تهاوشت مع ام زوجي والسبب؟؟؟؟

بنات انا ابي اخذ رايكم في مشكله حصلتلي مع ام زوجي وابي منكم الراي والمشوره فبل فترة جاء اخوي عندي بالبيت واخوي هذا مخلص الثانويه العامه وجا يغير جو عندي يومين انا اسكن بمدينه تبعد عن اهلي ساعتين وبمجرد ما جاء اخوي قال زوجي خلينا نروح العشا عند اهلي قلت اوكيه رحنا وتعشينا وسمرنا ورجعنا المهم ام زوجي تصير خالتي اخت امي لكن علاقتها بامي سيئه جدا وهي من قبل ما اتزوج زوجي وهي تحسد امي على كل شي ودايم مشااااااااااااكل هي وامي يعني من صغرهم وهم مايتفقون بس زوجي وانا كنا من اول مطلعين نفسنا من مشاكلهم وكنا نحب بعضنا الين تزوجنا وانا احاول ابتعد عن شرها دايم واحاول اكسبها بشتى الطرق والعلاقه بيننا لاباس بها المهم جلس اخوي عندي وكل يوم بعد العصر نروح عند خالتي بامر من زوجي الين الساعة 10في الليل ونرد لان زوجي عقدني كل ماجاني احد من اهلي لازم يروح لاهله والا يقعد معصب وزعلان امانه يابنات هذا عدل؟
يعني عمري ماتهنيت بالجلسه انا واهلي لازم يقول ليش اهلك ماراحو سلمو على اهلي وهكذا........................
بعدها بدات تقول لاخوي تعالي افطر معاي بكره الصباح وتبيه يجلس عندهم طوال النهار والليل وانا كنت ارفض واقول لاخوي اعتذر منهم انا يابنات ماكنت ابيها تنقل الكلام وتسوي مشاكل خصوصا انها كانت تقوللي كلام عن ابوي انه بيتزوج على امي وتصر علي اني اقول لامي بس انا ما اقولها الكلام لامي وافاجأبعد فتره انها تتصل بنفسها على امي وتقولها وتبدا المشكل بين ابوي وامي بسببها ..
وبعد كم يوم رحتلها انا واخوي ولقيت وجهها مقلوب وتقولي انتي ماتبغين اخوكي يقعد معانا مانعته منا قلتلها كيف وحنا نجيكم كل يوم ونقعد 5ساعات كل هذا وماكفاكم قالت هذا الكلام بنبرة حاده وقدام عيالها كلهم وقامت تقوي اخوي علي هو رجال ليش تحجزينه عندك فهمتها مارضيت تفهم قمت زعلت وسكتت ..
يابنات هي تبي تقعد معه لوحدها وتبدأ بالقيل والقال وانا عانيت مشاكل كفايه ما ني ناقصه وبعدها رحتلهم ماتكلمني ابد ومعطيتني ظهرها حاولت امزح واتكلم ماتبي طنشت وعدت السالفة بعدها مر اسبوع ورحت فطرت عندهم بيوم عاشورا وسويت اكل معي وبرضو ماتكلمني تكلم ولدها بس بعدين ماعدت رحت والحين لي شهرين ولاحتى ابوه مامر علي جاء يوم عندنا قهوة رجال تقهوا ونزل ولا سلم علي .
يابنات انا غرضي ان كل شي يصير قدامي علشان لاتقول بعدين اخوك قال وعاد ولا تنقل كلام ..
اسفة على الاطاله ...