تهتمين بكشخه زوجج والا لا؟؟؟ تخافين عليه

السلام عليكم حبيباتي

سؤالي لليوم هل تهتمين بكشخه زوجج والا لا؟؟

فيه حريم مايهتمون مرة اخوي طبعا لان اخوي منصبه كبييييير فتخاف عليه من الحريم وماتهتم فيه ولا بكشخته وهو كان يهتم بنفسه حيل بس مع كثرة الشغل تغير اخوي علي واهي تبي جذي تحبه تموت عليه الله لا يفرقهم وماترضى يتكشخ وهو الظاهر يرضيها

هو مو مبهذل بس بمستوى الاهتمام اللي اخواني الثانيين والحمد لله كلهم مناصب الله يحفظهم والوالد بعد وكلهم من النوع اللي يهتم بلبسه ومظهره

انا عن نفسي احب اكشخ زوجي واعطره حتى البجايم اشتريها والتلفونات الكشخه اخر موديل والغتر ودهن العود الغالي لان زوجي غير عن اخواني مايعرف يلبس يكشخ عنده اي غتره اي خامه يفصلها اي بجامه يويلي عالبجامه وحده سنين يلبسها رحت نفضت كبته وشريت له جدد بس محتفظ فيها فيها سر الظاهر ههههههههههههههههههههههه

المهم قمت اشوف الرجال اللي معاه بالدوام يتصلون البنات وضايفينه بالمسن ياااااااالهوي:angry: وانا بلشانه بالبيت

صج شغل بس بعد مو مرتاحه ومسحهم من المسن ومااشوف يدقون عليه نفس اول الظاهر زفهم مااادري بس سمعته قال للموظف معاه لا يدقون علي ومرة شفته سكره بوجه وحده ((شكلها مسختها الله اعلم

المهم قمت افكر قلت ياسمر قند خليج مثل مرة اخوج ولا تهتمين لا بعطر لا بشكل رجال يدبر نفسه ليتني اسنع نفسي وعيالي مدري جايبته وناسيته بكيفه بس ايدي تحكني مااقدر اخليه يطلع من غير بخور وعطر :44::44:


منهي نفسي ترفع يدها

والله يرضى عليكم بلييييييييييييييييييييييييز الدعوى دردشه :icon28: