هيوفـ :

الحمد لله اليوم ربي فتح على قلبي ونظفت مجلسي له فتره ماتنظف جلست فيه من اربع الا ربع وماخلصت الا 7 مع انه موب ذاك الكبر ومااحس اني نظفت تنظيف صاحي من تمسيح نجفات اللي سويته اول شي استعنت بالله وشغلت سورة البقره ،، بديت بالشباك كنسته وبديت امسح الفتحات الصغيره ياهي تغث جلست ساعه على هالشباك خاصه انه يطل على شارع عام وكل شوي ماره سياره ومارن واحد يمشي بلشت جبت فرشاة اسنان وحوض ماء وبديت افرك الفتحات وامسحهم بمناديل عقب مسحتهم بفوطه وكنست الشباك مع الجهتين ومسحتوه من برى وجوى ،، ونفضت الستاره ،، بعد كذا استلمت المكيف حاولت افك الشبك ماقدرت للاسف ماادري وش نظاموه هالمكيف وزوجي كان نايم ومابغيت ازعجوه عقب مسحتوه بفوطه مبلله هو والديكور اللي حولوه وبعدها بديت انفض الكنب وامسح الكراسي رجوله وكله وكنستهم بعدين بديت امسح الطاولات بداك والمنظر اللي بالجدار وغسلت التحف وخليتهم وغسلت الزباله وعلبة المناديل اخر شي ككنست الارض وجبت ماء وديتول وبديت امسحهم عقب جبت فوطه ناشفه ومسحت الماء ومسحت الباب و اخر شي بخرت المكان وحطيت فواحه العاذريه من الماجد احب ريحتوه وشغلت المكيف شوي وتوته توته بس حسيت براحه نفسيه عجيبه عقب مانظفت ،، صح مانسيتك والله من دعواتي صاحبة الموضوع صراحتن شجعتيني جداً اني انظف حتى خواتي بالواتس اب يراسلوني وش هالحمااس معين طلع الله يديم قلت امين يااارب عاد بكر باستلم المقلط بإذن واحد واذا مداني استلمت الاسياب اللي في القسم هاذاك والمغاسل ربي يعين وييسر ++ تحكي قصة حياته

الحمد لله اليوم ربي فتح على قلبي ونظفت مجلسي له فتره ماتنظف جلست فيه من اربع الا ربع وماخلصت الا...