من كم يوم وأنا أنظف في مطبخي وهذا التنظيف الكامل كل كم شهر حتى المواعين باقي ما عملت لها جرد وشفت اللي ينفع واللي مع السلامة
يوم للغاز و الفرن و الشفاط والمنطقة اللي حوليه
اليوم الثاني للمروحة و والجدران اللي حوليه
ولأن المروحة بعيدة عني وعن خادمتي جبت عامل الله يجزاه بالخير وساعدني فيها كانت المروحة من الجهة الخارجية مغطين عليها بشبك حماية شكل اللي على الدرايش و توسخ كثير من الغبار والأوساخ اللي يشفطها لأنها من النوع الكبير قلت له فك الشبك ونظفها من برا وبعدين من داخل وياسلام عليها كأني شاريتها بالأمس وخصوصا مع حبيب مطبخي جف باور كريم الأزرق من عرفته ما عاد تركته
المهم اليوم الدواليب حقت المطبخ نظيفة من الداخل والخارج لكن بقي فوق الدولاب أنظفه
دايما بعد ما أنظفه افرش عليه ورق جرايد أو مفارش
هذه المرة جات على بالي فكرة
أفرشة بالسفر البلاستيك و الزقه بالزق الشفاف
ما أكثر عليكم الكلام بواريكم شغلي
وهذه الصور
جف اللي ما أستغني عنه
وهذه قبل ما أنظف
وهذا أثناء التنظيف
وهذه بعد ما خلصت من تنظيف الدواليب كلها
وهذه لما غلفتها بالسفرة واللزق
جاء على بالي التجليد لكني خفت يكون ما هو عملي لما أبى أنظفه ولا أشله واللي سوته تخبرنا عن تجربتها
سامحوني ما قدرت أصور الباقي لأن جارتي جات عندي واللحين أنا تعبانه لما أفضى بكرة بصور الباقي و أنزله
يالله أبى ردود تراني والله تعبت و أول مره أنزل موضوع من تصميمي وتصويري في هذا القسم