
اليوم جايبه لكم افكار ممكن تساعدكم في تنظيم المستودع او الغرف الزايده بالبيت اللي ممكن تستخدم للتخزين
انا المستودع حقي صغير مرره .. ومستغلته كغرفة للغسيلومستودع بمفس الوقت .. دايم ارتب فيها واعدل وما يمر اسبوع الا كل شيء فوق تحت .. تعبت والله لحد ما لقيت حل اسم (صندوق )
الصناديق مفيده بشكل ما تتخيلونه لكن لما جربت .. والله ماقد دخلت ادور وشيء وما لقيته كل شيء بمكانه .. حتى تنظيف المستودع صار ما ياخد ربع ساعه .. كله مسح الصناديق من برا ومسح الارضيه
نبتدي الجولة ..
في البداية عندي الغساله والنشافه جنب بعض حطيت فوقهم رف ..وحطيت فيه صندوق صغير للصابون التايد او اريال ..وصندوق ثاني للصابون السايل للملون .. وعلبه لمناديل النشافه .. وصار كل شيء بمكانه الصح ..

النشافه عندي حطيت جنبها تعليقة صغيره وكيس عشان الوبر اللي الفلتر حق النشافه ارميه فيها .. وكل مره انظف المستودع انظف الكيس :)

عندي ارفف حديد .. عزلت كل اشيائي بالصناديق .. يعني صندوق للمبات والاسلاك الكهربائيه .. ووو
وصناديق للمواد الغذائيه .. مثل السكر .. الرز ... الملح ..
وبعد الترتيب .. كتبت اوراق بمحتوى كل صندوق .. وصار شكلهم يفتح النفس .. وحتى لو دخل احد غيرك يدور شيء بيلقاه على طول بدون كثرة اسئله ودوخة راس :)

الاشياء الثانيه اللي محتاجه حيز اكبر اخذت لها صناديق اكبر ..
مثل الصابون انا اخذ الكيس الكبير .. واعبي في العلبه الصغيره .. وصندوف لاوراق زوجي المهمه بس اللي ما يحتاجها حاليا .. وشيء لاغراضي حقت تغليف وشرايط و... الخ

اللي بالصور جزء من المستودع .. يعني الصناديق اكثر .. بس حبيت اعطيكم فكره ببعض الصور
اتمنى الموضوع يساعدكم بالتنظيم ..
وللمعلوميه انا اشتريت الصناديق على مراحل .. كل مره مجموعه على حسب الحاجه لها ..
واللي تطبق الفكره هذي صدقوني راح ترتاح :)
محبتكم
روح الليل
تستاهلي الشعار والتثبيت
سلمتِ .. وجزاك الله الجنان