بعد نجاح موضوعي الساحق اللي قبل بثلاجتي واخذت المركز الاول بالنظافه واخذت الميدالية الذهبية بالسناعه <-- على كيف امهاااا
حبيت تخوضون معي تجربة اليوم في تنظيف المكيروييف (اول شي شرايكم بكلمة تخوضون؟:27:)
وانا من الناس اللي تخاااااااااف من المكروييف استخدمه للتسخين فقط ووقت قصير مره واذا شغلته احط رجلي لبرا المطبخ كني بزر دخلت على مجلس الحريم اخذت حلاو من الطاوله وركضت خخخخخخخخخخ
المهم انا طريقتي بالتنظيف امسحها من جوا بمنديل مبلل فقط ومن الخارج لا ادوات النظافه العاديه بس من جوا اخاف خطر او شي اما الصحن القزاز اللي يجي معه اغسله زيه زي الصحون بفيري
لكن الدهون من جوا على جدرانه نااااااااشبه ماتروح حتى مع الفررك ودايم اسمع واشوف ببرامج التننظف يحطون صحن قزاز فيه شراح ليمون لمدة خمس الى سبع دقائق فيه وشجعت نفسي بعد ماحامت كبدي منه وقلت اسويها وتابعوا معي الطرررريقه
طبعا اولا حطيت الشرايح بصحن قزاز مثل ماتشوون ودخلته المكروييف ووقته على خمس دقائق لالول مره بالعمر خخخخ
واعلنت حالة الهجه من المطبخ ياعمري ولدي عمره ثلاث سنوات داخل يبي يشرب مويه شلته وانا طالعه اركض انفجع الولد يقول شفيها الوالده <--- ولدي مؤدب على ذالوالده طالع على اميمته هههههههههه
وقعدت اراقب المكروييف عن بعد<-- الا عن نيه خخخخخخ دخلت الحمام الله يعزكم واخذت الولد افرش اسنانه حبكت ذاك الوقت يعنني اشتغل وانا من الرعب
ايه نسيت اوريكم صورته من جوا قبل
وهنا من الجمب
سقف المكروييف
المهم رجعت بعد خمس دقايق وطلعت الصحن واخذ منديل وامسح والنتيجه
لاااااشيء:icon33:
الاثار مستعصيه عيت تطلع قلت برجعها دقيقتين ورجعتها وطلعت ورجعتلها بعد دقيقتين والنتيجه نفسها ماااطلع شي:icon33:
حسيت انه مافي امل بس قلت على ميييييييييييييين يا انا يا هي:mad:
دامها خربانه خربااانه شمرت يديني وفصلت الفيش وجبت مسحوقي السحري:35:
وبخيته من جوا وتركته ثواني وجبت الليفه الحديد الناعمه وادعق الله كني امسسسسح مويه اختفى بكل بسااااااطه والنتيجه تحت تاااااابعوني مع صورة المنظف السحري حبيب قليبي لحد يرد بنااات <--- عارفه الجمله الاخيره مالها فايده ماعمره وحده قالتها وسمعوا كلامها خخخخخخخخخ
\
وطبعا تشوفون اثر بالنص هذي نتيجة صعقه من صينية صقعتها وسوت ماس وهذي من مسببات رعبي منها بعد:44:
هنا من فووووق
زوووووم
وهنا من الجمب من الدااخل
شفتوا النتيجة المبهره
ودكم تعرفون من السبب ؟
هو هذا اللي اعشقه اي شي يصعب علي اشيله اجيبه ركض ويشوف شغله زززين
v
v
v
v
v
v
v
v
v
v
v
مايستفاد من الموضوع
وش رايكم باخر صورة ما اصلح مخرجة دعايات