السلام عليكم أنا مع الأخوات اَأيد الغسل والدعك عشان من تقربين على الحمام تجيك ريحه النظافه


وبعدين من قال ان غسل الحمام بالماء يدخل على الغرف انتي بتغسلينه وتزيلينه بمكنسة الماء(السلاتة) وما راح تنقعينه

جعله الله منزل مبارك

ممكن أعرف ليش نجفف بعد التنظيف ؟؟

وكمان عندي سؤال يزعجني مرة ..

اذا جاك ضيوف من النوع اللي ما يدخل الحمام الا وهو قالبه فوق تحت .. وموسخ المغسلة بفضلات الطعام وغيرها ( خصوصًا الرجال ) ..

الصراحة مرة أقرف أنضف هادا القرف .. وتلاقوني حيغمى علي وأنا بأنضف .. بس غصبا عني ..

اش تسووا لو كنتوا في مكاني وكيف تتجنبوا التقزز بأكبر قدر ممكن ؟؟؟ :17:

والله أنا لمن سرت أقرا في هادا القسم جاني الحماس وهاتك يا تنضيف ..

المهم جيت عشان أسألكم حاجة ..

أنا أخدت الفلاش ونضفت بيه الفراغات اللي بين السيراميك ( بلاط الحمام ) وطلع شكله روعة كأني غيرت الأرضية وحطيت كاشاني جديد ..

بس خايفة يروح تعبي هدر ويرجع يتوسخ .. كيف ممكن أحافظ عليه نظيف ؟؟

والشي التاني لاحظت انه هادي الطريقة مكلفة ومتعبة .. لأني لازم أحط على كل فراغ خيط من الفلاش .. ولو حاولت أخففه ما ينظف مضبوط .. ويحتاجله شوية دعك وريحته قوية ومؤذية لجهاز التنفس وأنا عندي ربو وحساسية .. فهل في طريقة أسهل أو أقل كلفة ؟؟

يا ريت تفيدونا .. لأني ناوية أسوي كل حمامات البيت والمطبخ والصالة والممرات .. يعني جهد مو قليل .. :26:

لا تيمة انتبهي من الفلاش تراه يعدم السيراميك ويفكك الترويبة اللي بين البلاط

أنا سمعت انه استخدامه بكثرة يفتتها .. لكن مرة وحدة ان شاء الله ما تضر .. عشان كدة بأسأل كيف أحافظ على نظافته عشان ما أضطر لاستخدام الفلاش مرة ثانية ..

أو اذا في طريقة تانية لتنضيف هادي المناطق .. وعلى فكرة خلصت الفلاش وأتوقف مشروعي اللين أشتري واحد جديد .. :27:

عندك حل يا قرنفلة ؟؟