تنظيف بيت جديد مين تساعدني ؟ >>>لا تفشلووني بلييز

مبروك عليك البيت الملك تتهني فيه يا رب ويجعل عتبته عتبة افراح ومسرات يا رب ، ويعطيك خيره ويكفيك شره يا رب

:06: ذكرتيني ببيت اهلي يوم ما خلصنا البناء الله لا يوريك 3 اسابيع اظافري انعدمت وانا مع التنظيف
بس ان شاء الله اقدر اساعدك
بعطيك بعض الخطوات ولي رجعة ولو تحبي تسويه على شكل يوميات حاضرة اجيك كل يوم واشجعك
1-ابتدي من فوق الى تحت
خلصي دور اول بعدين تنزلي لدور سفلي
2_تشيلي الزوائد من اتربة واسمنت وخشب او حديد من بواقي من البناء
3-لازمك بعض الات الي تشيل بوية من على ارض او على الزجاج ما ادري ايش تسموها في الخليج(في اخت نزلت قبل فترة صورتها شالت بيها التجليد من على الشباك)
4 لا تهتمي بالغبار في اول لانك مهم اتشيليها راح ترجع لان لسا ما خلصتي تنظيف
اهتمي انك تنظفي حافات الشباك وارضية من البوية
بالنسبة للحمام تنظفيه بالفلاش علشان تخلي بالوعة نظيفة ربما العمال صبو فيها اشياء
وبكذا بعد ما تخلصي
تجي مرحلة تنظيف الجدران بالصابون اذا كان بوية زيت يعني تنغسل والشبابيك والابواب كلو بالماء والصابون بعدين سيراميك
على فكرة ترى سيراميك ما راح تحسيه نظيف حتى تفرشي بيت - لمعت فيه لما تعبت بس فرشت البيت بان اللمعان

هاذا الي حاضرني الحين ولي رجعة بإذن الله

اخوات راح يفيدوك في اسامي منظفات علشان انا ما عندي خبرة كثيرة في اسماء منظفات الي متداولة بالخليج يعني جديدة علي
،الي اعرفهم زين فقط حق بلدي


الله يعينك يا رب حاسة فيك بس كويس معك شغالات انا نظفت بيت اهلي 3 ادوار ومستودع وحديقة انا وامي بس ما احتاج اقول لك كيف تكون الحالة المادية بعد البناء

جروح الوداع ..

اهلا فيك اختي والله انك اكثر وحده عجل بتساعدني ..

انا المشكلة اني مو عارفة ابدأ بشنو ؟؟ لاني كل مرة اروح اكنس البيت من فوووق لتحت وارجع ثاني يوم والغبار ما زال ؟؟ ويتجمع بكثثثرة ..

اول شئ سويته شلت البلاط كلله و خليته في المخزن .. ورمينا كل مخلفات البناء من حجر واسمنت ووووووالخ ..

ثاني شئ سويته نظفت الحمامات بالعملاق .. بس ما احسها تلممممممممممممع ؟؟ يعني عليها مثل الاسمنت الابيض مو راضية تروح الطبقة ؟؟ وحتى الارضيات نفس اللشئ ..


استخدمت القشارة اللي تقشر الصبغ رووعه .. فادتني جدا .. لكن انا محتارة في نقاط الصبغ الصغيرة اشلون اقدر اقشرها ؟؟ كثيييييرة جدا في كل مكان ؟؟ ابغى سائل تنظيف و لاصابون يذوبها ؟؟ مرة وحده

واما بالنسبة للفلاش للبالوعات ... ممكن يا اختي تعلميني الطريقة ؟؟ الله يخليك مو عارفة اشلون يستخدمونه ؟؟ خصوصا ان الفلاش يقولون خطير و ما ادري ايش فخايفة استخدمه ولا عمري جربته .. ؟



اميرة قلبه وروحه ..

احنا كنا حاسبين حساب الشركه بس الله يسلمك المحلات رفعو اسعارهم دبببببببببل و احنا اللي رحنا فيها .. وصارت علينا اللحين ديووون وما نقدر نزيد مصاريفنا اكثر .. فرحمت حالنا واستسلمت للامر الواقع وقررت اعتمد على الله وعليكم وعلى الشغالات لتساعدوني ..وانا سمعت كثير عن الشركات ما ينظفون البيت عدل يعني انا بصير على الخدامات والعامل فوق رأسهم .. لما يصير البيت يلمممممع

جزاكم الله خيرا اخواتي .. منتظره نصائحكم ..

ايه صح نسيت اسألكم البويه مائية .. مو زيتية اخاف انظفها بموويه تطيييييييير وتنمسح ؟؟؟

فماذا استخدم لها ؟؟

فوطة مبلولة .... او .. فوطة جافة ... او ماء وصابون ؟؟

حبيبتي ....مبرووك عليك بيت العمر..أسأل الله أن يكون بيت عامر بالسعادة ...ويؤتيكم خيره ويكفيكم شر الحساد..
بالنسبة حبيبتي للتنظيف ....ابدئي أولا بإزالة مخلفات البناء والأشياء الكبيرة ...وخلي الغبار آخر ما تنظفينه..
أغسلي الأبواب و النوافذ من الخارج والداخل بالماء والصابون... بالنسبة للجدران إذا كان الطلاء مائي فلا تستعملي الصابون أبداً..
امسحي الجدار بفوطة مبللة بالماء بشرط أن تكون ناعمة ... وبالنسبة للسراميك استعملي (التنر) الحار لإزالة بقع الصبغ
والاسمنت الأبيض..ويمكن أن تستخدمي سكين البلاط أو تسمى (المجرفة) لتزيل الاسمنت ولا تخدش السيراميك.
واستخدمي الفلاش لفتح المجاري..تأكدي أنه الفلاش الأصلي...وصبيه مباشرة في البالوعات...واخرجي من البيت..
وسلامتك... أتمنى إني أفدتك ولو بالقليل.

مبروك الف مبروك ويارب تتهنو فيه
المنظفات الي تحتاجيها افلاش كلوركس منظف زجاج داك منظف الارضية صابون تايد
الفلاش حطية على طول على الاشيا المصفرة وبقع الجبس والبويه وخلية ينقع فية ساعة عشان تظمنين انة ازالها بس انتبهي ترى ريحتة تكتم ولا تخلطية بشي بالنسبة للمعة الحمامات جيبي طشت كبير وحطي فية صابون تايدوكلوركس مرة ممتاز يعطي نظافة ولمعان وعاد ابدي ادعكي البانيو وملحقاتة وربي نظافة ولمعان بالنسبة لشبابيك ادا كانت تخرج خلي الشغالة تخرجها وتغسلها في الحمام وادا ماتخرج خليهانظفها من جوة وبر عشان تقتح النفس وبعد ماتخلصي الحمامات والشبابيك ابدي في الارضيات طبعا صابون تايد وكلوركس وديتول او داك بالريحة الي تحبيهاوالله ماتخلصي الا بالمعة ونضافة واسال الله لك السعادة فية والله اني فرحتلك مدري لية