تنظيمي و تنظيفي استعداد لشهر رمضان

مساء الخير عليكم وكل سنة وانتم طيبين

اولا التنظيف قبل رمضان
ابتدي قبل رمضان باسبوع علشان اقسم الشقة ودة بيريحني اوي لان طول الشهر انتم عارفين مفيش وقت ابتدي بالريسبشن لانه علقة الصالون والسفرة مع بعض اشيل السجاد وانفضه واضعه في البلكونة بعد كدة انفض الكراسي واجيب قطنة كبيرة وانظف مدهب الصالون بيطلع كمية تراب وامسح كراسي السفرة بس الاول اكون نفضت الشبابيك واجيب فوطة وبليدج والمع خشب البلكونة والشباك هما خشب سلسلة ولونهم بني الصراااحة مريح في التنظيف
ثانيا
اجيب ورق جرائد والمع زجاج البلكونة والشباك
جلانس المع بتارين السفرة والمع بفوطة بجلانس التحف الموجودة وايضا ترابيزة الصالون
ثالثا
دولاب الفضية افضيه والمعه والمع الفضيات بمادة خاصة به جبتها من سبينس وارصصه بعد زللك المسح اضع في الماء فيري وكلور واسنس خوخ ريحته تحفة من الناس الي بتبيع المباخر في العتبة وشوية دواني وامسح الارض الريحة تهبل ووممكن شوية خل تفاح لاضفاء الامعة وارجع افرش
دايخة طبعا بكون خلصت واعزروني كان نفسي اصور من شقتي بسس ادعولي ارجع بالسلامة وانزل بالصور بس حرفق صورة من كتالوجي اه كمان بشيل الستارة وانقعها في البانيو واغسلها وكمان ارش علي السجادة بالبخاخ اسنس الخوخ ودواني اليرحة تبقي فظيعة وبعملها قبل ما يجوا الضيوف
تاني يوم حجرة الانتريه والاولاد
حجرة الانتريه
اشيل السجادة وانفضها وانفض الشباك وازعف الحيطة وانفض الكنب والكراسي ثم ابدا التلميع بالجلانس للشباك والترابيزات والمع الفازات والبونبرات واشيل الستارة اغسلها في البانيو ببرسيل ودواني حتقولوا ليه متحطهاش في الغسالة لانه معمولة ري الفسطنات والرجل قالي لازم في البانيو لتتفكك وطبعا امسح الارض بدواني وكلور واسنس الخوخ المركز وافرش وارش السجادة بالخلطة بتاعتي وطبعا البونبونرة اضع فيها الشكولاتة وشيالة المكسرات اضع فيها تسالي رمضان لينا وتحسبا للضيوف بعد الافطار واضع في علبة الكلينكس وحدة كلينكس جديدة
حجرة الاطفال
دايخةاه ياني منها ومن قالبنها
ابتدي بالدولاب الكارثة الكبري انا الايام دي اشتريت منظم لادراج وريحني رستت الاندر وشرباتهم ونظمت الجزامة وحشتري شماعات الباطيل والسحرية لاولادي و زوجي وبعد زللك تنفيض الشباك تزعيف الحائط وتنضيف التكيف من الخارج بماء واسنس خوخ واشيل االفلتر واغسله ومكان الفلتر من برة بفرشت السنان لانهه عاملة زي الريش وبعد كدة اشيل مفارش السرير علي الغسالة الخلطة بتاعتي دواني واسنس خوخ وارش بالبخاخ علي المراتب وادعك بالاسفنجة الريحة تحفة بعد كدة المكتب طبعا الكتب القديمة بضعها في كيس كلها وبعطيها للجامع الي جنبنا او جمعية رسالة والكراسات كمان وبكدة المكتب يفضل عليها الابجورة علبة خاصة بتجميع الاقلام الرصاص مرسوم عليها سبايدر مان لان ابني بيحبه اخري للاستيكات والبرايات عارفين الانش بوكس الصغير برضه
سبايدر مان اجمع في واحدة الوان الخشب وواحدة فلومستر وفي ادراج المكتب ومنعت بكدة الفوضي الي علي المكتب ونظمت الالعاب في مكانها و جبت من محل الاطفال بتاع ولادي زي سلة للملابس ملونة علي شكل ميكي وليتل بووه واحدة للاعاب الصغيرة الي بيلعبوا بها يوميا والاخري للملابس المتخة ومسحت بالخلطة بتاعتي وفرشت ورشيت خلطتي عليها وفرشت السراير ميكي والحركات دي عاملة شكل حلو للغرفة

ثالث يوم حجرتي والمطبخ
حجرتي برضه ابتدي بالدولاب وطبعا مش حياخد وقت لاني اصلا منظماها رف للبيجامات رف للانجري رف للشتوي وفي كل رف قطعة مسك مربوطة في شاشة
في الادراج منظم الاندر الدرفة التانية معلقة لبس الخروج والارواب والرف فوق للخروج الشتوي وتحت للشنط الشفونيرة درج للفوط والبشاكير ودرج للملايات والباقي في رف في دولاب زوجي عاملة علبة لادوات الخياطة تنظيم التسريحة واشتريت اكسسوار علي شكل يد يتعلق في الخواتم والاكسسوارت اشتريت علبة معمولة بكماش السيرما فغيرتلي شكل التسريحة طبعا المرتبة نفضتها وعملتها بالمكنسة بفرشة الستاير علشان البكتريا ورشتها بخلطتي ودعكتها بالاسفنجة وشيلت الستارة غسلتها وزعفت الحيطة وغسلت الالموتل ومسحت بخلطة اساسي ولمعت بجلانس كل شي ويفرش السرير واشغل الفواحة وريحت الاوضة تحفة واحسن حاجة مريحاني
ان الحيطان عندي نبيتي في اصفر فاتح ومخلي الاصفر في الامكان المدارية والنبيتي هو الي ظاهر وهو نبيتي غامق مش محتاجة دعك حيطان خالص كل الي يشوفوه يفتكره قطيفة
المطبخ رابع يوم ومعه الحمامدايخة طبعا بكون اتهدت نبتدي باسم الله
اهم حاجة يا بنات نفرز حاجتنا ونفضي اماكن لتسويق رمضان علشان منفضلش نازلن طالعين نشتري واليوم يضيع والا البوابة تروح تجبلك طلب وضيع ساعتين حصلتلي مرة قبل عمليت التنظيم والمغرب ازن وانا مخلصتش وجوزي نزل و اخدني فطرنا عند حماتي ومن بعدها توبة بدات عملية التفريز كل شي بالزات علشان العزومات وغدا حعمل تقرير للتفريزات للمطبخ
معلش راغية انا استحملوني بقي اهو بفضفض باحبه يا ماما
ابدا شباك المطبخ اغسله بفيري وكلور وديتول السللك لا علشان ميصديش اسفنجة ناشفة وزي مكون بكنسه يبقي زي الفل
خشب المطبخ من فوق
انضفه بفيري وادعكه يبقي زي الفل الشفاط انظفه باسفنجة واستونش للاستلس تحفة يباع في سبينس وكارفور ريحني تحفة شبه بخاخ جلانس
البوتجاز ارش عليه استونش وافك العيون وارش عليه استونش واتركهم شوية عقبال منضف الفرن واخرج الصينية وادعكها بفيري واغسلها وفوطة ارش فيها استونش او خل تفاح وامسح الفرن كله من جوة وادخل الصينيةو مفاتيح البوتجاز بنفس الفوطة وعصاية الشيش طووك الف عليهها قطنة لانضف الاماكن الصعبة اطلع للبوتجاز استونش بيكون فك كل الدهون امسح بالفوطة والعيون بالسللك مفيش 5دقائق و خلصه و ادخل علي الخلاط بالاسفنجة شوية خل وفيري او اي سائل وادعكه وامسحه بفوطة مبلولة طقم التوابل اغسله وانشفه
الخزائن
درفة درفة افضيها وامسحها بالديتول واسنس الخوخ لان الريحة تدوم بالخشب وانظم الحلل في اماكن والطاسات والصواني في اماكن كل في درفة درف تخزين الطعام افضيها واجهزها لرمضان درف الكاسات والكوبيات افضيها وانضفها واغسل الكاسات والكوبيات والفناجين والرف الي فوقها للمجات استعمال رمضان طقم الخشاف ودوارق العصير اضعها في رف قريب من يدي رف الاطباق انظفها اجعل اطباق الشوربة بسلطنيتهم فوق بعض اطاق الغرف فوق بعض والمسطحة مع بعض