احدى مشاركاتي في باقة التميز هي تنسيق الاحذية والحقائب
الموضوع اسهل واحد .
برايي الشخصي انه الجزدان بيبقى عندك كثير يمكن 5 سنين واكثر لهيك ما بشتري جزدان موضة كثير بختار كلاسيكي شوي حتى اقدر استعمله اطول وقت ممكن .جبتلكم مجموعتي اللي احبها كثير واللي لقيت بالتجربة انها عملية جدا وتناسب اي شي عندك .وكمان اقتصادية .يعني في كم جزدان صرلهم كذا سنة وطالما بيناسبول كلشي ما في داعي جيب غيرهم رغم انه في موديلات كثير حلوة بالسوق .ولاني من سورية يمكن اماكن تواجد هالجزادين ما تنفعكم كثير ولا اسعارها .
خلونا نبدا
الجزدان الاسود اكيد لاغنى عنه وهنا انصحك باقتناء واحد عادي للايام العادية والخروجات وواحد رسمي من اجل المناسبات وهيك بتظلي مميزة في مناسباتك
هذا جزدان فيندي للزيارات الرسمية والتعازي شريته من عند وكلة فيندي ب 1600 ل.س بالتزيلات 50% ميزته كبير ويده متوسطة ممكن ينحمل على الكتف او باليد
الكعب عالي جدا لذلك بالمناسبات فقط .
الجزدان الذهبي كبير وظريف لكن القطع المعدن اللي عليه عم توقع . وله جيوب على جنب ممتازة للموبايل والشغلات المطلوب الوصول اليها بسرعة . ولكن لا انصحك باخذ جزدان ذهبي الى السوق لانه ملفت للنظر كثير كثير من جهة ومن جهة ثانية لاحظت انه بتزيد عليك الاسعار ليش ما اعرف . بس كل مرة احمله في السوق بيغلو عليي الاسعار فخليته للزيارات بس .شريته من منطقة قريبة للحدود التركية مرة رخيص ب500 ل.س . نسقته مع صندل للمناسبات والزيارات :
ومع باليرين لما بيكون عندي مشي كثير
وهذه مع كندرة ناعمة كمان للمناسبات
هذا الجزدان ظريف مع لبس اسود وفوشيا والباليرين مريحة ونعومة كثير .مشكلته يده قصية فاضطر احمله باليد له يد طويلة لكن طويلة كثير ما مريح بالحمل فاضطر اشيلها.
هذا الطقم البسه عادة مع الجينز وتوب زرقاء او زهرية كثير ناعم .الجزدان من محلات الجزادين العادية مريح عملي وكبير واظنه صيني .
هذي مررررررره حلوه