^جـوريـه^ :

مرحبا اختي انا عروس مع وقف التنفيذ لين الله يفرجها ويهدي اهلي ويتتمها على خير لكن سفراتي مع اهلي كثيره والحمدلله كل مره ارجع وبشرتي مش متغيره بالعكس تكون احسن فبقولج انا شو اخذ بشرتي حساسه جدا ماتستحمل شي فيه عطورات ولا شي ثاني يعني اي شي استعمله يكون من دكتور او ماركه طبيه اذا اضطريت اني اخذ بروحي *الغسول حاليا استعمل اييبوس حلو وخفيف من شركه المانيه تلقينه في اغلب الصيدليات واذا مالقيتي جربي كيو فيي ماركه طبيه وحلوه للبشره الحساسه *واقي الشمس جربي انتي حسب بشرتج انا ما احب الي يكون دهني عندج svr حلو وفيه لون واذا ماتحبين الي فيه لون استعملي سنستيل بس لا تحطين تحتهم مرطب اذا استعملتيهم لانهم نفسهم يرطبون *كريم بالليل مقشر باحماض الفواكه خفيف جدا طبعا زمان كانت الدكتوره تخلطلي بعدين الدكتوره هاجرت للاسف حاليا قاعده اجرب احماض الفواكه من لويس ودمر 10% حلو وينور الويه ومايطلع قشور *اذا حابه تحطين مرطب للوجه مثلا لو كنتي بالفندق مابتطلعين استعملي سيتافيل يعني الوجه تاخذين غسول ومرطب وواقي ومقشر يكفي وخذي كريم للحساسيه احتياط *للجسم كريم توبي كريم الوردي ما استغني عنه نعومه وريحه حلوه وفوق هذا طبي بدون معطرات ولا اشياء تعدم البشره واذا يوم ماحطيتيه عادي جسمج يضل ناعم ماخذته من دكتوره وموجود بكل الصيدليات *للشعر طبعا شامبوج الي متعوده عليه انا استعمل بيبي جونسون مايعدم الشعر واذا تبين شامبو بريحه حلوه جربي شامبو ردكن بس اختاري الي يناسب شعرج او اختاري انواع ثانيه حسب الي يناسبج لاني انا ماحب الشامبوهات الي كلها عطور تنشف الشعر وتقصفه فهذيلا احسن شي استعملتهم للحين بس الشغلات الثانيه مثل الصابون مثلا للجسم اذا بشرتج حساسه استعملي غسول للجسم انا استعمل كيو في او فيه صابونه الجلسرين حلوه اذا حابه غسولات للجسم بروايح استعمليها بس حاولي لا تكثرين اذا بشرتج حساسه وبس لا تاخذين اشياء مابتستعملينها ياخذ مكان عالفاضي واي شي بتاخذينه اول مره جربيه الحين قبل العرس عشان ماتتوهقين بعدين ويطلع مايناسبج ولا تفكرين تاخذين شغلات طبيعيه ولا ماي ورد ولا خل ولا اي شي لا تاخذين سنفره للجسم لانه ما بكون عندج وقت اصلا انج اطولين بالحمام عشان تسنفرين يعني واحنا ماتزوجنا ومسافرين مافي وقت للسنفره كيف لو متزوجه مالها وقت ابدا اللهم تتنظفيين التنظيف المعتاد وتطلعين وخذي ليفه بودي شوب القفازات بدل السنفره تفركي فيها يكفي خذي ملح احتياط كغسول عن الالتهابات وبس هاذي كل الشغلات السريعه الي بتحتاجينها وبما انج عروس يعني مافي مجال تطلع شعره بجسمج ماتشيلينيها خذي معاج اله نزع الشعر بس الي تكون ببطاريه احسن من الي تتركب بفيش الكهربه مادري انا بالنسبالي هاذي الشغلات شوي وسريعه يمكن غيري يحسها وايد لكن انا عادتا اخذ هالشغلات للسفر ما اخذ شي زياده اخر شي اقولج وقت السفر لا تخبصين بالاكل ان كان قبل ولا بعد الزواج واستغلي وجودج في بلد مثلا يكون فيه اكل صحي وطبيعي ان كان بفاكهه ولا عصاير ولا غيره وابعدي عن الجنك فود مثل كنتاكي وباقي الشله المعروفه وان شاء الله بترجعين من سفرتج وانتي محافظه على بشرتج مثل اول و احسن والله يتمملج على خير ويسعدج ويهنيج يا رب

مرحبا اختي انا عروس مع وقف التنفيذ لين الله يفرجها ويهدي اهلي ويتتمها على خير لكن سفراتي مع اهلي...