تنصحوني أقبل بمتزوج ؟

السلام عليكم ...
مثل ماهو مكتوب في العنوان .
تنصحوني أقبل بمتزوج ...؟!


اللي بتكتب هذا الكلام اللي بكتبه توفر عليها الحديث ..لاني ابي تفكير أولا عقلاني ثاني تفكر بدون أنانية وبمصلحتي !


1/ اللي تقول انتظري يجيك نصيبك او لسه صغيرة !!
لا ترد . لاني لا صغيرة ولا جاني احد !
2/ اللي تاملني انتظر واحد مو متزوج او مطلق مثلي !!
وينهم ماجوني اذا عندك ..حياك !!
3/ اللي اتقول تخربين بيت ناس وسعادتهم ومدري وش .او راح تعيشي بمشاكل .!
انا مارحت وسحبت الرجال من بيته . واذا فيه خراب هو وهي اللي بيخربون بيتهم . وموضوع المشاكل سواء متزوجه مطلقة بنت المشاكل بتلاحقك ع حسب وضعك الاجتماعي ومافيه حياة كامله .


/////////////////////
ذكرت هذا اللي فوق ...لانه كثير تتكرر ع مسمعي من زمان من اول متزوج يطرق بابي ..وكل اللي كانوا يصفقون لي لاني ارفضهم او اللي ينصحوني مااقبل بمتزوج ...اليوم كل وحده بيتها مع عائلتها ولا هميتها ولا حتى سعت لي !!
الا وحده ..اللي هي صاحبه هذا الحساب .
مع اني كنت اخالفها لكن للامانه احسيت انها هي اللي عاشت حياتها !