صراحه انا مستغربه من بعض الردود !!!!!!
مدري اذا زاروا قطر فعلا ولا لا !!!!!!!!
قطر حلووووووه مره وراقيه انا رحت لها مره وحده ولا ندمت ابد
واتمنى اكرر الزياره نظافة شوارعها وتنظيمها جميل
بس انا مارحت لها لين قريت عن الاماكن اللي فيها ورحت لها في وقت كان الجو معتدل الى بارد
طبعا غير المولات الجميله مثل فيلاجو عندك كتارا واااااااااو الكفيهات جميله وجلسة البحر ترد الروح
فيه مقاهي قريبه وفيها بعيدة من جلسة البحر وكلها حلوه
وترتيب الجلسه عند البحر جميل
بعد عندك اللؤلؤه شفت لها صور تجنن بس مامداني اروح لها
فيه حديقة اسباير زون رووووووووووعه تونس جيتها الصباح تقدرين تبحثين عنها في قوقل وتشوفينها
في الحديقه المائيه بس مارحت لها
اللي يحب الاسواق الشعبيه فيه سوق واقف وفيه مطاعم جميله
غير اهلها ماشاء الله متعاونين وطيبين

غريبه الي مب عاجبها قطر احس مثل الامارات بس مصغر😊
رحت لها يمكن خمس او ست مرات لان مريحه نفسيه وحبيتها عن الامارات
وفيها اماكن حلوه
جزيره اللؤلوه
كتارا
فيلاجيوا
سباير زون يكفي انها من اروع الانديه ومجاناً
اماكن كثيره
واستغرب الي يقول اسعارها نار الي زارها وجربها يعرف ان اسعارها اوخص من السعوديه
حتى اخذنا سويت بالحي السفارات 800ريال سعودي فندق ريتاج وفندق هيلتون
شوارعها نظيفه وناس راقيين لاخر درجه وقليل جداً تجمع الناس
اذا ماحبيت المكان ماازور اكثر من خمس مرات
الامارات مره وحده وتوبه ازورها مره ثانيه غالي على الفاضي ورطوبه وزحمه

ايه نسيت روحي منتجع الشرق وادخلي بوكنج وشوفيها من افضل منتجعات بالعالم
1000ريال بس
واستراحه عندنا يجيب الهم والغم ووسخ 3000ريال بالعيد و1000بالايام عاديه
شوفيها واحكمي ماراح اكتب من كثر رروعتها

قطر صغيرونه بس جميله ىنظيفه جداً
روحي تمشي مو لازم تتسوقين
اهم شي روحي البحر وسوق واقف ومول فلامينجو
انا رحتها قبل وكان جوها طيب الحمدلله وانتي مو مطوله كلها كم يوم روحي غيري جو..
عيبها فيها أجانب وهنود كثييييير بس مو مهم ولا فكرت اهم شي اتمشى

والله كلن له وجهه نظر انا اذكر الكويت كلن يسبها ورحت لها والله عشقتها خصوصا بالشتاء ورحت لها اكثر من مره وقطر بعد رحت لها حلوه يكفي تغيرين جو بس بشرط دول الخليج سافري لها بالشتاء وبالتوفيق