طيب وشلون نتصالح مالي خلق زعل
وبنفس الوقت ما ابي اروح له ابيه هو يجيني

الله يكون في عونك ويسخرلك زوجك 🌷

اللهم امين
شكررا

حبيبتي هو يعصب وانتي بعد ماتحاولي تهديه
تعالي له ب اسلوب حلو مايصير تقولين له ماتهمني !
لاتجادليه وهو معصب لان راح تكبر السالفه
لازم احد منكم يتنازل حتى مايصير مشاكل
وبعدين زوجك مبين عليه طيب
جاب لك سواق بدون ماتطلبين
ترا الحياه الزوجيه اذا كل واحد بيقول بعاند ومابتنازل وكرامتي
ماراح تستمر الحياه بينكم
وعندكم ولد كمان بعدين مستقبلا
اذا استمرت علاقتكم بهالطريقه بياثر عليه
ارسلي له رساله حلوه عالواتس
اذا ماتحبين تتكلمين مباشر
وبعدها تفاهمو على رواق
والله يهدي الامور بينكم

شوفى قلبي هذي جرعه تف لوف فلا تزعلين من صراحتى


انتى تتصرفين بجحود مشكلتك ما تعرفين تقولين شكر
يعنى جاب لك سيارة وسواق تقولين "انا ما طبت اصلن" .................................................. اوووف هذا رد ):
طبيعى ينفس عليك
يقولك ماخذ قروض يعنى تراي ضاغط نفسي على شانكم ................ تردين "انا ما طلبت اصلن" ؟؟؟
انتى حسنى اسلوبك واجلسي مع نفسك
قولى هذا زوجى و ابي استقر وهو شخص مش مؤذي
لا مدمن
لا سكير
لا يضرب
لا يذل
انا وش ابي بالتحديد منه
انا ابية ولا الي مصبرنى عليه ان ماعندى مكان اروح له
وانا ليش معصبة وحاقدة علية
انا اقدر اتفهم وجهة نظر زوجك لما الواحد تعاملة بجحود وجفاف وتتصيد علية الغلطة
طبيعي انة بداخلة بيتعب من هالنكد وبيقول وش مصبرنى عليها ليش اتحمل كل ها السلبية والنفسية والإحباط والجفاف
ولدك هايبر اكتف ولا شقي
انتى امة ايش الي اتصل فيه تعال اقعد معه
كل واحد يلعب دوره
هو فاتح البيت متكفل بالفواتير والايجار والخدم والمصروف من ابسط حقوقة انة يرتاح
تبينة يدوام وكمان يمسك الولد
هذا دورك انتى تهتمين البيت والولد
*على فكرة
انتى ماهمك يجى يقعد مع الولد
انتى محبطة وغاضبة ومنغثة من سبب ماااااااااااااااااااااااااااااااااا
وتحسين انة مو حاس فيك
فتتصلين فية يجى عشان تغثينة كانك تبين تاذينة وتبينة يعنفك وتبين مشكلة
يمكن لانك متعودة بعد كل هوشة يصالحك او يمكن منغثة وما تبين تنغثين بلحالك
وهذا غلط
لية تنشرين النكد والهوشة والسلبية والعناد والمرادد
لا تهدمين بيتك
ترا موضوع المواقف والتراكمات خطير يجى يوم وينفجر مو كل مرة يمسك لسانة
ودام الرجال وصلت معه للطلاق فاعرفي انك دبلتى كبدة ومو طايقك ولا طايق اسلوبك
لكن عارف ان ما عندك احد تروحين له وحاشمك عن البهذلة
ودامة محترم وقلبة طيب لا تصيرين بجحة معه
ايش الي طلق ولا همنى ؟؟؟؟؟
انتى توصلين ل مسج انا ما ابيك ولا فارقة معي بس منحدة عليك عشان كذا مخربتها وبايعتها معه وهو حاس بها الشي
وهذا شعور مزعج ومثير للاحتقار والاختناق انك تعف ان الشخص منحد عليك ومو طايقك وفي نفس الوقت ما يقدر يتخلص من نكدك وعالق معك بها القرف لان ما عندك مكان تروحين له ... صراحة عنده ضمير لو غيرة قال بالطقاق
اخليها تحرق عمري بنفسياتها وخبالها
خل تذلف تدبر نفسها مى وجه حشيمة
75% انت الغلطانة اختى
انا ما اعرف ش الي مزعج بس انتى قاعده تنفسينة بزوجك
وأتمنى انك ما تستهينين بكلماتك الي تقولينها له
عودى لسانك على الكلام الإيجابي
شكرا هذا من طيبك ... الله يخليك لنا ..... الله يقويك ... يمال العافية .. بيض الله وجهك ماقصرت
مو تقولين بكل دفاشة ونشفان اصلن انا ما طلبت ... اصلن انا ما يهمنى
Ewwwwwwwwwwwwwwwwwwwwww
الكلام ببلاش ترا الحياة قائمة على التواصل اللفظى
جربي تغيرين مفرداتك تتغير حياتك
ولدك الله يحفظة لا تعطينة سكر ولا كورن فلكس ولا حلويات معروف انها ما تنعطى للهايبر اكتف خل يهدى شوى
اشتري له نطاطة او سكل او مسبح شي يفرغ فية طاقتة
جيي نانى تساعدك بدل السايق تناوب عنك شوى
وانتى اشتغلي على تصليح علاقتك بزوجك
واحمدى ربك واذكري ايجابيته
انت ببيتك معززة مكرمة بكرة يدخل الشيطان ويطلقك وتذوقين حياة البهذلة ثم تندمين بعيد الشر