السلام عليكم
قبل فترة تقريباً شهرين عمتي أخت أبوي زارتنا والله يصلحها مثل العادة اقعدت تنكد على أمي وتتشره عليها وتقولها إنتي مقصرة وعيالج مقصرين وبناتج فيهم وفيهم مع إن عمتي صغيرة بالعمر وأمي اللي مربيتها تخيلوا !!! لأن أبوي كان يتيم وخواته صغار لما تزوج أمي فأمي قامت بخواته واهتمت فيهم لحد ما تزوجوا
المهم
أمي كبيرة بالعمر ومريضة وما تتحمل والصراحة أنا عمري ما تدخلت بينهم بس هالمرة ما قدرت أسكت لأن بكل زيارة تسلم علينا وتضحك عند أبوي ولما أبوي يصد عنها شوي أو يطلع تستلم أمي وهات يا قرقرقرقرقر وبالأخير أمي أغمي عليها ما تحملت
وفجأة .. انفجرت بويها وطلعت حرة زوجي لأني كنت متخانقة معاه هههههههه ودافعت عن أمي دفاعاً مستميتاً والصراحة ما غلطت بحقها بالعكس أهي اللي مستقوية علينا مادري على شنو ! وتكلمت كثير كثير وصراخي ترس البيت وكل كلمة تقولها أرد عليها بكل ثقة لأن ما عندها سالفة بس تبي تطلعنا غلطانين بأي شكل من الأشكال وتمشي بعدها
بعيد الأضحي اتصلت عمتي على أبوي وكلمها بجفاف وكلمت أمي وسولفت معاها على أساس إن طاح الحطب وأنا اتصلت عليها بعايدها وانا الصراحة كارهه أكلمها بس عشان ربي ما يحاسبني بقطيعة الرحم لكنها ما ردت علي
وقلت لأبوي إني اتصلت وما ردت فقالي خلاص لا تتصلين ثاني مرة خليها براحتها
والحين راسي يلف ويدور قطيعتي لعمتي مضايقتني وأدري إنها حرام بس مستثقلة أكلمها وإهي بعد أحسها ما تبي تكلمني وتبي تشيخ علي عشان ألحقها وأنا أكررررره هالحركات
أبي نصايحكم
بشه المنفشه @bshh_almnfshh
عضوة فعالة
يلزم عليك تسجيل الدخول أولًا لكتابة تعليق.
لاتقطعين في عمتك كلميها واعتذري منها وبيني لها انها هي الي بدك واستفزتك وانك تحبينها وقوليلها انا خايفه على امي امي مريضه والله يهديها
أنتي ماقصرتي وسويتي اللي عليك ومن حقك تدافعين
عن الوالده الله يطول بعمرها ويخليها لك انتي إستمري
كل فتره وفتره دقي عليها او إرسلي مسج اذا ماردت
واسألي عنها وعن اخبارها و قدمي لها تهنئه اذا بعيد أو
مناسبه وهي اذا ماردت صدقيني بتشوف رقمك وبتقرا
المسج وبتعرف إنك ما قصرتي ولا قطعتي فيها وقمتي
بالواجب وبتعرف إنك انتي أحسن منها وبتحس على دمها
وبترضى وتتغيّر وإستقبليها اذا زارتكم كأن شي ماصار والله
يصلح مابينكم
عن الوالده الله يطول بعمرها ويخليها لك انتي إستمري
كل فتره وفتره دقي عليها او إرسلي مسج اذا ماردت
واسألي عنها وعن اخبارها و قدمي لها تهنئه اذا بعيد أو
مناسبه وهي اذا ماردت صدقيني بتشوف رقمك وبتقرا
المسج وبتعرف إنك ما قصرتي ولا قطعتي فيها وقمتي
بالواجب وبتعرف إنك انتي أحسن منها وبتحس على دمها
وبترضى وتتغيّر وإستقبليها اذا زارتكم كأن شي ماصار والله
يصلح مابينكم
الصفحة الأخيرة
بنآت اللهـ يخليكم بأهديكم شي من كل قلبي بالعام الجديد شي (حلو) أتفضلي حيآكي دعوه للكل