أول شي أهلك لازم يصير عندهم خبر باللي صاير وبعدين لاتردين عليه ان دق عليك وخلي أبوك او اخوك يتفاهم معه ونصيحه لا ترجعين له بالساهل خليها تصير له درس ويتأدب ولا الحين معك ولد وأهلك مو متحملينه بكره لو ما أدبتيه بيعيد الحركه لو معك عشر اولاد ولا راح يهتم فيك

بصراحه تصرفه غلط وانتي تصرفك غلط لما قعدتي تدقين عليه اثقلي وعادي قولي لامك اذا كانت متفاهمه الموضوع والله يسخره لك اهم شي الثقل

اللي انا اعرفه ان الحرمه اذا زعلت تروح بيت اهلها (على شي يسوى طبعا)
لكن تكون المسألة مقلوبة واذا زعل علي يوديني بيت اهلي هنا لازم تفكرين فيه حاجة غلط تحصل!!!

زوجك يعرف نقطة ضعفك وهو انك ماتحبين بيت اهلك او انك متمسكه فيه وعشان كذا فارد عضلاته عليك
كيف يتكلم علي ويجرحني واذا رديت عليه يزعل ويأدبني

لكن صراحه انتي تستاهلين !
والدليل انك اتصلتي تترجينه يرجعك وتعتذرين له
اي امرأة مكانك ولها قدر عند نفسها وكرامتها فوق الكل تأدبه على هالحركه تأديب طول عمره ماينساه

انتي خايفه من انها تكبر وتوصل الطلاق
بس ابشرك الرجال احرص على بيته من الحرمه
فلا تتخوفين وهذي فرصه جتك لحد رجليك فاذا ضيعتيها لاتلومينه اذا بكره ذبك في بيت اهلك ذبه محترمه ولاعاد سأل عنك

لازم يتأدب الان ويعرف ان اللي سواه غلط كبير مايسويه رجال عنده مروءه

اولا عليك ماتردين على اتصالاته ابدا مهما اتصل او حاول يكلمك خليه يدق بس لاتردين
ولو عندك واتس احظريه

واذا اهلك اشغلوك وسألوك عنه قولي بينا سوء تفاهم
ولازم واحد من العايلة كبير وعاقل يدري بوضع زوجك معك وكيف الفاظه معك
سواء اخوك او ابوك
ترى مايأدب الرجال الا رجال مثله
واذا جاء ياخذك او رديتي عليه بعد ماييأس منك كلميه برسميه وقولي مالي تفاهم معك تعال تفاهم مع ابوي او اخوي

وحطي في بالك ممكن يخليك شهر او اكثر وانتي لازم تصبرين
واذا الولد اشغلك خلي اخوك يرسله له ويقول اختي ماعادت تتحمل ولدك
بس اهم شي مايكون زوجك معاندي

المهم المرة هذي بدل مايأدبك انتي ادبيه وخليه يعرف قدرك

وقبل ماتسوين اي شي استخيري ربي يوفقك للصواب
وخليك قريبة من الله بالصلاة والدعاء والاستغفار وكثرة التسبيح والذكر

والله يكون في عونك

رفع

الله يسخره لك