موضوعي ذا بتكلم فيه للأمهات اللي ينتظرون نتائج عيالهم والله يعين الطلاب على هالأسبوع جاك الموت ياتارك الصلاه :icon30:
بالمناسبه احب اذكر اني ماكتبت هالموضوع الا لما شفت معانآة وحده امس كتبتها وتقول يابنات خايفه من نتيجتي اخوي وابوي بيذبحوووني لو رسبت وكانت نفسيتها سيئه ياقلبي عليها :(
هذي وشلون بالله بتكمل اختباراتها وهي من ذحين حااسه انه فيه شي ينتظرها؟؟؟
طيب انا استغرب من الأمهات اللي تضطر تضرب بناتها وعيالها عشان نتيجه
والله كنت اسمع من زميلاتي زمااان ايأم المدرسه العجب العجاب يوم النتايج مرعب بالنسبه لهم اذا الوحده مانجحت تبككككي بالمدرسه بكـــــاء وبـ انهيار بعد لانها عارفه ان العقال ينتظرها بالبيت:icon33:
يـــــــاإلهي كفايه انهم مانجحوا يعني هم متضايقين من نفسهم قبل كل شي
ولحد يقولي ماهمهم عيالنا والله مافي احد يرضى بالفشل ...وقدر الله وماشاء فعل :frown:
طوول السنه يتعبون ويسرحون من صبح الله و يدرسون يختبرون بالنهايه ان كانت النتائج رسوب فهذي إرادة ربي عاتبوهم ازعلوا شويات عليهم والأهم شجعووهم لدور الثاني وخلوهم يشدون حيلهم
موب ضرب ياالله لاتبلانــــا...!
وبعض الأمهات هاتك ياتحطيم فيهم طووول الأجازه عشان مانجحوا ...وكل شوي تذكر عيالها انهم مايستاهلون التمشيات والطلعات و.....و......
غير عاد الكلام اللي يقتل بناتهن (شوفي بناتك عمك وبنات جيرانا ماشاء الله عليهن ناجحات موب انتي فاشله )...!!
عاد مايحتاج هالكلام يولد الغيره بقلوب البنيات من بنات عمهن وتلقونهم يتحاشون يقابلونهم طوووول الإجازه
ليه يــ أمهات كذا نعرف انكم تعبتوا وودكم تشوفون ثمره تعبكم نهاية السنه ولكم الحق تزعلون منهم وتبينون عدم رضاكم وتعاتبونهم بس موب معناته توصل تطقون بناتكن الكبار وعيالكم عشان نتيجه ...!
ومتى عمر الطق فاد ؟
والله انه يحطـــــــــــم وبس :frown:
وبـ النهايه الله يبلغكم في عيالكم ولا يضيع لهم تعب وينجح جميع الطلاب والطالبات إن شاااء الله
((وإجــــــازه سعيده للجميــــــــــع))
قريب لي كان ماشاء يذاكر بشكل ماتتوقعينه لكن قدرته اقل
يذاكر ويختم قبل بشهر ولكن يرسب واذا نجح يكون ع الحفة
وبطلوع الروح خلص الثانوي
ولكن لان اهله فاهمين ماحطموه سوى اللي يقدر عليه
وماشاء الله الان من اغنياء الرياض
عدم التفوق بالدراسة لايعني الغباء
موضوع رائع كصاحبته
قررقرت كثير هههه