تهاوشت مع زوجي وضربني وضربته ..

السلام عليكم ورحمة الله وبركاته
انا ي بنات عايشه مع واحد مدري كيف الشي الي ابيه اخر همه اهم شي عنده امه انزل لها كل يوم واطبخ لها فطور وغدا وعشا مع ان عندها شغاله وبنات يعني اصير خدامه ثانيه واذا بغيت شي بعد الموت اشوفه ومافيه طلعات ولاشي الا للمستشفى وغير اهلي الحين كملت اربع شهور ماشفتهم وهم مو بعيد عنا بس دايم عذره موب فاضي هو طبعا يسافر لشغله بمدينه ثانيه ويجلس من اسبوع ل عشر ايام ويجي عندنا ثلاث ولا اربع ايام وبعدها يرجع لشغله وع هالحال صارلي شهرين اشحده شحده ابي السوق وكل مره يقول الاسبوع الجاي ومر شهرين وانا ماشفت شي بس كذا يسكتني وانا خلاص تعبت من العيشه معه وجا امس قال ترا بسافر بكرا قلت ودني السوق انت قايل بتودني الاسبوع هذا قال عندي شغل موب فاضيلك انقهرت ي بنات كان ودي امسكه واخنقه وبعدين صلى العصر ونزل تحت لاهله يعني بالوقت هذا ليش ماوداني دايم مطيح عند اهله الي سوالفهم ماتخلص وجا بالليل وراح للغرفه ورحت له وفتحت موضوع زيارة اهلي قال ماني فاضي خلاص صجيتيني انتي حرمه متزوجه وش تبين بأهلك كلميهم بالجوال وخلصنا طبعا هذي جملته المعتاده المهم اقتنعت ان نقاشي ماراح يجيب معه فايده وقمت من عنده ورحت اصلي العشاء بالغرفه الثانيه وقام ينادي وانا اصلي يعني كيف برد عليه وهو هذا طبعه اذا دخل البيت يبيني لازقه فيه يعني ماقوم الا باذن ويوم يبيني اقعد عنده ومااتحرك مو حب فيني لا يقول بس ابي اتحكم فيك المهم خلصت صلاه وجيت عنده قال وينك اناديك قلت اصلي قال خلك عندي لاتروحين مكان قلت شنو وين عايشين بمعسكر ولا مدرسه كل مادخلت لازم ألزق فيك قال ليه مو عاجبك قلت لا مو عاجبني قال اجل كلي ××× هذا اسلوب بالله !! قلت كلXXX انت قال انتي تقولين لي كذا قلت ايه اقول وقام وضربني ع كتفي بقوه وبسرعه قمت وضربته ع ظهره باقوى ماعندي وطير عيونه فيني ثواني قال تمديني يدك علي ورجع ضربني اقوى من الضربه ورجعت ضربته وقام يضرب وانا اضرب مع اني تعبانه بس مد يده علي وانا ماقصرت معه وقام معصب وقال انتي قليلة ادب ومو محترمه تمدين يدك ع رجالك قلت وانت ايش انت مو رجال مسوي قوي ع حرمه المهم قام يسب ويشتم طبعا لاني تعبانه مازود ضرب لو مافيني شي كان دافنيني اليوم وهو نوعه انسان عصبي اذا عصب يدفن الي قدامه يعني مجنون مايتحكم بأعصابه المهم اخذ شماغه واغراضه وطلع واخذ عشر دقايق ورجع قال قومي حطي ملابسي بالشنطه قلت ماني قايمه وعصب قال قومي غصبن عنك قلت والله ماقوم ويجي يسحبني يبيني اقوم بالغصب وعييت وبالوقت هذا دخلت بنتي كانت تحت تلعب قالت ماما شفيكم طبعا كانت تسمع صراخنا الي مابقى احد بالبيت ماسمعه قال هو انقلعي اذلفي فيه احد يكلم بزر كذا ناديتها عندي وقمت طبعا قمت عشانها ابيه ياخذ ملابسه ويذلف مابيها تسمع هواشنا وحطيت ملابسه وهو فوق راسي يسب ويشتم وانا طنشت قلت اسكت لاتتكلم قدام البنت قال اكلي ××× بس وسكت عشان مايتكلم وطنشته كله عشان بنيتي حبيبتي واخذ شنطته وقال والله ان الله احياني وعطاني عمر ان هاليوم لاطلعه من عيونك واخلي حياتك معي ندم وطلع الحين انا مدري وش اسوي ودي اطلب الطلاق وارتاح منه بس بنتي كاسره قلبي مالها ذنب بهذا كله واخاف ياخذها مني لان دايم اذا تهاوشنا يقول والله لافرق بينك وبينها ماراح اخليها عندك تعبت من التفكير وماعاد انا طايقته ولا ابي اعيش معاه شورو علي