موضوعك حلو وانا من 6 سنين ترتب وضعي في التسوق اقصد للعيد والسبب كانت ولادتي في اول رمضان واضطريت قبلها اروح
اشتري ملابس لبنتي ولنفسي وحقيقه اعجبني الوضع بدل ما احوس رمضاااان كله في الاسواق وعلى غير سنع
ومن بعدها الاشياااااء العاديه مثل البجايم والملابس الداخليه وبعض الغيارات البسيطه والمكياج والعطور اخليها من شهر 8 اكون منتهيه منها ولها ميزانيه
خاصه لي انا واطفالي الثلاثه نجي بعدها لغيارين مرتبه غير لبس اول يوم العيد >>لانه ما شاء الله كل يوم واحد يعيد فاضطر اخذ
3 لبسات حلوه للايام الثلاثه وطبعا بتوابعها من اكسسوار لي ولبنتي وشراريب وجزم وشنط
وميزانية العيد كل سنه 3 الالاف ويزييييييييييييييييد منها بس افكر اطلب رفع في الميزانيه والله الدنياااا صااااايره غلا
وعموما الملابس هذي اللي اخذها تكفينا شهور نلبس منها يعني بعد 5 -6شهور تقريبا نشتري جديد
وعندي نصيحه مجربتها لا تنزلين السوق على عمااااااكي والله ترجعين وانت ما قضيت نص اشغالك >>>خذي ورقه وقلم وابداي اكتبي
وش ناقصك انت وعيالك يعني فلان يبي شراب بلون معين وفلانه تبي اكسسوار بلون معين وهكذااااااااا
اتمنى تجربتي فادتكم واللي ريحتني من الحوسه والله يعطينا العمر والعافيه ويبلغنا رمضان ويجعلنا من عتقائه امييييييييين
أختي *Fantastic*
وتحية طيبة لك ومرورك هوالأحلى .أنا أتفق معاك السوق في رمضان خسا رة مضيعة للعبادة وخسارة في الشراء ومشكورررررررة على المعلومات والأفكار المفيدة
أختي الــغــيــد
شكرا على مرورك وصقيني الأجمل تفاعلكم .. وإنت تقريبا ميزانيتك وتخطيطك زيي وشكرا على أفكارك الحلوة
أختي مس فاشن
مشكورة على مشاركتك بس كنت أطمح إني أشوف قائمتك خصوصا إن إسمك شيك ولة علاقة بالموضوع بس خيرها في غيرها ..في إنتظارك
الصفحة الأخيرة
انا قررت اتغلب ع مشكلتي وهي اني كل ما احتجت شي اروح اشتريه احسن من اني اراكمها كلها واتفاجأ اني اشتري كميه كبيره بمبلغ اكبر...
بخصوص الأعياد اول يوم اهتم يكون جديد يعني لبسي + لبس خاص فيني وفي زوجي + هدية زوجي + مستلزمات العيد لنا الاثنين وهذا الشي يريح كثير ويوفر علينا جهد كبير جدا..
فيه محلات كثير احبها وافضلها ومايعجبني محل معين تعجبني البضاعه سواء نزلت في اي محل..!
بس احسن شي استباق الاحداث والشراء المبكر خصوصا العيد لان رمضان عباده وليس سوق!! واصلا السوق برمضان خايس.. وينزلو ستوكات السنه كلها في العيد وحتى لو اشتريتي من بدري ماتلاقي اللبس مكرر..!
طول السنه الافضل استغلال التخفيضات وممكن تشتركو في المحلات عضوية يصير تخفيض اكبر.. وعندكم ميزات غير.. ويوصلكم بروشورات عن المنتجات الجديده والتخفيضات ومواسمها...
الشيء الثاني وقت التخفيضات روحي بدري الصباح.. وخليها عادتك يكون التسوق بدري الصباح افضل واسرع واوفر للوقت..
الميزانيه والله تختلف خصوصا ان ماعندي اطفال فيه بحبوحه شوي في الموضوع.. لكن الافضل تنظيم مصروف شهري ومصروف خاص للمناسبات..
تحية طيبة للجميع