السلام عليكم و رحمة الله و بركاته ....
مساااااء النظافة و النظام .... لحواء اللي خلصت شغلها و جالسة عالنت ألحين .... مثلي يعني .. :p
عاد أنا سالفتي سالفة .. الله يسلمكم البارحة كنت شاوية لحم عالغدا (( ع فكرة نزلت الطريقة في قسم الطبخ أكلة حلوة للأسف ما أعرف أنزل الرابط عشان أراويكم !!)) المهم من كثر الشغل و الركض ويا عيالي هنيه و هناك نسيييييييييييييييييييييييييييت صينية الشوي فالفرن إلى اليوووووووووووووووووووم .. تخيلوا المصيييبة ...... و على هالبرد تجمد الزيت و الشحم عليها لاااااااااااااا .....
عاد اليوم و من الصبح انفجعت بشوفتها و قلت ما يباله أشن عليها حملة تفريك و ترد لي بيضا أقصد أسود من السواد ...
شوفوها قبل ما تشوط من التفريك ...
و كنت مجهزة هالسكين البلاستيك عشان أكشط بها الزيوت و بقايا القصدير و هذا الشكل بعد ما خلصت
و إليكم عملائي في العمل الإجرامي ....
صديقي جف الأبيض ... و صديقي الثاني فيري المذيب .. و فيري الوعيان ...
و الليف .. و الأسفنجة .. و القفازات طبعا ..
المرحلة الأولى بخيت عليها من المذيب العجيب و تركتها 20 دقيقة ...
و بعد جذيه حطيتها تحت الماي و أنا أمسح لتحت بالليفة و أنزل الوسخ و إنتوا بكرامة ..
و صار الشكل
يتبــــــــــــع
و هات يا فرك لين ما تشنت إيدي
و بعدين بعد ما غسلت الجف .. رجعت و غسلتها باسفنجة و فيري عشان أشل أثر الجف و أركز على باقي البقع ..
و ما تخلى السالفة من شوية حركات ... شو تشوفون شو مكتوب ؟؟؟؟؟؟؟
هيه صح ... عاااااااااالم حواء هههههههههههه
و في الأخير بعد التشطيف طلعت صينيتي تبرق برق و ارتحت نفسيا ... نشفتها زين و رجعتها في غرفتها ((( الفرن )) ترتاح إلى أجل مسمى
و السلام ختام ...
السلام عليكم و رحمة الله و بركاته ...
الكيبورد لكم ....