تنظيم الوقت مسبب لي ازمة !!

الأسرة والمجتمع

السلام عليكم


بنات

عندي سوء تنظيم بوقتي ويومي يروح بسرعه اوقات بدون فايده

اول زمان ايام الثانوي والدراسه كنت منظمه نفسي ووقتي وكنت مبسوطه وكنت اتمنى يطول اليوم عشان اصلح اشياء
قران وذكر وصلاه وقراءة كتب

الحين لا استغفرالله اغلب وقتي فاضيه لان اجازه طيب انا مشكلتي مع الوقت الفاضي ذا اضيعه باشياء مثل تويتر وانستقرام وبي بي وواتس وبرامج

قسم بالله اذا جيت انام افكر اقول كان عندي وقت لو قريت لو صليت فيه افضل لي

قبل كنت اطبخ واصلح حلى الحين لا ماغير جالسه


اكون مخططه ع شي بصلح اصحى من النوم اسحب ع كل تخطيطي

الحين لا وربي حتى اهلي يالله اجلس معهم
اغلب وقتي جوالي او مع صديقاتي طالعه

وذا الشيء لاحظت ان امي وابوي صاروا يتمنون ان اجلس معهم ويقولون لي دايم اجلسي معنا اجلس واتقهوى بس ماطول ع طول امسك جوالي والتهي او اكلم والله احزن واندم ع ان ماجلست معهم وكل ليله اوعد نفسي بعدين اقوم ارجع نفس النظام ي طالعه مع صديقاتي اوبنات عمي
او ع الجوال والاب توب

لدرجة حطيت غرفة مستقله لي واغلب وقتي فيها ودايم انادي صديقاتي عندي

انا اجتماعيه بطبعي بس للاسف احس نفسي واهلي ماله حق بوقتي ويومي

وربي العظيم نفسي اعطي اهلي حقهم واعطي نفسي حقها من ذكر وصلاه وطاعه

ابسط شيء متعتي الي هي كانت القراءه صرت ماقرا الحين الا بعد كم شهر كتاب ..

والحين بتبدا الجامعه وبرجع اخس من اول لان نظامي انام من ارجع من الجامعه ماقوم الا الساعه ٢ بالليل او١ ويكون اهلي نايمين

يشهدالله ماكذب اغلب زعل امي عشان نومي ونظامي ذا لان من تبدا دراسه كذا نظامي يعني مايشوفوني الا انا طالعه للجامعه وانا راجعه منها بس باقي اليوم نايمه بس اصلي وارجع انام


والويكند يكون جمعات اعمامي اوطلعات صديقاتي يعني بعد اهلي يكونوا مجمتعين ماجلس معهم


كم مره وربي امي تبكي وانا طالعه للجامعه تقول ماشوفك وتهاوش وقسم بالله ماهو هاين علي دمعتها بس اعدل نظامي يوم وعقب يرجع
وعيبي اوقات ازعل واتناقش معها ع الصباح واطلع وانا وهي متزعلات بس مايمدي اوصل الجامعه الا اتصل اراضيها

لدرجة تقول لي صرنا مانتواصل معك الا وانتي بالجامعه نكلمك ونراسلك انا وامي علاقتنا حلوه الحمدالله ونسولف مع بعض اكثر وحده اجلس معها انا
وربي مره بالجامعه مرسله لي انا والله نفسي ترجعين تعطينا حقنا مثل قبل انتي طريقتك ماهي طريقة ولاتزعلين مني وتعتذر لي

بكيت يعني انا مادري ليش انا كذا !!!
انا لي الحين سنه تقريبا هذا نظامي الي مضايقني وعجزت اغيره


في شيء يحزني ويبكيني اوقات امي تجي باليل تقومني تسالني جوعانه تبين شي اوقات اشوفها وتخبي بدولابي حلويات تقول ذا اليوم جبنها بس كنتي نايمه

اوقات يجي ابوي وامي يدخلون بغرفتي يقولون جينا نزورك يمزحون ويجلسون عندي ساعه ويسولفون وربي ي بنات انا حزنانه مابي كذا اكون معهم هم مايستاهلون اسوي لهم كذا

انا اعترف غلطتي ان حاطه طلعاتي وصديقاتي والبنات اولى شيء

افهموني انا يوم اقولكم ماهو شوفة نفس لا وربي بس قسم بالله ابي اعدل بس عجزت حدي يوم يومين ثلاثه وادري ان غلط تصرفاتي هذا كله

رجاء ابي ردود تكون طرق لتنظيم وقتي انا من النوع الي احب النصايح واطبقها بس رجاء الي بتنقد تصرفاتي لاترد انا بنفسي معترفه ان عندي سوء تصرف وتنظيم
6
2K

يلزم عليك تسجيل الدخول أولًا لكتابة تعليق.

تسجيل دخول

جامعية طفشانة
جامعية طفشانة
وعليكم السلام

اعترافك بغلطك وحوسه وقتك هذا بدايه الحل
اهم وأول خطوه يكون عندك إصرار وقوه للتغيير
لان التغيير اللي يجي بيومين او اسبوع بس هذا اماني مافي إصرار
شدي ع نفسك وحطي وعود لنفسك وحطي لك نوته اكتبي التاريخ لليوم اللي بتبدين بتعديل نظامك
واكتبي عبارات وكلمات تشجيعيه زي " انا قدها " ، خلي كل كلماتك تبدأ بالانا وكلمات فيها إصرار
اهم شي طبعا النوم يتعدل هو الاساس والنفسيه والمزاج تعتمد ع النوم زي مايقولون من زان نومه زان يومه
خليك يوم كامل مواصله اصبري لين عشر بالليل سمي بالله ونامي بتصحين ع الفجر بالاجازه
تصلين بالوقت بعدها تروحين تجلسين مع امك لو تجلس شوي قبل تنام لان قليل اللي ينامون بسرعه
صبحي عليها سولفي ونسيها امك عسل واضح من كلامك ماشاء الله اسعديها ترا الحياه قصيره
لاتخلين كل شي لبكرا وبس تاجلين .. غير كذا بكرا تتزوجين وتندمين انك ماشبعتي من امك وأبوك
المهم افطري بعدها سوي رياضه تنشيط ل جسمك وأقري اذكارك ونامي لحد الظهر بتقومين نشيطه
وبكذا بتشوفين اميمتك وأبوك ع الغداء وتنبسطين وينبسطون معك ..
عاد كذا عندك ساعات طويله لين وقت نومك وهو 10 بالليل
اقري قران وكتب واللي تبين الوقت ملكك واهم شي صلواتك بالوقت راحه نفسيه وارضا الله سبحانه
ونفسيا بتكونين رايقه ومزاجك زي الفل واهلك بيشوفون وجهك وبيشبعون منك
الجامعه والصديقات تلقينهم .. بس امك وأبوك وصلاتك اذا فرطتي فيهم ضاعت حياتك
حتى لو عندك مليون صديقه ، الام والأب لذه لازم تطعمين من نفسك لهم وتبرين فيهم
لان جلستك معهم تعتبر بر طالما تفرحهم .. مع خدمتهم وغيرو

اما بالنسبه للجوال اغلب الناس يقوم وينام عليه صرنا مانميز حياتنا من هالشاشه
وانا زيك ادمان انستغرام ونت بس حطيت حد للبرامج التافهه هذي
حذفت الكيك فديو والانستغرام وتويتر .. خليت اليوتيوب والنت طبعا بس
طبعا ماقولك طيرتهم للابد لا اذا صارلي فتره ارجع احملهم اشوف الجديد بعدين احذفهم وزي كذا
مافي الا هالحل .. اما تقولين بخفف دخولي لهم بخليهم ساعه باليوم صدقيني ماتقدرين
مافي الا الحذذذذذذذف ..

والنظام اللي ذكرته لك بالاول بيفيدك لو بتمشين عليه مره رايق مافي إهمال الصلاه ولا اهلك
ولا الاكل بوقته غداً عشاء فطور بعد وفيه نوم الليل الصحي كلنا نعرف فوائده
وفيه رياضه لو حبيتي ..هذا نظامي لكن مو دايما الأكيد برجع له ان شاء الله
لكن الحمدلله ماانام لين الليل الا في حالات نادره قبل وكنت اقوم منفسه
الله لا يعيده من نظام مخيس


وبس ياحبيبتي الله يوفقك ويسعدك (؛
بلسم الآمل
بلسم الآمل
والله دمعت عيوني لو ابوي حي والله لاخلي الدنيا كلها عشانه احمدي الله مافيه فيذا الدنيا اغلي من الاب والام وانتي عاد يحبونك يتمنون قربك ليش كذا تحرمينهم منك صديقاتك الجوال اي شئ اسحبي عليهم تكفين حسي بامك وابوك معقولة صديقاتك وهالبرامج اغلي منهم وهم سر سعادتك وتوفيقك الوقت الي بتقضينه في الجوال قضيه معهم لاحقه عليه وصديقاتك جمعتك معهم شهرية مهوب لازم اسبوعيا امك وابووووووك جلسسة معهم ونظرة في عيونهم تسوى الدنيا كلها لاجيتي من الجامعه لاتنامين اجلسي معهم لين بعد صلاة العشاء وحبي رؤوسهم ونامي للفجرواصحي معهم افطرى وسولفي وروحي لجامعتك اتمني بجد تغيرين وضعك
hala-11
hala-11
وعليكم السلام اعترافك بغلطك وحوسه وقتك هذا بدايه الحل اهم وأول خطوه يكون عندك إصرار وقوه للتغيير لان التغيير اللي يجي بيومين او اسبوع بس هذا اماني مافي إصرار شدي ع نفسك وحطي وعود لنفسك وحطي لك نوته اكتبي التاريخ لليوم اللي بتبدين بتعديل نظامك واكتبي عبارات وكلمات تشجيعيه زي " انا قدها " ، خلي كل كلماتك تبدأ بالانا وكلمات فيها إصرار اهم شي طبعا النوم يتعدل هو الاساس والنفسيه والمزاج تعتمد ع النوم زي مايقولون من زان نومه زان يومه خليك يوم كامل مواصله اصبري لين عشر بالليل سمي بالله ونامي بتصحين ع الفجر بالاجازه تصلين بالوقت بعدها تروحين تجلسين مع امك لو تجلس شوي قبل تنام لان قليل اللي ينامون بسرعه صبحي عليها سولفي ونسيها امك عسل واضح من كلامك ماشاء الله اسعديها ترا الحياه قصيره لاتخلين كل شي لبكرا وبس تاجلين .. غير كذا بكرا تتزوجين وتندمين انك ماشبعتي من امك وأبوك المهم افطري بعدها سوي رياضه تنشيط ل جسمك وأقري اذكارك ونامي لحد الظهر بتقومين نشيطه وبكذا بتشوفين اميمتك وأبوك ع الغداء وتنبسطين وينبسطون معك .. عاد كذا عندك ساعات طويله لين وقت نومك وهو 10 بالليل اقري قران وكتب واللي تبين الوقت ملكك واهم شي صلواتك بالوقت راحه نفسيه وارضا الله سبحانه ونفسيا بتكونين رايقه ومزاجك زي الفل واهلك بيشوفون وجهك وبيشبعون منك الجامعه والصديقات تلقينهم .. بس امك وأبوك وصلاتك اذا فرطتي فيهم ضاعت حياتك حتى لو عندك مليون صديقه ، الام والأب لذه لازم تطعمين من نفسك لهم وتبرين فيهم لان جلستك معهم تعتبر بر طالما تفرحهم .. مع خدمتهم وغيرو اما بالنسبه للجوال اغلب الناس يقوم وينام عليه صرنا مانميز حياتنا من هالشاشه وانا زيك ادمان انستغرام ونت بس حطيت حد للبرامج التافهه هذي حذفت الكيك فديو والانستغرام وتويتر .. خليت اليوتيوب والنت طبعا بس طبعا ماقولك طيرتهم للابد لا اذا صارلي فتره ارجع احملهم اشوف الجديد بعدين احذفهم وزي كذا مافي الا هالحل .. اما تقولين بخفف دخولي لهم بخليهم ساعه باليوم صدقيني ماتقدرين مافي الا الحذذذذذذذف .. والنظام اللي ذكرته لك بالاول بيفيدك لو بتمشين عليه مره رايق مافي إهمال الصلاه ولا اهلك ولا الاكل بوقته غداً عشاء فطور بعد وفيه نوم الليل الصحي كلنا نعرف فوائده وفيه رياضه لو حبيتي ..هذا نظامي لكن مو دايما الأكيد برجع له ان شاء الله لكن الحمدلله ماانام لين الليل الا في حالات نادره قبل وكنت اقوم منفسه الله لا يعيده من نظام مخيس وبس ياحبيبتي الله يوفقك ويسعدك (؛
وعليكم السلام اعترافك بغلطك وحوسه وقتك هذا بدايه الحل اهم وأول خطوه يكون عندك إصرار وقوه...
لبى قلبك جزاك الله خير بحاول ان شاءالله اعجبني تنظيمك انت بجاهد نفسي

جد وربي كلامك اعجبني وريحني وان شاءالله ببدا اغير ودي اتعود قبل تبدا الجامعه

الحمدالله الصلاه ما اهملها اقوم اصلي وارجع انام يمكن ذي الحسنه الوحيده 😂😂

وانا عشان امي وابوي مريضين وكبار بالسن مفروض اعطيهم وقتي بس الله يسامحني بس
hala-11
hala-11
والله دمعت عيوني لو ابوي حي والله لاخلي الدنيا كلها عشانه احمدي الله مافيه فيذا الدنيا اغلي من الاب والام وانتي عاد يحبونك يتمنون قربك ليش كذا تحرمينهم منك صديقاتك الجوال اي شئ اسحبي عليهم تكفين حسي بامك وابوك معقولة صديقاتك وهالبرامج اغلي منهم وهم سر سعادتك وتوفيقك الوقت الي بتقضينه في الجوال قضيه معهم لاحقه عليه وصديقاتك جمعتك معهم شهرية مهوب لازم اسبوعيا امك وابووووووك جلسسة معهم ونظرة في عيونهم تسوى الدنيا كلها لاجيتي من الجامعه لاتنامين اجلسي معهم لين بعد صلاة العشاء وحبي رؤوسهم ونامي للفجرواصحي معهم افطرى وسولفي وروحي لجامعتك اتمني بجد تغيرين وضعك
والله دمعت عيوني لو ابوي حي والله لاخلي الدنيا كلها عشانه احمدي الله مافيه فيذا الدنيا اغلي من...
ياعمري انتي الله يغفرله ويرحمه ويجمعكم فيه بجناته

ماكان قصدي احزنك واقلب عليك الذكريات
انا اكثر من مره يقولون لي ان غلطتي ان طلعاتي وصديقاتي اولى شيء ودايم يشتكون من جوالي

بس والله ان شاءالله بتغير لان انا اصلا ماكنت كذا عشان كذا متضايقه واهلي لاحظوا التغير بنظامي
ً
الله يسعدك ع الرد ويصبرك ويجمعك بوالدك بجنة الفردوس
انسه منشن وبس
انسه منشن وبس
كنت زيك واكثر
طنشت البنات وخليت قله في الواتس
اسوي الواجبات واجلس مع حبايب قلبي عائلتي اهم شيء بالدنيا
الاصحاب متقلبين يوم لك ويوم عليك
ولاعندي لافيس وتويتر ولا استجرام مادري صح الكتابه هذي تفاهاااااااااااااات
وانا اعتبر نفسي ارقى من هذي السخافات
واخلي لي جدول اسبوعي وين اروح ومين ازور