تنعيم الشعر

السلام عليكم

حبيبتى ممكن توصفلى هالمكان او رقم تليفونه ووش طريقتهم بالتنعيم؟؟؟؟؟ وشكرررررررررررررا وراح ادعيلك من قلبي

اي والله قولي لا كل شي عن ذا اليوكو سعره وطريقته وكم يستمر ويصلح للشعر المصبوغ وله اضرار
وكل شي اذا تعرفين وتحيه طيبه لك :26: :24:

انا بصراحه مااقدر اعطيكم المعلومات الدقيقه مثل صاحب هاذى الصنعه , لكن انا ممكن اقولكم اللى شفته, شفت الشعر قبل التنعيم وبعده, بصراحه النتائج رائعه وماله اضرار جانبيه, ويدوم طول العمر000
اما بالنسبه للاسعار فهو على حسب طول ونعيه وكثر شعرك لانه مرررره ياخذ وقت ويتعب00
وممكن تتصلون على غاردينيا عشان تعرفون اكثر
الموقع: شارع العروبه العام00

السلام عليكم
فرد اليوكو هذا صح شفته في مشغل غاردينيا وسولفت مع صاحبة المحل عنه وشفت وحده عندها مسويته ولكن....

1- السعر خيالي اقل سعر لفرد الشعر اللي قصته بوي فوق الاذن 1800 ريال سعودي وعليكم الحساب لما يكون الطول اكثر . يعني يبدا سعره من 1800 .
2- تسوينه وياخذ مدة طويله وهم يشتغلون عليك بالمشغل تقريبا 8 ساعات وعلى مراحل <--- عشان كذا غالي .

3- صحيح انهم يقولون انه يطول بالشعر يعني زي ما تقولون ما يروح لكن اذا فكرتي فيها اذا طال الشعر ؟؟؟ طبعا بيطلع الشعر الخشن الجديد وش تسوين فيه؟؟؟؟ هاه على بالك بتفردين باليوكو وتتغير جينات شعرك ويطلع الشعر الجديد ناعم ؟؟؟ <----- شوفو كيف التحطيم
طبعا يا حبيباتي اذا طال الشعر بتضطرين تسوينه مره ثانيه عالشعر اللي طال وطبعا يوم سألتها طيب بكم تسوونه عالشعر اللي طال ؟؟؟ قالت 1800 ريال قلت اها يعني كل ماطال شعر الزبونه تدفع 1800 قالت ايه .
يعني ما استفدنا شي خساير عالفاضي



عموما اذا عندك استعداد تدفعين هالمبالغ على شعرك ومستعده كل كم شهر تسوينه عشان الاختلاف بين الشعر الجديد والقديم المفرود . الله يوفقكم
الحين جا دور وين المشغل ...
المشغل حبيبتي بشارع العروبه بالرياض قبل سوبر ماركت الحربي والضياء .
على فكره قصهم حلو مره خاصه ( راما اللبنانيه و التركية عندهم نسيت اسمها ) سلميهم شعرك وانت مرتاحه انهم ما راح يقصون ويقصرونه . واكثر شي يلفت النظر عندهم بالنسبة لي عالاقل طريقتهم في تصليح الشعر القصيييير جدا حلوه تعجبني .
والصبغه حلوه يمدحونهم كثير .
مو كني سويت دعاية للمحل؟؟؟؟ اعذروني

نسيت اقول لك اني كاتبه مقال عن الفرد الياباني وهذا الموضوع اتمنى تستفيدين .


http://forum.hawaaworld.com/showthread.php?s=&threadid=63845&highlight=%C7%E1%DD%D1%CF+%C7%E1%ED%C7%C8%C7%E4%ED


واذا تحبين تقرين عن هالفرد وطريقته ومعلومات وافيه عنه
خذي هذا السايت حقه بس تراه بالانجليزي .
http://www.yukosystem.com/
تحياتي