توايلالا :

أولا انا جايه أعرفكم على منطقتي الجميله والحضارية منطقة القصيم .. اولا ضحكني محدودية فكر بعض البنات لما قالو القصيم قريه !! اولا القصيم منطقه فسيحه جدا فيها مدن ومحافظات وقرى اولا المدينة الرئيسيه مدينة بريده وبعدها مدينة عنيزه تبعد عن بريده حول ال 20 كيلو ومحافظات الرس والبدائع والمذنب والأسياح والشماسيه والبكيريه ورياض الخبراء والكثير من القرى والمراكز .. افضل شي للسكن طبعا مدينة بريده أو عنيزه ومو مشكله السكن بباقي المحافظات لانها قريبه من بعض جدا تتميز بريده بمراكز طبيه حديثه مثل مستشفى الملك فهد التخصصي ومستشفى الملك سعود التخصصي بعنيزه ومستشفى الولاده والاطفال حديث جدا ومتكامل ومستشفى بريده المركزي ومركز الأمير سلطان للقلب ومركز الأمير سلمان للغسيل الكلوي وكل محافظه فيها مستشفى عام غير المستشفيات الخاصه المتكاملة وعلى جوده عاليه مثل مستشفى الدكتور سليمان الحبيب ومركز العقم وأطفال الأنابيب ومركز علاج السمنه و مستشفى القصيم الوطني ومستشفى الوفاء والكثير من المستوصفات الطبيه الخاصه والتجميليه للسمنه والليزر والخ .. والأسواق عندنا اكثر من 5 مولات متوزعه على المحافظات فيها كل الماركات للملابس والتجميل والترفيه وعندنا كل المطاعم ال 5 نجوم وعندنا في كل محافظه مضمار للمشي والرياضه ومسطحات خضراء للعوائل في كل حي .. وعندنا جامعة القصيم فيها كافة التخصصات وكليات بريده وجامعات خاصه ومدارس نموذجيه وخاصه وتخصصات طبيه ومعاهد صحيه معتمده من الوزاره وعندنا مطار الأمير نايف الدولي كل يوم رحلات خارجيه كذا مره سافرنا دبي من القصيم مباشره .. وبالنسبه للمجتمع القصيمي مجتمع حضاري متعلم اغلب المسؤولين في الدوله قصمان وهذا يدل على أنهم مجتمع متعلم ومتثقف ومتدين .. والمنطقة في تطور وتقدم مستمر ..  والجو بالشتاء جو رائع وممطر واغلب السكان يخرجون للبر ويمارسون هواياتهم من التطعيس والشوي والخ والجو بشكل عام لطيف وبارد ليلا بفعل المزارع المنتشره وشكرا للكل.. 

أولا انا جايه أعرفكم على منطقتي الجميله والحضارية منطقة القصيم .. اولا ضحكني محدودية فكر بعض...