((تهاوشت مع زوجي ياربي وش أسوي ؟ الحل بيدتس يمال الصلاح ))
مثل مانتم عارفين وقوع الخلاف امر لابد منه وهو ملح الحياة
الزوجية
بس احيانا اذا زاد عن حده صار فلفل الحياة الزوجية
الي كل اخت معرسة ومافي مانع المقبلة بعد تقعد تسمع وهي ساكتة
,,,
وشلون تتصرفين ايتها الزوجة لاتناقرتوا ولا تهاوشتوا انتي
وزوجتس
بعض الزوجات الله يهديهن بعد مايصير مشكلة بينه هي وزوجه
وبعد مايطلع زوجه معصب
تقعد تخطط وش تسوي وتسن ضروسه من القهر
وتبدأ تعد العدة للحرب الضروس له
وكأنه بتواجه عدو له مهوب زوجه وحبيبه وصاحب فضل ومعروف
فتخطط وشلون تنتقم منه وتعطيه درس ماينساه
وابليس يناقز من الفرح واعوانه الشياطين
ينططون بوجهه يهزونه ويحرضونه ويشبونه
بوساوسهم نعوذ بالله من ابليس واعوانه ..
ياحبيبة قلبي يااختي اذا انتس من هالنوع فانا اقولتس انتبهي
لانتس
بكذا تزيدين الطين بلة وكذا تخربين على روحتس وماراح تكسبين
حبيبتي واختي المتزوجة لازم تعرفين انه سعادة البيت
بيدتس انتي كله وكلمة السر موجودة بين شفايفتس ومفاتيحه
بيدينتس
خليتس الماء البارد اللي يطفي متاعب الحياة ولاتصيرين البنزين
اللي يشعله
والحل السليم عندتس انتي ايتها المزيونة المتزوجة
نعم زمام الامور بيدتس انتي وشلون تطفين غضب زوجتس
وترجعين المياه لمجاريها ..
شوفي .....
امسكي نفستس واكظمي الغيظ اللي بداخلتس
وادفعي بالتي هي احسن بهالطريقة اللي بقولتس :
وركزي معي زيييييين على كل كلمة اقوله :
كثري من قولة اعوذ بالله من الشيطان الرجيم وسمي بالله همن
ارفعي يدينتس للي خلقتس واللي بيده الامر كله سبحانه وادعيه
اللهم اشرح لي صدري ويسر لي أمري وأحلل عقدة من لساني يفقه
قولي
ياحي ياقيوم بك استغيث قأصلح لي شاني كله ولا تكلني الى نفسي
طرفة عين
وبعده صلي ركعتين عشان تهدأين وأسألي ربتس انه يوفقتس لاحسن
الكلام
واجمل التصرف بهالموقف بعدين
روحي البسي احسن ثيابتس وتزيني وتكشخي وتش تش كم بخة من العطر
بعدين اذا جاء زوجتس روحي لعنده بخطوات هادية وأنتي تناظرين
له بنظرات حنوووونة
تذوب قلبه وتخلينه مايحس من نظراتس أي حمقية او حزن على اللي
صار وابتسمي ابتسامة عذبة تشق الطريق
لقلبوه وتصقعوه ولا تستهينين بهالنظرات الحنووونة اللي تبثين
الدفئ منها والابتسامة الصادقة واللي طالعتن من
قلب محب وترى مفعوله قوي وسلاح أقوى من ألف كلمة وبتهز كيانوه
همن اجلسي عنده
حطي يدتس على أيدوه بكل نعومة وبصوت واطي وهادي قولي له كلمة
حلوة يحبه وقولي
انتس ماراح تغمض جفون عيونتس إلين يرضى لغلاتوه في قلبتس
بعدها عاتبيه بس هااااااه لاتأنبينوه وافتحي الموضوع اللي
عشانوه عصب وبدأي تناقشي معه ...
هالحين يالحلوة بقولتس وشلون يصير نقاشتس مضبوط ويجيب نتيجة
زينة :
خلي حوارتس معه أخذ وعطاء بهدووووء وبدون صجة ولجة وهجوم
وتكلمي بصوت
كله نعومة وكل مانعمتيه ورققتيه صار لتس أجر عظيم وابنبهتس لشئ
لاتكثرين تحريك يدينتس وانتي تهرجين معه ماغير ترفعينهن
وتنزلينهن
وكأنتس بمصارعة أكدي له ببداية كل كلام حرصتس على رضاوه
واحترامتس لكل شئ يقولوه
مثلا تقولين << تأكد ماراح يكون الا اللي يرضيك و أحترم رايك
وكلامك فوق كلامي وعلى راسي من فوق ومايكون خاطرك الا طيب >>
وايضا أكدي له عند كل مشكلة تصير بينكم انتس ماراح تتركينه
الا وانتي متصالحه معه
ولو على حساب نفستس .. وحذاري ياأختي تتهمينوه بالغلط بطريقة
مباشرة وتطقينه بوجهه مثلا تقولين :
<< أنت غلطان ، أنت مقصر ، أنت ظالم ، انت ماعندك سالفة >>
واذا تكلم زوجتس انصتي له بكل اعجاااااب ولا تقاطعينوه وخليه
يقول كل اللي بنفسه
ولو حتى ماجازلتس كلاموه ولاحظي انا قلت انصتي والانصات غير
الاستماع ولاتدخلين مواضيع
كثيرة بنقاشكم وتحوسين ام الدعوى وتجيبين الاولي والتالي
وتذكرينوه بأخطاؤه القديمة ولاتشبهين أخطاؤه بأخوانه مثلا ولا
ابوه ولا أي احد من اهلوه وانتبهي لاتستخدمين الالفاظ الجافة
مثل
قولة ( ياخي ولا يارجال ...) ولا الالفاظ الجارحة وعليتس
بالالفاظ الزينة والرقيقة
ولاتتسرعين شوفي للموضوع من وجهة نظروه مهوب من وجهة نظرتس
انتي لانه يمكن
عنده عذره ولا راي زين ومعقول وخلي كل كلامتس وافعالتس مرتبطة
بحرصتس على رضاء ربتس
قبل أي شئ وقولي انا ودي تسوي كذا عشان ربي يرضي عننا واتمنى
نترك هالشئ عشان
ربي مايسخط علينا ولاتسوين نفستس انتس فاهمة احسن منه او
تعرفين اكثر منه
لكن قولي اللي عندتس بأسلوب أستشارة وطلب رأي
مثل يعني تقولين << وش شورك يا ؟؟؟؟ بكذا انا اثق برايك
وماراح اسوي
الا اللي تقولي اياه فاااا وشرايك بكذا وكذا )
وبعدين يالغالية حطي براستس ثلاث أشياء لازم تحذرينهن وقت
المشكلة :
لاتطلعين من البيت وتروحين لاهلتس لان المشكلة بتزيد
وتعقد وتكسرين كرامة زوجتس
هذي اولا ولاتقاطعينوه يعني ماتتكلمين معه ولا تهجرينه
بال؟؟؟ فهمتي
لانه بيسبب نفور بنفستس انتي وزوجتس هذي ثانيا
واحرصي على ان شرارة هواشكم لاتطلع برى البيت لانه اذا طلعت
بتسبب حرايق هذي الاخيرة .
كلمات اخيرة خليه حلق بإذنتس تذكريه عند كل مشكلة تصير بينكم
...
لازم تعرفين ان هذا اللي أخطأ هو زوجتس اللي لو أومرتي بالسجود
لغير الله لأمرت بالسجود له وأنه أمانة عندتس
وبمعلومتس ان الامانة والرحم تمشي معتس على جنبي الصراط يوم
القيامة
فإذا أديتي هالامانة على الوجه اللي يرضي ربتس سبحانه جازاتس
ربي
بالجنة يالله من فضلك ومن حقوق زوجتس اللي هي امانة عندتس :
احترامه
وماترفعين صوتس عليه وماتخلينه يعصب وتعاشرينه بالمعروف واحب
اذكرتس بشئ لاتغفلين عن مسألة الاحتساب فإذا أخطأ زوجتس عليتس
فأنت
مأجورة وربي مايضيع شئ تأجرين لانتس صبرتي واحتسبتي وتأجرين
عشانتس عفوتي عنه وسامحتيه وتأجرين لانتس أمتثلتي لامر الله
سبحانه
وخلي التنازل شعارتس واي تنازل تقدمينه لوجه الله تراتس
مأجورة عليه
وبتلقين بركة هالشئ توفيق من ربتس لتس وهداية زوجتس
والسعادة بالدنيا والاخرة واحرصي على انتس تبتعدين عن المعاصي
قدر الامكان تراه شؤم على حياتكم وتجنبي أي شئ يغضب ربتس
وكثري من الاستغفااااااااااااااااااااااار وعودي لسانتس عليه
وبعدين زي مانصحت وحدة لبنته يوم زواجه (كوني له امه يكن
لكي عبدا ) حبيبتي تنازلي لزوجتس ينزل لتس اكثر
ويقولون السيل رغم قوته يتبع السيل المنحدر والرجال مثل السيل
فخليتس
سهلة ذليلة والله ان يمشي وراتس مثل السيل ...
والله الله باللين بتعاملتس معه لان اللين مادخل في شئ الا
زانه
وما ذهب عن شئ الا شانه
وزي ماقلت لتس الله سبحانه اودع السحر الحلال عندتس
الرقة والحنان والهدوء والذكاء هذا كله يذوب بوه الرجال
ويصير يحقق لتس كل اللي تبينه وهو مبسوط وفرحان
واهم شئ رضاه عليتس ...
الله يوفقكن اخواتي وزي كل مرة لاتنسووووووووون تدعولي
عافاكن الله يالغاليات الله يبعد عنكن كل مشكلة وتعيشن
بسعادة وهناء امين يارب ...
الله يجعلن وياكن من اهل الجنة قولن امييييين ..
للأمانه منقووووووووووووووووووووول..
لاتنسوني من ردودكم..وتقييمكم:)
أهفو للجنه @ahfo_llgnh
محررة
يلزم عليك تسجيل الدخول أولًا لكتابة تعليق.
كوب كابتشينو
•
صح
الصفحة الأخيرة