السلام عليكم ورحمة الله وبركاته
الحمدلله كما ينبغي لجلال وجهك وعظيم سلطانك ..
ــــــــــــــ
*همسه خفيفه *
أكثر الناس توفيقا أصدقهم نية !
ــــــــــــــ
كيفكم يا حوائيات ؟ عساكم بخير ؟ والله اشتقتلكم مرررره ....
قبل لا ابدأ بالموضوع احب اهنيكم بالعيد وكل عام وانتم بخير ..
عندي وعندك مناسبه , ولاول وهله بعد سماع هذا الخبر السعيد الي بنتشقق من الفرحه بس لاننا بنطلع , تخترب هذي السعاده لمجرد ما اتذكر السؤال التالي : وش البس !!!:ohmy:
واوقف قدام خزانة الملابس نص ساعه الى ساعه وانا بس اناظر الملابس والملابس تناظرني
وبالنهاية اقول ما عندي شي للحفله واسكر المسكينه المتروسه ترس بالملابس واروح السوق اشتري لبس حق المناسبه مع العلم يكون عندي ملابس كفيله بتغطية جميع المناسبات لمدة خمس اعوام >> لازم البهارات شوي ولا ما يصير اسمنا حريم :booo:
وانا ادري انو هذي حال كثير منا
لذلك قلت يا بنت وراه ما تسدحي مواضيع عن تنسيقات الملابس يساعدنا في حل الازمه النفسيه الي نعاني منها جميعا
وفعلا فتحت الخزانه وبديت اصور الملابس عشان انزل مواضيع باذن الله تعالى انكم تستفيدون منها
واكيد اذا عجبكم الموضوع ما ابغئ منكم غير الدعاء
طبعا عزيزاتي كل موضوع بنزل فيه لون بيكون هو الاساس وبتكلم فيه عن الالوان الي تتناسب معاه
حتى تكوني اكشخ ما يكون >> متعوب عليها الجمله ذي :pinklove:
ويكون الافق واسع امامك لخيارات متعدده قد تكوني الله يهديكي ويصلحك غابت عن بالك ..
و بعد ايش الالوان الاساسيه الي تتناسب مع جميع الالوان
وبسم الله نبدأ
اول لون بتكلم عنه هو النيود او السومو مثل ما يقولوله بعض الناس وهو من الالوان الدارجه في الوقت الحالي فاذا شفتي بالسوق بلوزه او جكيت او بنطلون او اي شي لونه نيود لا تترددي باقتناءه ....
هذا اللون يركب معه الوان متعدده وانا صورتلك نماذج بسيطه عشان بترك ساحه الابداع لكم
اللوك الاول
نيود مع جكيت الجينز وتوب ابيض وحزام وشنطه وشوز اسود
من تصويري
الجكيت الجينز والتوب الابيض او الاسود من الاشياء الاساسيه او الالوان الاساسيه التي تضبط مع باقي الالوان
الجكيت من ستردافيرياس
اللوك الثاني
جكيت اسود مع توب مقلم ابيض واسود حزام اسود وشوز نيود
من تصويري
بعد اللون الاسود والتوب المقلم ابيض واسود يضبط مع باقي الالوان
لكن لازم ننتبه على شي مهم انه لو كنتي سمينه المقلم بالعرض يسمنك بزياده
الجكيت الاسود والتوب المقلم من H&M
اللوك الثالث
بيج مع توب ابيض ممكن شنطه بيج وشوز نيود
من تصويري
https://d2s63a22uzwg40.cloudfront.net/8/7/3/7/1/8/54384215b3fc7.jpg
البلوزه البيج من سبلاش
وطبعا في الوان كثير تمشي مع لون النيود مثل
جكيت اصفر فاتح مع توب ابيض او اسود ممكن شوز نيود او ابيض او اصفر
وهذي صوره من النت
وممكن الازرق فاتح مع توب ابيض او اسود نفس الشي شوز نيود او ابيض او ازرق
صوره من النت
واللون الرمادي بعد الفاتح يمشي مع هذا اللون
صوره من النت
او بلوزه بيج
صوره من النت
اتمنى اني اكون افدتكم في هذا الموضوع ويا ريت اشوف منكم تفاعل عشان انزل مواضيع لالوان ثانيه وايش الي يتناسب معها
واذا عندكم اقتراحات لالوان ثانيه تتناسب مع النيود اسدحو اقتراحاتكم او ممكن صور لملابسكم وتنسيقاتكم للون النيود لتعم الفائده
هالله هالله بالرورد والتعليقات السنعه
ولا تنسوا الاستطلاع
ودمتم بود