من جد بعض الردود تسبب ارتفاع في الضغط والسكر
وربما البعض يكتبون رد للملمة الموضوع لخوفهم ان يقعوا في التخبيب دون النظر في الظلم والاستنجاد والاستغاثة التي تبثها كاتبة الموضوع بين سطورها .
زوجها هو اللي ضرب وهو اللي غلط ودليل نقص عقله وان الغلط راكبه من راسه لرجوله انه كرر الضربات والشتم دون أي مبالاة بإن اللي قدامه انثى يعني ضربها مع القصد والاصرار والاقتناع .
أي رجوله يحمل في داخله ؟
أي رحمة ومودة اظهرها على زوجته المغلوب على امرها ؟
كيف سمحت لكم نفوسكم إلتماس الاعذار للجاني وتبرير جريمته وفعلته وبالمقابل قمتم بتجريم امرأه فقط دافعت عن نفسها في لحظة غضب انهدم فيها صبرها الطويل .
كونها وافقت على الزواج والارتباط بهذا الزوج فلا يعني ان تضحي بسعادتها وراحتها وصحتها وان تسمح له بضربها وتعنيفها او حرمانها ممن حملتها 9 شهور وولدتها وممن قاموا بتربيتها سنوات الى ان اصبحت فتاة وسلموها لهذا الزوج المتخلف المتكبر الظالم .
الزواج لا يعني الانفصال عن الاهل ولو كانوا كفار ومشركين بل واجبها برهم وزيارتهم والتودد لهم ولا يحق له سجنها في البيت واستعبادها وامتلاكها وتسخيرها لرغباته الشخصيه
السكوت عن الظلم يعني رضى وقناعه بل ومساعدة له في استمرار الظلم
مانقول تطلقي ولا روحي بيت اهلك بالعكس نقول تكلم شخص حكيم عاقل من اهلها يتدخل بشكل عاجل دامها انضربت ولسه الوضع مشتعل وساخن قبل تبرد السالفه ويتعود على مد اليد
والله بعض الرجال اذا شاف الزوجه مرتخيه معه وصابره على الكرف والضرب والاهانه يعتبر هذا الشي واجب عليها تتحمله ومالها حق تتكلم !!
حتى انه يهددها بعيالها ويعيشها طول عمرها ذاله خايفه من الحرمان فوق ماهي محرومه من ملذات الحياه ومن اهلها
والزوجه الضعيفه الخاضعه خضوع تام وماترفض الظلم والاهانه راح تعيش بجحيم لازم تقوي قلبها وتتوكل على الله وحده ولا تخاف الا من الله وحده ، الانسان اما يعيش بكرامه او يفترق بكرامه
اسأل الله العظيم ان يسخر لك ملائكة السماء وجنود الارض وان يشرح صدرك وييسر امرك
اذا محتاره في امرك صلي استخاره واكثري الدعاء والاستغفار وبإذن الله تتوصلين لحل

لا مايقدر ياخذها خلاص جا امر من المحكمه واعلنوه في ام بي سي ان البنت والولد في حظانة الام. على طول الا اذت اتزوجت. له حق ياخذها. وانتي مااالومك عصبتي لانك مكبوته من الجحيم الي كنتي عايشه فيه وبعدين ترى انتي رضيتي على نفسك الاهانه والذل وانك تصيرين خدامه لامه عشان كذا مو شافيلك قيمه ويبي يتحكم فيكي قومي اوقفي على كيفه وزوجك شمالي شرقي مثل طليقي لو اروح انسدح بغرفة نوم اريح دقيقه يقلب البيت علي كان يبي يمحي شخصيتي وثقتي بنفسي زوجك يبيك خااااااااضعه خادمه ساكته ميته جسد وروح بس انا اشوف انك تطلقين لان راح يعذبكي بعد ماضربتيه ويهينك اكثر. استخيري الله في الطلاق وشووووفي الي ربي كاتبه لكي

اتفق معك

لا تبيني قدامه انك متعلقه بالبنت ولا تحضنينها وتناظرينها قدامه لان هو ببغى يقهرك ويكسر قلبك بااشي الي يسوفك متعلقه فيه وتحبيه يعني قدامه سوي العكس ونزلي عند امه وكلميها قوليلها انتي ترضوا على بناتك ما يشوفونك ولا تبغوني مرت ولد ولا شغاله ابي اعرف وش وضعي عندكم خلي امه تكلمه اذا قالت ليش ضربتيه قوليلها صبرت عليه وهو بدا ونفذ صبري من كثر ما يماطلني وانا بشر مني حجر

وعليكم السلام ورحمه الله وبركاته
الله يهدي سركم ويحنن قلوبكم على بعض
ويصلح مابينكم يارب آآمين ..

اول شي انت غلطتي يوم مديتي يدك عليه
ربي يهديك ويصلحك مهما كان هذا رجال ما
يصير عارفه انك مضغوطه وتعبانه ومقهورة
ومعك حق بس ماتوصل تضربيه على العموم
شي صار وانتهى بعدين الشي الاهم اللى ودي
اعرفه وافهمه من صنف الرجال هل بنت الناس
مجبرة تخدم اهله ؟! لا طبعآآ اذا من طيب خاطر
ومن باب البر باهله بتاخدي الاجر عليهم بس مو
اكراه واجبار والمشكله فيه اللى يقوم فيهم وبناتهم
ملزومات اكثر من بنت الناس .. واللى يقهر بزيادة
يمنعها من زيارة اهلها وهذا مو من حقه يعنى انت
تبي البر بوالديك وانا والدينى ما ابرهم ولا ازورهم
ايش العقليه هذي الله يصلح الحال بس ..


سبحان الله - الحمدلله - لا اله الا الله - الله اكبر
سبحان الله وبحمده - سبحان الله العظيم
استغفر الله العظيم واتوب اليه
لا حول ولا قوة الا بالله العلي العظيم
لا اله الا انت سبحانك اني كنت من الظالمين
حسبي الله لا اله الا هو عليه توكلت وهو رب العرش العظيم
اللهم صل وسلم على سيدنا وحبيبنا ورسولنا محمد وعلى زوجاته
واهل بيته وصحابته الكرام الطاهرين ..