تنظيف البشرة يابنات جدة .. ممكن كل وحدة تدلي بدلوها الله يخليكم..

سلام عليكم..

أكيد كلنا سرنا نعرف نعمل تنظيف بشرة لحالنا.. واللي ماتعرف طبعا اكيد تعلمت من المنتدى ماشاءالله فيه بنات علمونا الطريقة بالتفصيل ماقصروا معانا الله يعطيهم العافية :)..

انا اعرف اعمل تنظيف لنفسي، واحيانا احط كيس ليبتون على المويه الحارة.. بس هذي الزيادة الوحيدة تقريبا على الطريقة المثبته في قسم البشرة..


لكن انا مو دايما يضبط معايا.. يعني احيانا ينور وجهي ويسير حلو، ومرات اسير كأني اتضاربت مع بسس الشارع بعيد عنكم .. ههههههههههه
اخر مرة خربشت وجهي من كثر ما ضغطت عالحبوب وسارلي دحين 4 ايام من يوم سويته ووجهي لسه مخربش ومخطط الله لايوريكم هههههههه جبت العيد والله..



أنا هنا حابة اسأل عن الفيشال اللي يتعمل في المحلات.. وتطلعي بالفعل مبسوطة و فارقة معاكي

الله يخليكم واللي تساعدني بدعيلها إن شاءالله.. اللي تعرف وحدة تعمل فيشل كويس مررررة ممتاز في محل او في البيت .. أيا شي

المهم أطلع من عندها مبسوطة ومبين على وجهي التنظيف واللمعة والبياض.. ومايطلع لي حبوب بعد التنظيف..

بس اللي اعرفه ان فيه ناس يسووه في محلات شغل عدل ونظيييييييييييف تطلع الوحدة تلمع ماشاءالله..
بس انا مرة سويتو في (دينا) بس اتعدم وجهي بعدها .. ومرة عملت عند وحدة لبنانية اسمها مريم في عيد كلينك بس من 3 سنوات يمكن .. وهذي ماعدمتلي وجهي بس في نفس الوقت ماعملت ولااااااشيييي..طلعت من عندها زي مادخلت .. كله تخبيصات كريمات عالفاضي ومبلغ وقدره كمانه..

يعني..

القصد، إنو أنا حابة اعمل التنظيف بنفسي طبعا، بس مايمنع اني مرة حابة اجرب شغل بروفيشنال عالقليلة مرة كل سنة..


أنا نزلت الموضوع في قسم ساعدوني ويادوب وحدة اللي ردت مشكورة، قلت مالنا غير هنا

يلا همتك الله يخليكم ياحلوين.. لا تكسفوني :26::26::26:


سمووورة :)