تهزوبي وشافو هزوتهم !!!!لاحول ولاقوه الابالله

السلام عليكم ورحمه الله وبركاته
انصحكم يابنات انكم ماتتهزون ولاتشمتون في اي شخص لان الدنيا دواره راح اقولكم قصصي مع بعض الاشخاص اللي تهزوبي
انا يابنات دبدوبه والحمدالله على كل حال المهم من يوم تزوجت زوجي وهو يعلق على سمنتي انحرمت من الاكل عنده خوفا من تعليقاته الي ماتنتهي طبعا كان متزوج قبلي وعنده عيال وكان لسى جايته بنت من زوجته الاولى لاحول ولاقوه الابالله من يوم جاته وهي سمينه وصارو يعالجونها عند اخصائيه تغذيه يارب ياكريم ان تشفيها وتنحفها بصحه وعافيه لاني شفتها وعورت قلبي وحسيت بمعانتها وهي صغيره واللهم لاشماته يشهد علي ربي اني ادعيلها من كل قلبي لكن اقول في خاطري سبحان الله انت يازوجي ماخليت كلمه ماقلتها لي ولحد اللحين طيب استغفرادعي لبنتك وادعيلي بان ينحفنا بدل كلامك ودقك الي يذبح وماتوقف الموضوع على كذا ولده الكبير انا لماشفته ماصدقت ان هذا ولده يارب تعافيه وتشفيه كان على كلامه ان سمين بس كل ماكبرزادت السمنه معاه يارب تعافيه وتشفيه ممافيه من جد يعورني قلبي لما اذكرهم
والمشكله ان زوجي المصون المفروض مايتشمت فيني حتى اهو مكرش وحالته حاله عيب عليه لان شاف الشي هذا في ذريته والي يجي من ربي حياه الله
والجمال مهو جمال الشكل وبس
الجمال ياناس جمال الروووووووووووووووووووووووح

قصتي الثانيه انا لماكنت ادرس في المرحله المتوسطه والثانويه كنت من النوع الهادي جدا وفي حالي واخاف من البنات المشاغبات وكانت فيه وحده دايم واقفه في حلقي لدرجه اذا شفتها من بعيد صديت عنها خوفا من تعليقاته لاني مع الاسف ماكنت جرئيه كنت حنطيه وشعري شوي خشن ومربربه طبعا اول >>>>يعني اني حلوه الحين المهم مافيه ثقه في نفسي وكانت تعلق علي وتعايرني وتشمت فيني وبنات الفصل يضاحكون علي كنت لماابكي قدامها تفرح كنت لما اجاوب عندالمعلمه تضحك البنات علي كانويحطون عزيمه البنات الا انا مايعزموني معهم لانها تقول مانبها معنا اه:09: ياشين هاذيك الايام بس الحمدالله طلعت من هالخجل لماوصلت المرحله ثالث ثانوي والجامعه كونت صدقات صارال كل يحبني بعد مافتكيت من هالبنت لانها مسكينه الله يعافيها صابها سكر ولاعد قدرت تكمل لجامعه ودارت الايام وشفتها تبيع في مقصف الكليه ياااااااااااااه سلمت عليها وقلت وش اخبارك يافلانه قالت من انتي كنت محلوه ولاعرفتني قلت انا!!!!يوه ماعرفتني الا بعدماعرفتها على نفسي وكان شكلها مررره متغيره كل الجمال الي فيها راح ياسبحان الله قالت لي تغيرتي قلت مافيه شي يدوم الاوجهه الله حسيت بغرقه في عيونه لماتفجات اني متفوقه في دراستي المهم قلت يافلانه اي شي تبيه قوليلي تراي هنا في الكليه حاولت اعرض عليها مساعدتي لاني حسيت انها محتاجه وربي يكتب لي الاجروالله يعافيها ويشفيها ويوفقها هذا حقها علي


وبصراحه كثيرالقصص اللي عندي بس اكتفي بكذا
المهم ان الزبده في الموضوع انصح اي ام انها تعلم اطفالها مايتهزون بالاخرين وانصح اي شخص يشوف احد مريض يقول الحمدالله الذي عافني مما ابتلاه فيه وفضلني على كثيرمن الخلق تفضيلاكثيرا
ولاتتهزون بالسمين والدبه لان الدنيادواره والجمال مايدوم
اتمنى اني قدرت اوصل المعلومه اللي في خاطري الاستهزاء بالاخرين اللي ماسلمت منها في حياتي

والعذروالسموحه على الاطاله يااغلى منتدى في العالم وياجمل بنات في الكون