سميرة الزين @smyr_alzyn

محررة

تنصحوني بماي غريب لغازات البيبي؟؟

مرحبا بنات,
انا لي والدة حول الـ 25 يوم وبنتي الصغيرة من يجي الفجر وهي تصيح تصيح بشكل غريب ومزعج ولاتهدا الا دقايق او نص ساعة وترجع تصيح مرة ثانية, احطها على بطنها وأكرعها بعد الرضاعة وتتكرع الحمدلله, واطقطق ظهرها وتسكت شوي وترجع تصيح, والله اواصل معها لين 10 الصبح وتصحى امي وبعدين تاخذها كم ساعة وأنا انام لي شوي, نوم متقطع ومتعب, المهم قالت امي يمكن معها مغص, طيب هالمغص مايجيها الا الفجريات والصبح! ليه مش الحين؟؟ ( لأنها نايمة الحين بهدوء الله يحفظها )
المهم ودي أشتري لها ماي غريب وش رايكم فيه؟ سمعت من فترة انه موب زين ولا ادري صدق او لا, برضه فيه دواء كنت اعطيه عيالي قبل اسمه ( دنتينوكس ) لكن طعمه شوي موب حلو فقلت استشيركم هو أفضل ولا موية غريب؟؟
ويعطيكم العافية يارب ويبعد الشر عنكم وعن عيالكم.

يلزم عليك تسجيل الدخول أولًا لكتابة تعليق.

تسجيل دخول

سوسو aziz • 14 سنة

اعطيها يانسون مع سكر نبات مررره يريح

fofo2007 • 14 سنة

شوفي انا جربتهم كلهم لبنتي وارتاحت عليهم بس ماكثر
وكنت اعطيها شاي اعشاب انا اسويه مو الجاهز
اسوي لها ينسون واحليه بسكرنبات
والحمد لله خف عليها
وترا يمكن الحليب اللي تستخدمينه لها ثقيل غيري بنوع اخف
واحسن شي كيكوز من نستله او اس تي 20

ام شرف • 14 سنة

قبل تنام يانسووووووووووون وقطرات من الصيدليه اسمها سالينال رهيييييييييييييييييييييبه للرضع ومغصهم وربي بنتي ماقاد معاها الى هالقطرات استخدمت موية غريب وانواع كثير من ادويت المغص بس سالينال رهيبه انصحك فيها واسالي عنها الصيدلي وان شاء الله بتنفع مع بنتك...

وريف الروح • 14 سنة

مويه غريب حلو بس للغازات افضل شاي بيبي كيوت من الصيدليه بعد كل رضعه رح ترتاح وتنام
مجرررررررررررربه

سميرة الزين • 14 سنة

وريف الروح :

مويه غريب حلو بس للغازات افضل شاي بيبي كيوت من الصيدليه بعد كل رضعه رح ترتاح وتنام مجرررررررررررربه

مويه غريب حلو بس للغازات افضل شاي بيبي كيوت من الصيدليه بعد كل رضعه رح ترتاح...

الله يجزاكم خير جميعاً ماقصرتووووووووووا والله.

بجرب الينسون الليلة ان شاء الله بس سكر النبات منين أجيبه؟
واختي ام شرف السالينال هذا أفضل من الدنتينوكس؟؟