سكنت فيها 3 سنوات كانت من أجمل سنين حياتي

الرياض جميل و توسع الصدر لكن مشكلتها زحمة السير

إذا سكنتيها راح تعاني من الزحمه أكيد



راح أجاوبك على أسألتك لكن قبل إي قرار راح تتخذوه

أستخيرو مره و مرتين و ثلاث حتى تقررو

و الخيره فيما أختارها الله




1- ايش افضل مناطق للسكن .. اكيد شقق مو فلل .. وما ابغاها تكون فاخرة لا بس منطقة نظيفة وآمنة ومخدمة يعني جنبها سوبر ماركت مستشفى مدارس... الخ

بنظري أفضل أحياء الرياض غرناطه

حي هادي و راقي و جميل و فيه كل الخدمات

و الأمان من الله سبحانه لكن إن شاء الله أمن


2- في المناطق الي تذكروها كم تقريبا ايجار الشقة اللي 4 غرف وصالة ؟

تقريباً غرناطه تبتدي من 25 ألف فما فوق

كنت ساكنه فيها قبل 7 سنوات

جنب مجمع غرناطه عماره دورين فيها أربع شقق سكنت شقه منها

بالدور الثاني 4 غرف و صاله و مطبخ و 3 دورات مياه و أنتي بكرامه

بـ 21 ألف الأن نفس الشقه 35 ألف

إيضاً أخو زوجي ساكن الأن بغرناطه في شقه بالدور

الثالث بدون أصنصير بـ 30 ألف


3- لو تكرمتوا ابغى اسال عن مدارس عالمية كويسة وفي نفس الوقت اقساطها معقولة ؟؟

عندك مدارس الرواد قريبه للحي

ما أعرف أقساط الرواد في الرياض لكن في بريده

الأبتدائي بـ 7000 ريال مع النقل الصبح و الظهر


4- كيف المعيشة هناك غالية ولا عادي (مقارنة بجدة لاني اعرفها كويس)

المعيشه على حسب صرفيتكم

الغلا في كل مكان و بنظري المعيشه في الرياض قريبه من جده


5- في مجال وظائف للبنات في القطاع الخاص؟؟ تقدر الوحدة بنفسها تطلع وتروح وتجي وتقضي مشاويرها باريحية؟

أكيد فيه مجالات كثيره و متعدده للعمل الرياض مدينه

كبيره و الفرص فيها وفيره لكن تحتاج شخص

جاد و صبور في البحث عن العمل

و الطلعه أكيد عادي جداً تطلعي و تخلصي حاجاتك

بكل راحه مافي حاجه تمنع سيارات الليموزين بكل

مكان الحمد لله و كمان المشاوير الخاصه متوفره في الرياض بكثره

1- ايش افضل مناطق للسكن .. اكيد شقق مو فلل ..



اولا ونصيحه لازم تعرفي وين عمل زوجك بالضبط لانه لو عمل زوجك مثلا شرق ماتقدروا تسكنوا شمال الرياض شرقها مدينه شمالها مدينه واقل تقدير يوصل البيت في وقت الذروه بعد ساعه وفوقها لذلك الافضل تعرفي مقر العمل واسعار الايجارات كالتالي نبدا من الاغلى والاحياء الراقيه للارخص شمال مثل شقتك مايجيبها 50 مستحيل غرب ممكن 45 شرق 40 جنوب 30



3- لو تكرمتوا ابغى اسال عن مدارس عالمية كويسة وفي نفس الوقت اقساطها معقولة ؟؟

المدارس نفس ترتيب الاحياء من الشمال للجنوب تبدا تنزل الاسعار ويا كثر المدارس بس المهم مو في السعر ممكن تلاقي بالسعر الي تبينه بس الكادر التدريسي سيء لذلك كوني دقيقه في اختيار المدرسه لانه المجالات قدامك مفتوحه وكثيره وتقريبا اسعارها متقاربه
4- كيف المعيشة هناك غالية ولا عادي (مقارنة بجدة لاني اعرفها كويس)

فيها الرخيص جدا والغالي جدا حسب من وين بتشترين فيه كل الماركات الي في كل المولات واسعارها موحده طبعا في كل مكان وفيه اسواق طيبه والعويس اسعارها متوسطه وفيه المعيقليه ومكه اسعاره معقوله والسوبرماركت فيه بنده والدانوب نفس الي في جده ونفس لاسعار

5- في مجال وظائف للبنات في القطاع الخاص؟؟ تقدر الوحدة بنفسها تطلع وتروح وتجي وتقضي مشاويرها باريحية؟

مع اني استغرب سؤالك في مدينه مثل الرياض العاصمه لكن بجاوبك فيه وظيفه اذا بتقبلين من 800 او الف المدارس الاهليه بتقبلك اما بالنسبه لمشاوريك كل المشاوير مايقضيها الا احنا الحريم وحنا في الرياض موب في شيكاغو امن وامان : )



اشكركم من قلبي


حياك

الله يعينك
اللي تقول صبيا بارده بالصيف مااتوقع لانها قريبه ‏​مٍْْ'ــن جازان

قرف من الرياض والعيشه فالرياض

مدينه كئيبه جدا جدا جدا

الحمدلله والشكر لاجو ولا طبيعه

وزحمه مقرفه الله يفكنا منها

الله يسعدكم وينولكم اللي في بالكم
عرفت ان شغل زوجي في حي الشعبة في اي جزء من الرياض؟