تنصحونني بالخلطه هذي والا ......لا للي جربوها

--------------------------------------------------------------------------------

هلا وغلا بحبايب قلبي
كيف احوالكم إن شاءالله تكونوا بخير وسلامه

انا اليوم جايبتلكم خلطة حلوه تفتح وتعطي نعومه رهيييبه
خلطة الكريم كاب وسميتها خلطة الفساتين..... تسالوني ليه ؟ اقولكم .... لانها تبيض وتخلي الجسم ( بالذات السواعد و الزنود واعلى الصدر والرقبة ) تلق لق بياض ونظافة وصفاء ومع تكرار الاستعمال بيخف كثير كلف الحمل والاختلافات اللونية ببشرة جسمك .....

واذا كنتي مسوية تان ( تسمير برونزي ) بترجعلك بياضك اسرع من الحمام المغربي

باختصار تبيض وتوحد لون الجسم .... وانتي جربي وشوفي كيف تصير زنودك فااااااتحه بعد اول استعمال ....
المقادير :

4 م/ك صنفرة كريم كاب المبيضة للجسم

2 م/ك حليب بودرة

1 م/ك قرفة مطحونة

2 م/ك عسل

1 م/ك ترمس مطحون ( هو يبيض الجلد ويشيل الكلف ويقلل نمو الشعر ) احيانا ما يتوفر معي .... بس عادي اسوي الخلطة بدونة

2 حبتين ليمون كبار اصفر او 4 حبات ليمون بن زهير الصغير الاخضر

4م/ك ملاعق زيت كوكتيل *

2 أو1 م / ك مقشر ستيفز المبيض بالمشمش ( النوع المخصص للتبيض .... يجي بعصار ابيض )

1 م/ك غسول اولاي المبيض بالتوت ( كمان على شكل عصار )

* ( سميته كوكتيل لانه عبارة عن خليط من مجموعة زيوت : لوز مر - لوز حلو - خروع - جلسرين - جنين قمح ) انا خالطة من هالزيوت بنسب شبه متساوية في علبة فاضية ورجيتها زين ..... بكذا يصير عندك علبة زيوت مشكلة اسمها كوكتيل .....>>>> اعرف .....ناس جالسة تضحك على مسمياتي هههههه ...... بس تحملو ها شوي..
الطريقة:
نجيب صحن بلاستيك مقعر شوي .... و نحط فيه عصير الليمون وفوقه الحليب البودرة والعسل ونخلطهم زيين لحد ما يتجانس ومايبقى فيه اي كلاكيع .... بعدين ضيفي الترمس البودرة ...... ُثم ضيفي الزيت وقلبي زين ..... الان زيدي على الخليط كريم كاب وغسول اولاي المبيض و صنفرة ستفيز اللي كمان للتبييض واخلطيها وبعدها ضيفي القرفة المطحونة.....

كيف نستعملها ؟بعد ما تتسبحين وتكونين منظفة جسمك زين جفيفة شي بسيط وبعدها مدي القناع ( الخلطة السابقة ) عليه بالكامل ماعدا الوجه ..... اتركيها مدة 15-30 دقيقة .... طبعا بهالوقت اللي الخلطة فيه على جسمك استغليه زين و نعمي كعب رجولك بعصا الصنفرة ..... وفرشي اسنانك

وبعدها افركيها على الجلد 3 دقايق واغسلي بعدها بس بالموية الباردة او الدافية ( الحارة هنا ممنوعة ....... الموية الساخنة تجيب سمار وكلف وترهل الجلد والصدر تحديدا )

لو عروسة او عندك مناسبة سويها يوميا لمدة اسبوع او اسبوعين اذا عندك وقت .... وبعدين كل يومين مرة

وللعلم مافي مشكلة منها لو استعملت يوميا ولفترات طويلة ( شهر شهرين ) عااااادي جدا ... والنتايج تطلع احلى واحلى ...

وبكذا تكونين خلصتي ..... جففي الجسم ورطبية باي مرطب تحبينة وممكن تخلية بدون ترطيب لو مستعجلة ... لان الخلطة اصلا ترطب .

او تسوين مثلي وترشين الجسم سائل تبييض طبيعي ..... ( غير بشرتي كثييير .... نعومة وصفاء وريحة منعشة )
بعطيكم ..... والله وعد ما راح ابخل عليكم وبنزلة بموضوع لحالة ان شاء الله

انتم بس تابعوني
الاسئلة الشائعة :

هل تناسب الحوامل ؟؟؟ ..... ان شاء الله تناسبهم .... مقاديرها طبيعية وما اظنها تاثر على الحامل.
هل تصلح للوجه ؟ ؟؟؟ ...... ما جربتها لوجهي نهائي ... ولو بتجربونها لبشرة الوجه فلا تخلينها اكثر من 10 دقايق ومو كل يوم تحطينها ... فاهمين .؟؟
ايه تنفع للمناطق الحساسة ..... انتي اصلا بتمدينها على كامل الجسم ..... بس بشرط ما تدخل لجوه بس من برا
بس للأمانه الخلطه منقوله للفائده وإن شاءالله تستقيدوا منها