تهاوشت مع زوجي ابي رايكم الله يخليكم ..

                           السلام عليكم.. 
انا امس تهاوشت مع زوجي..  خلوني اوضح لكم بعض الاشياء  انا اشك في زوجي (نااادرااا ع حسب الموقف اذا مشكك)  وطبعا ما بديت اشك  عبث.. المهم .. من فتره طلبت زوجي اللاب توب حقه ابي اصلح لي كم شغله وقال انه خربان وهو موخربان (لانه يوميا يستخدمه )و فهمت انه مايبي يعطيناماقلت وتركته ع راحته  زوجي يدرس عن بعد ودايم يجلس ع اللاب عشان يحمل المحاضرات ودايم يجلس بالمجلس بروحه وانا اكثر من مره اقول له اجلس معي بالصاله وصلح شغلك لانه يطول وانا ازهق قال لا احب اصلح شغلي وانا لحالي والمجلس جلسته اريح قلت اووكي احترمت زغبته هو يبي خصوصيه .. نجي لسالفة امس بعد صلاة الفجر مارجع نام دخل المجلس وجلس ع اللاب لانه بينزل المحاضرات المهم انا دخلت عليه اباخذ شاحني  وهو اختبص وشفته يقفل صفحه..  قلت له وش فيك اخترعت قال فاجأتيني طلعت ورحت غرفتي وانا قلبي نغززززني تذكرت حركاته انه مايبي يعطيني اللاب وانه يبي يكون بروحه  قلت اكيد في شي رجعت عنده وقلت وانت رايح الدوام تاخذ اللاب معاك مابيه يكون بالبيت قال ليه قلت بس (انا قلت كذا لانه لو تركه بالبيت بفتحه افتش ومابي انغث) المهم لحقني الغرفه قال خير وش فيك  قلت وش كنت تطالع فيه  قال برنامج قلت وليه اخترعت لما دخلت عليك وقفلت الصفحه قال ماقفلتها كنت اتصفح وفاتح اكثر من صفحه واتنقل بينهم  قلت احلف انو مافي شي  قال جعلني بالسرطان مافي شي  انتي خوفتيني فاجأتيني بدخلتك ..   طالت السالفة  وزاد الكلام في النهايه قال روحي بيت اهلك  مع السلامه  انا ماعاد اقدر اتحمل نكد ..و قمت لبست عباتي عشان يوديني لاهلي صار يستهبل يقول اجلسي ببيتك لا تستعجلي ويضيع السالفه ( الفترة الأخيره ع كل طقه يقول روحي لاهلك )  عزت علي نفسي ورحت لاهلي طبعام ماقلت لهم شي قلت تعبانه يجلس عندكم اليوم
 يابنات  مادري هل انا غلطانه ؟؟ واذا انا غلطانه وش اسوي ؟ واذا مو غلطانه وش اسوي ؟؟ ابي رايكم 
اتمنى الردود تكون بدون تجريح