تنصحوني فيهم ام لا افيدوني

الله يخليكم خلاص مليت والله اني حتى البكاء ابكي وانعزلت عن الناس لو فيه طلعه اجلس ساعتين ثلاث اجرب ملابس الي بالدولاب احس شكل الشحم غلط وفي النهايه اعتذر زوجي طفش مني كل يوم يحرجني اخرتها البارح يقول تكفين تكفين انحفي المره لازم تكون رشيقه :30: صاير حتي مايجلس بالبيت واذا جلس يكون طفشان والله كله بسبب هالوزن ماقدر البس او اتكشخ من هالسمنه المميته وزني في التسعين وطولي 150 يعني مختفيه كل جسمي مليان وخاصه الفخوذ رغم اني دايم اجرب رجيمات اخرها رجيم اسامه وماقدرت اتحمله ورجعت الدبل وهالمسكين كل ماقلتله بسوي رجيم جري على السوبر يوفر طلبات وفي النهايه على الفاضي مااستمر
وانا خلاص عزمت يالسمنه تقتلني يااقتلها:angry2:
قريت عن رجيم غلا الاشواق ورجيم عذاري وانا فصيلتي -o يعني لوامتنع عن النشويات انحف
انتم وش رايكم بالرجيمين احس رجيم غلا الاشواق قاسي مره كم اسبوع استمر عليه
عادي لو سويت تناوب اسبوع غلا الاشواق واسبوع عذاري مع بذره الكتان مع شاهي اخظر بالزنجبيل مع رياضه خفيفه لاني توي والده قيصري ممنوع من الرياضه القويه لمده سته شهور وصعبه اقعد سته شهور كذا قلت اسوي مشي خفيف نصف ساعه
الله يخليكم جاوبوني على استفساراتي وش نصيحتكم وهل جربتيه ونحف كل جسمك خاصه من الفخوذ


وفي النهايه لكل متزوجه والله ان الرشاقه مطلب كل رجال لايغرك انه ساكت مالمح بس من جوته يئن لازم نلحق اعمارنا ولا هجو وبعده بنصيح فعلا اه اه يازين النحف والخفه
هيييييييييييييييا افيدوني قبل حياتي ماتنهد