السلام عليكم
الحقيقة هي اول مشاركة لي بهذا القسم بتمنى تشجعوني شارك دايما هون
حبيت اعرضلكم عملية تنظيف دراجة و العاب بنتي و هي طبعا عملية مهمة لكل ام و اي ام بتعرف انه تنظيف الدراجة مهم كتير و ذلك لتجمع الاوساخ المرئية و غير المرئية بين طيات و حواف الدراجة خاصة انه الطفل كتير احيانا بياكل بدراجته البسكوت و الحلويات و ما بيرتاح لحتى يدهن كل شي قدامه بالأوساخ بالاضافة لتجمع الغبار من الجو
هي عرباية بنتي قبل التنظيف
بالبداية بنفك قاعدة الالعاب الي على الدراجة لأنه فيها بطارية و مشان ننظف تحتها
ليفتها بالماء و الصابون و بعدين عقمتها بالديتول كويس خاصة بين الحواف مشان البكتيريا الي صعب نوصل الها
و هيك صارت بعد التنظيف
و بعدها فكيت المقعد ( مكان جلوس الطفل) و غسلته كويس بالماء و التايد
وهلأ صار دور تليف العرباية حطيتها بالشور و ليفتها كويس و بعدين شطفتها منيح
و بعد ما خلصت من العرباية بلشت بالعاب بنتي البلاستيكية متل الليجو
حطيتهم بتشط في ماء
و حطيتلهم شوية ديتول مشان يتعقمو
و طبعا غسلتهم كويس و نشفتهم بفوطة نظيفة
و هيك صار شكل الدراجة و الالعاب بعد التنظيف
بتمنى تكونو استفدتو من موضوعي و يكون شجعكم على تنظيف دراجات اطفالكم و العابهم