كوبونات الراقية تسجيل الدخول

زائرة •
🇸🇦السعوديه🇸🇦 🇸🇦السعوديه🇸🇦 :
ليش ملابسكم في أكياس وين الدولاب؟ شكلك كسوله يابنت😉 بنت وحده وشقه وكل هذي الفوضى وعدم الترتيب! ابدي من غرفة النوم والدولاب رتبيه علقي ملابسك وملابس زوجك سفطي بجاماتك وبجامات زوجك التسريحه خوذي سلات صغيره تلقينها في ابو ريالين وزعي مكياجك فيها ورصصي عطوراتك وحطي مفرش ع الطاوله ونظمي هذي الأغراض عليه. العاب بنتك حطيها بسله تلقينها في ايكيا ومهو شرط إيكيا جيبي سله كبيره من ابو ريالين وجمعي ألعاب بنتك فيها بطرف الصاله وعوديها تلمها إذا خلصت^لاتطلع دلوعه زي أمها🙃 خوذي شتلات صناعيه وورود زيني المطبخ فيها حطيها على الأرفف ونظفي مطبخك وثلاجتك فيه الحافظات البلاستيكيه خصصي وحده للخضار زي الخس والجرجير والثانيه خصصيها للفاصوليا مثلا والزهره والأنواع الي تفضلونها. خلي درج السحب الي تحت في الثلاجه للطماطم والليمون. حمامات البيت أكيد انها ٢ فقط غسليها كل صباح غسيل كااامل كلوركس ملمع تايد باقي اليوم كل بعد استخدام وانت واقفه رشي مويه وبالمساحه. المغرب ولعي بخور وبخري وسوي دلة قهوه وتقهوي وروقي. ترى وصف شقتك وحوستها نرفزني وما اعتقد ان المشكله مهي نرجسية زوجك لأن نهائيا مالك مبرر لهذي الحوسه الي انت عايشه فيها حبيبتي. كلنا ببيت أهالينا مدلعات ومخدومات بس بعد الزواج حتى لو عندك خدم وحشم لازم تكونين ست بيت وتتهمين بأدق تفاصيله. علمينا شيصير معك
ليش ملابسكم في أكياس وين الدولاب؟ شكلك كسوله يابنت😉 بنت وحده وشقه وكل هذي الفوضى وعدم...
مشكورة ان شاء الله اسوي كذا 💘
ودي احاول انظف وارتب بس بنتي تحوس معاي في كل شيء ارتبه وعرفا تفتح الدولاب بعد وكل شوي القاها تفتحها ومرة فتحته وجلست فيه مع الملابس 😁💔 والحمدالله كان مفتوح وشفتها وطلعتها🙂 وأحاول ارتب وهي نايمة بس بعدين أتعب لاني مانمت معاها وأنا احتاج راحة طويلة لان أسهر معاها لوقت طويل ماتنام غير متأخر.
أنا بصراحة ودي اجلس بس ع الجوال لان اشوف منظر الملابس واكتئب احس مالها حل بس عبيت شوي في اكياس ولاجو لها الناس اللي بياخذوها وأنا ودي ارميهم كلهم ودي يرجع الدولاب زي ليلة العرس كم فستان بس معلق وملابس رشيقين بس أنا حامل والبس ملابس فضفاضة🥹💧
واحيانا صدق يحوشني الكسل وابغى انام واجلس ع الجوال بس لاني مهما ارتب يوم واحد واعفس كل شيء أقول ليش اتعب ارتب ملابسي وأنا لابطلع شيء اخرب الدولاب كله 🤦‍♀️💧
والثلاجة لاجيت انظفها تجي تحوس معاي وتاخذ لها فواكه مهي مغسولة وباردة واقعد أخذتها من يدها وتبكي تبغاها وأنا ماودي اعطيها بارد وعلى ماغسلها واعطيها اياها الا رأسي انفقع من الصراخ 😵💧
ماتكفيني ثلاجة واحدة الله المستعان شقة صغيرة ولكن الله لايوسع الوسع مشكلة غرف واجد وتنظيف اكثر أنا بس احتاج اتخلص من الكراكيب وهي ملابسي ومكياج وعطور بس ماتوقع في بنت اتخلص من مكياجها وعطوراتها بس بشوف فكرتك اعجبتني 🥰🌹
وودي أخذ مكتبة بس ماعندي لها مكان.
ورفوف الدولاب ماعرف لها كبيرة ولااجي أحط ملابس فيها اطويها وبعدين أعفسهم كلهم عشان بطلع شي البسه.
وأنا جهزتهم عشان ارميهم كلهم لأنهم فوضى ووقت الحمل تتغير المقاسات واشتريت غيرهم كم قطعة بس ولكني خائفة بعدين يصير ماعندي ملابس وأنا متعودة ع زحمة الملابس.
زائرة •
اتوكلي على الله قولي اللهم اني ابرأ من حولي وقوتي والجأ لحولك وقوتك لاحول ولاقوة الا بالله ..ان شاء الله تخلصي بدون ارهاق ولاتعب
زائرة •
زائرة :
اتوكلي على الله قولي اللهم اني ابرأ من حولي وقوتي والجأ لحولك وقوتك لاحول ولاقوة الا بالله ..ان شاء الله تخلصي بدون ارهاق ولاتعب
اتوكلي على الله قولي اللهم اني ابرأ من حولي وقوتي والجأ لحولك وقوتك لاحول ولاقوة الا بالله ..ان...
❤️❤️❤️
بنتي مشكلة من تشوفني واقفة تقعد تصيح عشان احملها وهي كبيرة على الحمال وماشاء الله توقف وتمشي واذا ماحملتها تزيد قوة. صرختها باعلى ماعندها وأنا انقهر من صوت صرختها واضطر احملها وبكذا ماقدر اسوي شيء وأنا حاملتها وليتها تبغى احد عشان اوديها لهم وأخلص شغلي ولكنها بعد ماكانت ماشاء الله تحب الناس ماشفتها الا تغيرت فجأة ماتبغاهم مع انهم ماتغيرو ولا أنا غيرت من عدد زياراتي لهم بس زوجي مرة تركها عند اهله لحالها وتعقدت حسبي الله مدري وش صار فيها عجزت افهم الله يشلها شلل رباعي من تضر بنتي في غيابي..الله اعلم وش سوو فيها.
زائرة •
رفوف باب الثلاجة بنات وش تحطو فيها ودي تكون نظيفة ومرتبة أنا لو تشوفوها حتى الادوية فيها وقلت بشيلهم ولكن مدري وش أحط فيها اشياء الصح غير كاسات الجبن
والمعلباات تحطوهم في الثلاجة والا برا أنا عندي معلبات دخلتهم الثلاجة حسيت انها ضاقت والرطب واجد ماشاء الله وماعندي احد ياكله وش تنصحوني اسوي في الرطب لأنه صار مرة طري وماحبه كذا وهل ياكلوخ الحيوانات والا مايخالف اخليهم برا الثلاجة ...لان الرطب ماخذ مساحة في الثلاجة واصلا ماعندب احد ياكله وأنا ماحبه واجد الحمدلله على النعمة.
وشكرا لكم جميعا اتمنى تشاركوني 🌹
زائرة •
يعني الوحدة إذا ودها يكون بيتها نظيف ومرتب وثلاجتها دايما نظيفة ومرتبة مفترض كل كم يوم ترتب وتنظف ودي اتغير واترك الكسل وكيف ممكن تنظيف مع وجود الاطفال احيانا مايكون تقدري لو صغار مرة. .لان يحوسوا معاك.
مع اني قبل أتزوج كنت ماشاء الله في بيت اهلي انظف وارتب دولابي واطبخ ولكن تزوجت وبدأت زواجي جالي اكتئاب من كثر المشاكل مع زوجي وتدخلات اهله واخته الله يسلط عليها ويفكني شرها وحمدلله أنا تخطيت الوضع وبدات افهم الناس الي حولي احيانا يكونوا حاقدين او غيرانين او فيهم علة نفسية مع ان الواحد مشاكله تكفيه حسبي الله عليهم ويشغلهم لنفسهم بشر شغل.... يعني الوحدة مدري كيف كذا تكون مانحب الخير لزوجة اخوها يعني معناته ماتحب اخوها الله يشفيها لان لو أحب اخوي اصلا كان حبيت زوجته بس مو كل الناس لازم احيانا تحبك المؤمن مبتلى والله يوفي الصابرين اجرهم بغير حساب على صبره وتجاهله امثالهم.. لان من علامات المؤمن تجاهل اللغو لانها لغة المعوقين والجهلاء من الخلق ...الله لايفتنا ولايشغلنا بغير طاعته...