كيف الصبايا حبيباتي بنات عالم حواء ,,,
اليوم موضوعي مطبخي الصغيرون حياكم ,,,حبيت اوريكم وتشوفوا لمساتي فيه رغم انه شي بسيط ومتواضع
بس مشوا حالكم يمكن وحدة تستفيد من شي ,,,
هذا اللوك العام ,,,
بشرح من برى بعدين ندخل في التفاصيل ,,,اتفقنا
نبدأ الشرح رغم انه كل شي باين بس تعرفوا الحريم ياحبهم للقرقرة
اول شي على يدنا اليسار الثلاجة ومعلقة فيها الاذكار
ومن الجنب حطيت الي تتصلق ما اعرف اسمها المهم
وعلقت فيها زي مانتو شايفين ههههه يازين الوصف
اكتب فيها اي شي ناقص من المقاضي عشان يسهل لما اروح السوبر ماركت ,,,
او لما اسوي منيو طبخات اكلات اعلقها وممكن الجداول ,,
او لما يجوني ضيوف احضر مسبقا ايش اسوي من اكلات
واذا جبت مثلا اكلة من النت اكتبها واكتب معاها الطريقة
وايش انجازاتي اللي حسويها واحط علامة صح على الي انجزته ههههههه,اكيد ما فهمتوا ايش قاعدة اقرقر,,
وهذي الفكرة مقربة كرمال عويناتكم ,,,
بعد الثلاجة ,,,يجي الدولاب
هذي لقطة من فوق
الدرفة القزازغطيتها بالدانتيل البلاستيك من جوه لصقته مجرد تغيير لوك ولو طفشت في يوم شلتها ,,,
الدرف الي تحت بتلاحظوا الدرج نازل شوي
البعيد عنكم انكسر لان الدولاب اصلي الله يسامحه الي غشنا
يادوب حطيت سكر قال طق وانتهينا
فاصل ونواصل :26:ان شاء الله
تعرفوا التحميل عاد كيف يغلب اصبروا الله يرضى عليكم
لكن كله باجره ان شاء الله ,,,
نكمل ,,,
ولا اقول قبل ما نكمل خلينا نذكر الله حبيباتي ربي يبارك لنا في اعمارنا
يلا نقول
سبحان الله وبحمده ,,,سبحان الله العظيم ,,,
قولتو طيب يلا نكمل ,,
هنا الاشياء الي حاطتها على الرخامة ,,,كل شي ان شاء الله واضح ما يحتاج اتفلسف ,,
اكياس الزبالة طبقت فكرة ندى المطر الله يسعدها وين ما كانت
بعد الدولاب المجلى كنت اتمنى درف تحت المجلى بس كان مافي سيولة الحمد لله ,,
حاطة تحت المجلى اسطوانة الغاز والله مدري الصورة فين راحت ,,,
ان شاء الله لما الاقيها اضيفها ,,,
جنب المجلى
كذا نكون انتهينا من جهة اليسار نجي للناحية المقابلة ,,,
السيد برميل لان الموية عندي تنقطع فلهذا لازم الاحتياطات ,,,
البرادة بما انها قصيرة حطيتها فوق ماصة عندي قديمة حبيت استغلها وسويت لها تنورة خخخخ تناسب اللوك
تحت الماصة في ايه حزر فزر
رفوف البصل والثوم واخر رف كيس الفحم ,,
ودرج الماصة استغليته حطيت فيه مناشف قديمة قاصتها مربعات تنفع للتمسيح والزي منه ,,,
وسويت للدبة شرعة من قماش دانتيل زايد ,,ما طلعت قد كذا بس ان شاء الله في طور التعديل ,,لما اروق ,,
يعني غنو يالليييييييل مطولك ,,,
طفشتو صح معليش تحملو