تنقذين غيرك .. في معركة لاتخصك 🏹

صباااح الورد ..ويسعد صباحكم
كيفكم ..وكيف أيامكم ..ياصديقاتي الجميلات
طرى علي موضوع من أيام الإجتماعات ههههه لازلت محجورة
المهم أحيان يصدف ويصير موقف ..وحده مالها بأحد
وبعض القاسيه قلوبهن يستلمنها .. إما بموضوع حمل أو زيادة وزن او ....
أو ينبشون من الذاكره لها موقف ويعايرونها فيه
أنا ممكن أسكت عن حقي لكن سمي وموتي أحد يُستضعف قدامي
يعني إدخل حرب مو حربي ولايهمني ..ترى غصب عني
دافعت عن ناس تستاهل وناس ماتستاهل ..لا واللي يضحك يصفون ضدي ...أحيانا ههههههههههههههه بس ولابيهمني
مره صار موقف وحده نعرف ان زوجها صعب وقاسي ..وظروفه دمار ...صارت تعايرها بنت وأمها فرحانه فيها
رديت عليها هي تحت ظروفها وراضيه بقسمتها وإنتي باقي نشوف ونتفرج الحياة وين بتوديك ..لاتفرحين يامسكينه
صح صارموقف بس ماقدرت أسكت
مره كان الكلام عن الحمل وموجوده وحده متأخره ..ردت صاحبة المجلس ..الشجره اللي ماتثمر حلال قطعها ..وكانت تقصدها
ردت مره كبيرة حاضرة الموقف وقالت إي شوفي الحنظل كثر مايثمر وماله جار ومافيه خير ..وماأحد قطعه
مره كان الكلام عن وحده وكيف أهلها مشاكل وكيف عيلة مفككه وكيف مايشرفون ..جاء الرد من إنسانه عاقله وقالت
ترى كلكم مستورين ..إمسكوا الأرض لاتطيرون ..ترى أقدر أتكلم
ولاااااااااوحده تكلمت ولاعلقت
والله كثير المواقف .. لكن هل تسكتين ..هل ترفضين التدخل
أو تنجبرين على الرد
هل صار قدامك موقف 💓🌹💞