السلام عليكم ورحمة الله وبركاته

الموضوع عجبني كثير ..

انا قبل الزواج ما كنت اسوي اي شي في بيت اهلي .. وبعد الزواج حبيت الشغل بالفطرة من فرحتي بالبيت .. ومن عرفت عالم حواء حبيت النظافة اكثر واكثر وحبيت ادقق في كل شي واتفنن وكل شي تكون له لمسة خاصة وفكرة ذكية وحسن تدبير .. ولاحظت ان هذا ريحني نفسيا وبيتي الكل يتكلم عنه وعن نظافته ..

بس مشكلتي الحالية اني توني والدة من 28 يوم .. واخر اشهر حملي ( تقريبا من الشهر السابع ) خفيت تنظيف وحسيت ان الشغل اتراكم .. ونفسيتي هالايام صارت تعبانة من الفوضى .. حتى اولادي ( الكبيرة 7 والوسط 6 والصغيرة 2 والبيبي الجديد ) مو قادرة اسيطر على فوضتهم ( ألعاب من غرفهم الى الصالة .. تنطيط دائم على الاسرة حتى سريرنا .. بقايا حلاوة على الارضية والثلاجة وخصوصا في شهر رمضان والحلويات تزيد ... الوضع صاير عندي شبه مأساوي ..

وياكم في اليوميات ان شاء الله ومن بكره .. بس لو يكون لليوميات موضوع منفصل يكون افضل ..

وشكرا لصاحبة الفكرة ..

نسيت اقول الطرق الا اعتبرها تشجعني للتنظيف والترتيب ..

** ارتب نفسي واخلي مكياج خفيف وعطر

** كل اسبوع اخصص منطقة للتنظيف العميق .. وكل يوم انظف فيها من ربع ساعة الى نص ساعة ..مرة بالليل ومرة بالنهار .

** اوقت ( العد التنازلي في التلفون ) واسابق الوقت .. مثلا 20 دقيقة للصالة واحاول اني اخلصها قبل ما يخلص الوقت ..

** قبل النوم اخذ لي لفة سريعة في البيت ألم اي شي مرمي وارجعه مكانه

كشكوشه هانم
يا حليلك يا قلبي انتي زوجك مره دقيييييييييق وموسوس الله يعينك عليه
يا هلا ومرحبا فيك بموضوع اليوميات الجديد اللي تم افتتاحه <<<<< حلوه تم افتتاحه
نتقابل هناك ونتكلم عن يومياتنا الي نوصل لمرحلة السنعه بحق وحقيق

المبتسمه دائما
الله يعجل بزواجك ويسعدك بحياتك وتفرحين بتنظيف بيتك ومملكتك ويديم عليك النشاط ويجعلك سنعه وست بيت ممتازه بعين زوجك

آآآآآآآآآآمين وانا معك وكل البنات يااااااااااااااارب

ابنة المطر
هلا وغلا فيك وان شاء الله تستفيدين معنا من تجارب الاخوات

استرخاء
صح لسانك
لا فض الله فوك

فعلا انا دايم افكر كذا عندنا الف شغله وشغله مطالبين فيها وش بنلحق عليه ووش بنتركه

الله يعينا ولا يحرمنا الاجرويعطينا القوه ياااااااااارب

ام انوم
بجرب طريقتك
مشكوووووووره عالمرور الحلو
نورتينا

روعــــــــــــــه
يا عمري انتي حاسه فيك الله يعينك عالحوسه والدوشه
بس لا تكتابي لانك ما بتقدري تسوي شي وصدرك ضايق
قسمي الشغل شوي شوي وبشكل ما يتعبك
وحلو لو تخلين بناتك يساعدوك لانهم كبار ما شاء الله يعني اعطيهم اشغال على قدهم كنيس ومسح طاولات وهكذا
منها يساعدوك ومنها يتعلموا الشغل شوي شوي

واتفضلي معنا بموضوع اليوميات الجديد

السلام عليكم ورحمة الله وبركاته
ياحلوات فعلا اول شي قومي واعملي تحليل لانه معظم كسل النساء بسبب الهرمونات-فقر الدم
وخصوصا الخمول والكسل
اذا طلع كل شي كويس ابدوا بالتنظيف وبالتوفيق للجميع

كنك تتكلمين عني
بس انا يمكن كان معي عذر لاني كنت صغيره اول ماتزوجت
كان عمري 17 سنه وانواع الطيش توي ماركدت وماتعودت على الشغل ابد
جايه من اهلي وانا ماقد لمست شي بالبيت
اول 3 سنوات الله لايوريكم
مواعين العشاء تقعد للصبح خخخخخخخ
وانواع الاهمال
اكبر همي الوناسه والطلعات

بس كني عقلت الحين خخخخخخخ


عقب ماجبت بنتي وانا الحمدلله متغيره كثير