تهاوشت مع شغالتي وارتفع ضغطي وانا حامل

السلام عليكم ورحمة الله وبركاته


انا قبل شوي تهاوشت مع شغالتي رفعت ضغطي وصرخت بقوه ونزلت الدرج بسرعه وانا حامل وممنوعه من الحركه ونزول الدرج حسبي الله عليها

السالفه ومافيها ان بنتي عندها علاج يوميا بمقدار خمسه ملل واعطيها اياه ببرواز الابره المرقم
وجيت قبل شوي بعطيها اياه وقلت للشغاله هاتيه وجت قالت مالقيت البرواز انا غاسلته البارح وحطيته بالثلاجه قلت اوكي دام بالثلاجه هاتيه وانا عارفه انها ذابته في الزباله بس بشوف اخرتها
قالت مالقيته وتبدى الحلوف والايمان وحركات الاندونيسيات
قلت خلاص روحي هاتي فنجال قهوه عشان اقيس العلاج وانهيت الموضوع بكل اريحيه ومااهتمت اصلا
مادريت الا هي نازله من عندي وجلست دقيقه وطلعت فوق ومرت من عندنا حنا جالسين بالصاله فوق وقالت انا بجيب فلوس البرواز عشان انا مالقيته وهي تنافخ علي كني اصغر عيالها قلت لاتجيبين شي ترى راس ماله بريال بس انا اقول انتبهي لشغلك ماردت علي وراحت غرفتها وجابت فلوس وجت ورمتهم بالصاله عندي
ساعتها انا بدت العفاريت تنطط قدامي قلت تعالي خذي فلوسك وبلا سخافه خلاص الموضوع انتهى
ماردت علي وسفهتني ونزلت انا هنا ساعتها شوي ولا انجنيت شلون احاكيها واقولها وقفي وتسفهني واقوم من فراشي والحقها واوقف بالدرج قلت تعالي ارجعي اذا قلت وقفي وقفي وتسفهني وتنزل طيعا انا ماتحملت ونزلت ولحقتها للمطبخ وقلت مره ثانيه اذا قلت وقفي توقفين وهي ترفع صوتها بوجهي وانا عاد ديني ولا احد يرفع صوته بوجهي والله اني شوي ولا كفختها بس خفت على اللي في بطني وتعوذت من ابليس وقلت انا مايهمني البرواز
ترى راس ماله بريال انا همي ليش تكذبين وتقولين بالثلاجه وانتي تكذبين وبعدين تجين وتقولين هذي فلوسه
والطامه الكبرى ترفعين صوتك علي !
كان جيتي لي وقلتي ياماما انا كبيت البرواز مادريت وانا اسفه وشوفي اذا انا اقولك شي او لا
بس انا حركات النص كم حقتكم يالشغالاات ماابيها

قالت انا ابي اسافر وهي مو ذي اول مره تقول ابسافر بس انا طناش واسايسها هالكلام قبل احمل
بس يوم حملت تخبرون نفسيه الحامل شلون تصير ماني فاضيه لها اسايسها واهاديها
قلت سفر مافي سفر واعلى مابخيلك اركبيه
دافعين عليك 20 الف وانتي جايتني برضاك
لانها هي كانت عند اهل صديقتي وبيتهم كبيررر مره وقالت ماابي شغل كثير وقالتلي صديقتي وقلت بجربها وخذتها اسبوع وقالت ياماما انتي كويس وبيبي كويس وانا ابيكم وبجلس عندكم اكثر من سنتين ومن هالكلام
ولا نقلت كفالتها الا انا واثقه منها ومن نفسيتها والحين صار لها سنه وشهرين بس مدري وش قلبها علينا
وهي زعوووول لو اقول وين الشي الفلاني علطول بدت تبربر على نفسها وتصبخ وتلبخ في كل شي
عاد الحين قلتلها سفر شيلي من مخك بتكملين السنتين والا اذا تبين تروحين مالك ولا راتب
يعني مثل ماتخسرنا حنا انتي بعد بتحملين الخساره زينا واسكتت


والحين عاد انا مرررررررره قلقانه واحس اني بي مغص وراسي صدع
وش رايكم ؟
اخليها ولا اكرشها ؟
بس المشكله الحين انا تعبانه من الحمل والاستقدام الحين بصعوووووبه
تكفون ادعولي ان الله يكفيني شرها ويفرجها علي