جربت التحاميل الي تصنع منزليا عسل ومحلب وما ادري ايش سببت لها قرحه ومشاكل كثيره فحرام عندك مشكله روحي لطبيبه افضل وانا ماني ضد الادويه الشعبيه بالعكس في اشياء حلوه ومفيده بس بالعقل شوي نوزن الامور
طموحة للتطور
طموحة للتطور
شكرا لك
الله يرزقني الطلق الطبيعي والولادة الطبيعية عاجلا غير اجل وكل مكروبة ياااارب