,,
,,
موضوعي هذا أقدمه >> لأخواتي الغاليات,,
اللي يعانون من ضيوف الفجأة وأقولهم الله يعينكم أنا زيكم وبالذات إن اللحين لي سنه ونص ماعندي شغاله والناس رايحين جايين وعلى غفله بعد بس أحاول أضبط أموري للأزمات وعدم الإحراج قدام الضيوف مثل :-
أنظف بيتي يوميا بالليل يعني ماأنام إلى البيت من وإلي يبرق ,,
وبعد الغدا أبخر البيت وأشطف الحمامات والمغاسل تكرمون بديتول ,,
وألبس لبس مرتب والمفروض تكونون دائما لبسكم مرتب لأنفسكم وأزواجكم وشوي مكياج ناعم والشعر مرتب بربطات ناعمه أو كلبسات حلوه تعطي الشعر منظر حلو ,,
وعيالي دائما بعد الغدا ألبسهم لبس حلو وعادي بدون تكلف وأعطرهم وأرتب شعورهم والأستحمام يكون قبل النوم أغلب الأحيانا ,,
هذا بالنسبه للبيت وللبسي ولبس عيالي ..
وبكذا يكون البيت نظيف وأنتي وعيالك مرتبين تحسبا لأي طارئ من ضيف الفجأة ..
,,,,,,,,,,,,,,,,,,,,,,,,,,,,,,
,,,,,,,,,,,,,,,,,,
أما من ناحية مستلزمات الضيافه وهذا أهم شي بالنسبه للكثيرين ,,
أجيب بلح شام كيلوين تقريبا وأحطه بالفريزر لو يقعد شهور ماتغير طعمه أبد وعن تجربه ,,,,
وأكون دايما مصلحه شيره ثقيله شوي وحاطتها بجيك وفي الثلاجه ,,,
ولما يجيني ضيوف على غفله أطلع المقدار اللي أبيه من الشيره وفي قدر صغير وعلى النار فورا ولما تغلي شوي أحط المقدار المطلوب من بلح الشام في باديه وأصب عليه الشيره وهي حاااااره مررررره وأقلبه وأخليه دقيقتين وأشيله وبصحن التقديم ...
مثل كذا ..
وفي الوقت هذا أكون حاطه القهوه والشاهي على النار ومجهزه صينية الفناجيل والبيالات ,,,
وأجيب كرتون معمول لوزين أو أي نوع أرغبه وأراعي تاريخ الصلاحيه يكون طويل وأحطه بالثلاجه أو بالدولاب ,, بس يجيني ضيوف أفكه من قراطيسه وأرتبه بصحن المعمول ...
بالشكل هذا ..
وأجيب تشكيله مكسرات وأحطها بعلبه وبالفريزر وأطلعها وقت التقديم أو وقت تصليح القهوه والشاهي ,,
وفي الأوقات اللي يكون عندي فيها فراغ طويل أسوي بعض المعجنات وأفرزنها وبس أطلعها وبالفرن للتحمير الخفيف والتسخين وأقدمها مع الشاهي والمكسرات ,,
وأحيانا أجيب علبة ورق عنب بالخلطه اللبنانيه وبالثلاجه لوقت الأزمات ,, بس أفتح العلبه وأرتب بالصحن مع الليمون ومافي أحسن من كذا ..
وبكذا يابنات والله ترتاحون أسألوني كنت أتعب تعب مايعلم به غير رب العباد لدرجة أحيانا ماعاد إلى وأبكي من الجهد الزايد والأرهاق وضيق الوقت ,,,
والحمد لله من بعد هالأشياء اللي أسويها نسيت شئ إسمه إحراج أو لخبطة وقت وحوسه ..
جربوا هالطريقه يابنات وبتشوفون الراحه وبترتاحون من الإحراج قدام الضيوف ,,
آسفه على الإطاله ولكن من حبي لكم ولأختي أنامل ناعمه حبيت أذكر ماسبق للفائده وإحتساب الأجر لاغير ,,
..((للأمانه الصور أخذتهم من قوقل))..
طبعا جزء كبير من الكلام اللي مكتوب فوق كان رد لي بموضوع أختي الغاليه أنامل ناعمة وهي الله يحفظها اللي شارت علي أنزله في موضوع مستقل لتعم الفائده ,,
وهذا رابط موضوعها الله لايحرمها أجره ,,
http://forum.hawaaworld.com/showthread.php?t=3132314
******************
,,,وأخيرا دعواتكم لي ولزوجي ولذريتي ووالدتي بما تجود به أنفسكم الطيبه,,,
..ودمتم بحفظ المولى ورعايته..
*****************