كيفكم بنااااات..
ساعدت ماما في تنظيف الثلاجة وحوريكم كيف نظفتها..
( طبعاً هذا شئ بسيط بالنسبة لكم ما شاء الله تبارك الله عليكم لكن بالنسبة ليا شي كبير لأنة مو متعودة كثير على الشغل الكثيف )
على العموم...
الوقت اللي أستغرقتة في تنظيف باب الثلاجة مابين 30_45 دقيقة تقريباً..
المواد المستعملة..
منظف إسمة 409 ( بخاخ )
كلوركس
موية وصابون ( فيري )
سفنجة وخرقة مبلولة وناشفة
بسم الله نبدأ..
طبعاً هذي الصورة قبل التنظيف... ( شلت جميع الزينة الموجودة على باب الثلاجة ) وبديت برش منظف 409
وجبت السفنجة وبديت أدعك بالجهة الخشنة ..
وكذا سار..
وبعد ما أنتهيت جبت الخرقة المبلولة ومسحتة مزبوووووووط ( لازم تتأكدو إن المنظف نزل مزبوط ) وبعدين شيلي البلل بالخرقة الناشفة وبعد كذا جبت الكلوركس وحطيت شوية في صحن وبللت السفنجة بالكلوركس ومررتها على الباب وأنتظرت دقيقة وبعدين دعكت مرة ثانية ( ولو كان عندك بخاخ يكون أفضل ) لأنة أسرع
وبعد كذا أمسحي الكلوركس بالخرقة المبلولة وبعدين بالناشفة...
وبعدين حطي موية وصابون في صحن ونظفي الثلاجة.. وشيلي الصابون بالخرقة المبلولة بعدين بالخرقة الناشفة...
وبعدين تطلع هذي النتيجة..
وأخيراً.. أتمنى تعجبكم النتيجة...
وحلوة هالمواضيع والتجارب حتى لو شفتوها بسيطة
إلا أنها تحمس وتدفعنا نحن العضوات لشغل أكبر0