عزيزتي الغالية .....
اذكرك بقول الرسول صلى الله عليه وسلم لأبنته فاطمة عندما طالبت منه خادم ( الا أدلكما على خير لكما من خادم تسبحان الله 33 مرة وتحمداه33 مرة وتكبراه 34 مرة )
وذلك مجرب وأكيد ولا يوجد أصدق من كلامه وفعله عليه الصلاة والسلام
عزيزتي الغالية .....
اذكرك بقول الرسول صلى الله عليه وسلم لأبنته فاطمة عندما طالبت منه خادم (...
اولا ياعسل الله لا يجيب المشاكل بينكم
والمفروض تحمدي ربك مو تقولي ربي بلاني رزوج يحب النظافة والترتيب << هذي ميزه مو عيب
عشان حتى لو انتي كسوله على قولك هو يحركك ويشجعك على النظافة
بعدين ياحلوه من قال انك كسوله؟؟؟؟؟!
انتي حاطه الفكره هذي في بالك
انا توني متزوجه لي ثلاث شهور والحمدلله بيتي داااايما نظيف ومرتب رغم اني كنت دلوعة أهلي
آخر العنقود لا وعندنا خدامه بس لما تزوجت حسيت بالمسؤولية وانو بيتي هذا مسؤوليتي
ويعكس شخصيتي لأنو ماينفع اكون نظيفه بنفسي وملابسي وبيتي الي اعيش فيه وسخ..!!
وغير كذا انتي تقدري بدل مو تنظيف البيت اكبر مشكلة بينكم تخلي تنظيف البيت مصدر سعاده
وراحه نفسية وقتها استقبلي انواع المدح والغزل من زوجك خاصة انه يحب النظافة والترتيب ماشاء الله
وحطي الأشياء الي بقولها لك قدام عينك داااايما
لما تجي تبغي تنظفي بيتك لاتفكري بالتعب والمجهود فكري في النتيجة الي بتوصلي لها
لو رميتي الكسل على جنب وقمتي نظفتي وترى الموضوع سهل مرررره يبغى له تنظيم وشطاره
قومي الصباح ترى وقت الضحى فيه بركة سبحان الله واستغلي عدم وجوده في البيت عشان ماتزعجينه
قسمي الشغل كل يوم غرفة تلميع سيراميك تنظيف طاولات وكنب وستاير وشبابيك وتبخير
وخصصي أسبوع لو تبغي للمطبخ يوم للثلاجة (تنظيف عميق)
يوم للغـــــــاز والفرن ويوم للرخام والسيراميك والمغسلة ويوم لترتيب دواليب المطبخ
والحمامات طبعا غسيل يومي جيبي علبة داوني فاضيه واخلطي فيها منظفاتك المفضلة
وخليها في الحمام وجنبها مكنسة صغيره وكلما دخلتي الحمام غسليه بتصير ريحته جناااان
(هذي طريقة وحده من الاخوات هنا نسيت اسمها الله يسعدها)
حطي فواحات وشموع في كل زوايا البيت وحتى في دورات المياه الله يكرمك
وحاولي تجذبي نفسك للشغل بأي طريقة اشتري منظفات بروائح عطرية
واشتري ادوات تنظيف حلوه مدلعه بلون وردي مثلا ولاتنسي تشغلي القرآن في بيتك دايما
وفي النهايه احب اقول لك شي مهم جــــــــــــــــــــــــدا...
خلي بيتك حديقة مرتبة وحلوه وتفتح النفس بالنظافة والتهوية الجيده عشان تفتحي نفسك
ونفس زوجك للجلسة والإسترخـــــــاء في مملكتكم الصغيرهـ...
الله يوفقك ويسعدك في حياتك...
لاتنسيني من دعواتك...