تهدده بأهلها

السلام عليكم
انا ولد اختي عمره ٢٢سنه بالجامعه تعرف على وحده عن طريق الببي من يوم عمره ٢٠ أو ١٩ سنه هي أكبر منه بوااجد وعندها فلوس وهو طمع بفلوسها وكانت تحوله فلوس على أساس يتزوجها وكانت ترسله صورها وهو رسل صورته واسم جامعته ومدري إذا قالها أشياء ثانيه بعد 🤦‍♀️وبعدين فتح الموضوع مع أمه انه بيتزوجها طبعاً رفضت وانفصلوا وتاب وهي أول وحده واخر وحده اصلا هو ما عنده ذي الحركات بس عشان الفلوس الله يهديه🙄 والحين رجعت ترسله فلوس وتهدده أن بترسل أهلها لجامعته وياخذون حقها منه إذا ما تزوجها والبنك دق عليه على طول بعد ماحولت له فلوس أمس ويوم الاثنين ومارد وهو اصلا تاب ومايبي يرجع له الطريق بس هي مصره تقول ما ابي منك فلوس ولا شيء ابي بس ذيك الشغله 🤦‍♀️😭 وهو صار خواف تخيلوا قبل عنده غرفه خاصه وحمام فوق أهله تركها وصار ينام عند امه مثل الطفل معد صار ياكل ولا ينام نحفف مررره تخيلوا وانا اشرحه له اول اختبار الأسبوع الماضي ودوام حضوري للاختبار بجامعته الولد ما يركز ويرجف رحت قلت لأمه الولد مو طبيعي فيه شيء وهو اعترف قبل كم يوم لها أن هذي رجعت تحوله وتهدده وماندري وش الحل؟ للمعلومية هي مو بنفس مدينتنا
معليش طولت عليكم بس والله ما قدرت ونا اشوف الولد وأمه ما يدرون وش يسوون وهي طلبت مني استشيركم هل نرد على البنك؟ ووش نسوي عشان تتركه بحاله (وياليت بدون سب عارفين انه كان غلطان بس هو كان بزر وهمه الفلوس والحين تاب وهي قد أمه وبس تبي ذيك الشغله )