تنظيف الروبيان

السلام عليكم
كيفكم ياطباخات

أنا اليوم كتب علي ربي ودخلت المنتدى وشفت طبخاتكم بالربيان
ورحت لزوجي وطقيت على صدري وقلت جب لي جمبري أبي أسوي
والله وراح الرجال وجاب ويوم ناظرته وأنا أنصدم
لقيته موب منظف يعني عليه قشور وفيه خطوط سوداء من فوق وتحت
وأنا ماعمري نظفته
قلت يابنت جربي ماراح يصير شي
المهم تذكرت إنه أمي كانت تنظف الروبيان اللي يصيده خالي
بس كنت صغيره ولاعمري ساعدت
وأقوم وأشيل القشر وأشيل الخيوط السوداء اللي فوق وتحت
بالسكين
وحبت أعرف هل هذي هي الطريقه
ولاأنا غلطانه؟؟؟
إذا كان غلط علموني الله يعافيكم
وبعد كيف تروح ريحة الروبيان من يدي والله غسلتها بالملح والليمون والصابون مازالت الريحه موجوده

الله يجزاكم كل خير