تنظيف عميق للمطبخ ... شاركونا بأفكاركم

*****_( تنظيف دواليب المطبخ العلوية)_*******






الحمد لله شطبتهم قبل كم يوم , بعدين قعدت فترة ما نظفت شيء ....
بذكر لكم بعض من طرقي وأفكار أخرى مقترحة
طريقتي كنت جايبة قطع بلاستيك الخاص للتزين ...وبعضهم يستخدمون كسفرة على طاولات الطعام
ميزتها انها بلاستيكيه ... سهله التنظيف
قصيتهم قطع على أحجام كل دواليبي في المطبخ...
ويوم جيبت انظف عميق....بس فضيت الدواليب وشلت كل قطعة بلاستيك واللي كان محتاج تنظيف نظفته ورجعته
وبالنسبة للاغراض اللي تصير بداخل دواليبك افرزيهم
( شيء تحتاجين تغيرين مكانه لأن كل دولاب مفروض يكون مخصص حق شيء...كذا يكون دايم مرتب...لان لو حطيتي بكل دولاب اللي قدامك بيصير حوووسة )
( شيء ماتحتاجينه ترمينه...او لو هي صالحة للاستخدام بس انتي ما تبينها تعطينها لأحد محتاج....)

عقب ترجعين كل شيء لمحله ولو احتاج الدولاب تنظيف من داخل خلي عندك طاسة فيها موية + مسحوق تنظيف
والبسي الجوانتي وافركي ...
واخر شيء لا تنسين باب الدولاب من التنظيف....






بالنسبة لترتيب الدواليب كيف أنا مرتبتهم
* دولاب خاص بالبهارات...( كل البهارات ابتداء من الملح حاطته فيه وهو أقرب دولاب للفرن بحيث تصل اليد لهه بسرعة أثناء الطبخ)
وهذا الدولاب يحتاج كل فترة أيضا تنظيف لأن البهارات بعضها تخلص فترمين علبهم وكراتينهم ...ولا تخلين عندك أي شيء ما تحتاجينه
وزي ما قلت لو عندك فائض عطيه احد
وكشكل لتنسيق الدولاب هذا اختاري علب جميلة ومرتبة ...
بالنسبة لي أحب البهارات كثير وأحب أنوع فيهم..عندي أنواع البهارات وكل كم نوع خصصي لهم علب شكل
إذا بهاراتك كثيرة ..




* دولاب خاص بطقم مواعين الشاي والقهوة
فيه فناجيني وصحون الحلا و الحلويات وكاسات الشاي..وأغلبه مواعين الزجاج الشفافه العادية
وهذا الدولاب لا تحطين به شي قبل ما تنشفينه ...عشان ما تبقع معك
هذا ما كان يحتاج تنظيف عميق أبد لانه دايم نظيف تقريبا .... ما فيه شيء يسبب وصاخة


* ممكن تخصصي دولاب للصيدلية المنزلية وحبذا تقفلينه فيها عدة أسعافات أولية
وادويتكم ومهم يكون بعيد عن متناول الاطفال...وكل كم شهر ارمي الادوية اللي تنتهي صلاحيتها
وبكذا ما يحتاج إلا تنظيف سريع كل شهر

*****_( تنظيف الفرن الكهربائي)_*******



أهم نصيحة لا تحطينه قريب من البوتوجاز لو عندك مساحة بمطبخك لان ما راح يسلم من زيت القلي المتطاير
لكن لو حصل عندك فيه دهون ولا أي عوالق أخرى...
استخدمي اي منظف خاص بالدهون خليه كم دقيقة وافركيه واستخدمي قطعة قماش قطنية للمسح تصير تلللمع
وأفضل شيء للمسح الاقمشة القطنية ... تشيل الموية ..

ولي عودة بإذن الله لبقية الفقرات عقب ما أخلصها




وأنتظر مشاركاتكم الجميلة واضافتكم في طريقة تنظيفكم للمطبخ

مما يعين في تنظيف دواليب المطبخ والمطبخ منظف ستريس مدري ويني عنه من زمان

مشكورة وفاء ما قصرتي وشكرا للمشرفات على تمييزهم للموضوع