
بسم الله الرحمن الرحيم
من يومين كده نظفت بوتجازى وصورته عشان انزله ف موضوع
والحقيقه كتير بحس ان مواضيع التنظيف عامل مشجع جدااااااااا جداااااااااااا لينا وخصوصا المصورة بتخلق احساس بالغيرة ههههههههههههههه:35:
اخليكم مع الصور
انا استخدمت(فيبا - خل - كلوركس)

وضعت ماء وفيها مستحضراتى وع النار وجمعت الكوش بتاعه البوتجاز وتركت عين واحده فقط الى عليها الحله
وسبتهم يغلووووووووووو

بعدين طفيت النار ورفعت الحله وشلت العين الى كانت شغاله وحطتها مع اخواتها ف المايه تاخد نصيبها من الشور
خدت عين عين ودعكتها بالسلكه وعليها فيبا
ثم تركتهم ينشفو
وهذا بعد ما غسلت البوتجاز نفسه بالسلك والماء السخن والفيبا

فرشت فويل على البوتجاز بالطريقه دى عشان يكون محبوك على العين وميتسربش شئ على البوتجاز



وسبت تلت عيون بس اشتغل عليهم والاتنين التانيين غطتهم بالفويل

بس فيه ملحوظه مهمه جدا جدا :-
خلو بالكم تشيلو فيشه البوتجاز قبل الشغل
عشان انا مخدتش بالى من الموضوع ده واتكهربت كذا مرة لحد ما فهمت الموضوع ايه بس الحمدلله ربنا بيستر
دعواتكم لى ولكم بالمثل
