ريوومآ 17

ريوومآ 17 @ryooma_17

عضوة جديدة

تهقون تصرفي مع خطيبي صح ولا غلط ؟

الأسرة والمجتمع

السلاام عليكم

كيفكم ان شاء الله كلكم تمام





بدخل بالموضوع على طووول

انا سالفتي طوووويله وعندي مشاكل بس حالياً اللي ابي استشيركم فيه هو علاقتي مع خطيبي



انا مملكه صار لي سنتين وشويات وبيننا زيارات وطلعات وكذا يعني عاد الوضع جداً كذا هو مجتمعنا وهو من قرايبنا واحبه ويحبني .. طيب وين المشكله ؟

المشكله ان صار لي مملكه من اولى ثانوي والحين مخلصه الثانويه لكن لسا مادرست لي شي لاني مالحقت ع التسجيل كنت مسافره ولهيت وانا في بالي مكان معين وقلنا نحدد الزواج بعد ماحدد وش اللي بدرسه ووين عشان مانحدد ونجهز وبالاخر اكون بعيده عن منطقتي او منطقته وانا استنى الحين الترم الثاني عشان احدد مكان دراستي والمكان اللي بستقر فيه سواءً منطقة اهلي او منطقته

المهم عاد هذا مختصر لوضعي الحالي طيب

صار لي كذا موقف مدري اذا اعتبرهم مشكله او لا بس اللي اعرفه اني تضايقت كثيير وبسبب هالاشياء انا لسا ماكلمته ولا كلمني لي اسبوع وشوي طيب

الموقف الاول:
كنا طالعين نتمشى وقلنا بنمر عمتي تطلع معنا هي وزوجها << لسا معاريس واحنا متعودين كذا طلعاتنا كلها قروبات المهم كلمناهم وقالوا بيجهزوا قال خطيبي خلص اروح اجيب لخطيبتي غدا واجيكم قالوا اوكي المهم احنا طلعنا من بيتنا ورحنا ع المطعم وكانت امي بتروح بيت جدي اللي هو قريب جداً من المطعم اللي رايحين له طيب بس كان البابا بيوديها لكنه نااام
واحنا في طريق الرجعه كنا بناخذ عمتي وزوجها بسيارتنا لان هم 2 يعني نطلع سياره وحده احسن طيب وعمتي ساكنه بنفس منطقتنا اوكي
يعني كذا كذا مارين بيتنا المهم اتصلت علي امي قلت ليه للحين مارحتي قالت لا ابوك نام قلت لها تبين نوصلك اجهزي احنا بالطريق قالت طيب وهي اساساً كانت جاهزه
المهم قفلت منها الاخ قلب الفيس تبعه وحسيته تضايق قلت له خلص الحين اتصل ع امي اقول لها مارح نجي ولا توصلها دامك بتقلب وجهك كذا ماتسوى عليها قال لا مو كذا بس احنا سألناها اذا بتجي او لا قالت لا ليش الحين تقول تعالوا واحنا جايين ناخذ عمتك ونطلع ومتواعدين معهم وووو..إلخ
المهم اخذ امي ووداها بيت جدي والله ان المشوار بالسياره ماياخذ الا 10 دقايق مو اكثرررر :06:
المهم هو كان قالب وجهه ف انا سكت وماقلت له شي ابد وبعدين لما قربنا نوصل منطقتنا وكذا يسألني وش فيك وليه زعلانه مع اني ماتكلمت بحرف قلت له مافيني شي وكذا قال الا وليش تزعلي ومدري ايش ف انا سكتت عنه وعطيته طنااش وطبعا كنا وصلنا عند عمتي المهم انا اذا مع احد والا شي مابين ان بيننا شي ونسولف ونضحك عااااااادي لكن اذا لوحدنا نرجع نتكلم بالمواضيع اللي بينا والزعل وغيره طيب

المهم رحنا وتمشينا وانبسطنا كثييير وهو يفكر إني راضيه وهيك بس انا شلت بخاطري لان بصراحه هو كل مره يودي اهله ويجيبهم وهو متواعد معاي ويتأخر علي والله ماقول له ليش ولا لاتوديهم ولا تجيبهم بس كان اعتراضي انه المفروض يخبرني انه بيطول عشان ما استناه ولا انا ماعندي مشكله بذا الموضوع واللي مافيه خير ب اهله مافيه خير ب الناس ..

المهم بعدها رجع عمتي ووداني ع بيت اهله جلسنا من المغرب لحد الساعه 12 ونص تقريبا وانا مليييييت لان ع اساس بنطلع ونتمشى مع الاهل كلهم يعني اهلي واهله كلنااا وانا اللي مخططه ع الطلعه هذي كلها واتفقت مع عمي وخالي وابوي وكل الاهل لان صارلنا فتره ماطلعنا وكذا وقلت بقول لخطيبي بعدين لما يتأكد الوضع لان كان احتمال هالاسبوع او اللي بعده يعني اذا رتبوا الوضع بنطلع واذا لا مارح نطلع طيب
هو في نفس الليله كان يبي يطلع اهله وكذا فكلمتني امي تقول انهم خلص بيطلعوا الليله وانا ماقلت لخطيبي لسا قلت لها خلي احد يكلمه عشان مايقول ماقالوا لي وكذا قالت طيب
المهم لما جينا نطلع حمواتي قالوا خلص مارح نطلع دام المكان بعيد فكرنا بتطلعون قريب وكذا وجلست اقنع فيهم لحد مارضيوا يجوا معنا مابي الطلعه تكون ناقصه المهم لما نزلوا السياره هم ماشاء الله كثيييير وماتكفيهم السياره ( مرسيدس )
المهم كنا بنطلع لمنطقه بعيده عنا شوي واغلبية السيارات مشت << الاهل يعني
وبقينا احنا
قال لي لا خلص غيرنا المسار بنطلع مكان اقرب لان الوقت متأخر ماتسوى علينا مشوار ساعه ونص او ساعتين ومارح نطول وكذا قلت له اوكي رجعني البيت بطلع مع ابوي او عمي او خالي اي احد قال اوكي كلمت امي بس كانوا مشوا وقطعوا مسافه انا تحطمت كثيييير كنت مخططه ع الطلعه بنفسي واخر شي ما ارووح وكذا
المهم اخذنا عشا ورحنا مع اهله كورنيش يجيب المرض وربي مافيه حياه بالمررررره لاعت كبدي انا طول الطريق ابي ابكيييي من دون شي تضايقت منه اليوم وبعد يكملها علي الحين
انا يمكن كنت متحسسه زياده لاني بعدين بسكن بالغربه ابي اشبع من اهلي وهالطلعه بالذات كانت الاهل كلهاا يعني قليل الكل يتواجد لانهم كثار فهمتووني

المهم رحت وكنت مره متضايقه بس قلت خلني انبسط واغير جو وهو طبعا مو ملقيني وجه عادي عنده زعلت ولا تضايقت عاادي

المهم اني كنت مبسوطه وكذا وبعدين رجعني البييت وكان فاااااااضي مافيه احد واهلي مطولين لحد مايرجعووا فقلت بنام احسن لاني تعبانه وهو بعد كان نعسان مره ومارح يجلس عندي طيب
لما صحيت الظهر مادقيت عليه كنت ماخذه بخاطري منه وهو مادق علي بعد مع انه بالعاده اول مايصحى يكلمني وانا بعد بس طنشته ولادقيت
المهم المغرب دقيت عليه قلت له عمتي تبيك تجيبها بيتنا اذا تقدر قال لي اوكي شويات وبروح اخذها قلت طيب وبعدها دقت علي عمتي تقول خلص زوجي طلع من دوامه وبيجيبني هو قلت اوكي
ف دقيت عليه وقلت له قال اوكي شويه وبجي قلت طيب

بعدها انا طلعت عند امي << امي كانت جالسه لحالها وهي كانت تنقل ب الاغراض لاخواني وكذا فقلت اطلع اجلس معها شوي لحد مايجي

المهم لما نزلت كنت اكلم صاحبتي ع الجوال ومادخلت غرفتي الا هو جالس ع السرير وقالب لي وجهه قلت لها طيب اكلمك بعدين وبالموت سكككرت لانا كنا نسولف بموضوع مهم وتبي تقول لي وش صار معها بالاخير طيب
دخلت الغرفه سلمت قلت له متى جيت قال من زمان قلت ليه ماكلمتني سكت عني قلت وش فيك قالب وجهك قال ولا شي قلت طيب وسكتنا شوي رجعت سألته وش فيك قال لي مافيني شي قلت اوكي بعدها نادتني امي ماتدري ان عريس الغفله شرف وكانت تبيني اودي لها القهوه قلت لها طيب ورحت اوديها لها وربي ماخذت حتى 5 دقايق ومارجعت الا وهو مو بغرفتي !
المهم استنيته يجي او يتصل وبعدها بنص ساعه قلت بقوم اناام احسن لي وكتبت له رساله انه اذا بيجيني لا يجي وهو قالب وجهه علي وهو يدري انه انا اللي المفروض اكون زعلانه ومن هالكلام يعني والمشكله اول ما ارسلتها الا هو داق استغربت قلت مستحيل تكون وصلته ما امداني اررررررسل حتى ماطلعت من الرسسايل
طلع كان بيقول لي انه طلع شويه وبيجي << بدري بعد نص ساعه جاي تتصل فيني ؟
المهم انا سكرته بوجهه والمره الثانيه مارديت
بعدها خلص مشواره وجاني وانا كنت توني مبدله ابي انام فتحت له وكلمته عند الباب < باب غرفتي طبعاً
المهم قال لي انا راسي يوجعني ومالي خلق وةانتي راسله لي هالكلام ومدري ايش قلت له اوكي روح نام وانا مره ماكنت عاطيته ووووجه وقلت له مع السلامه وكنت ابي اسكره بوجهه بس مامداه يمشي الا سكرت الباب وانا مقهوووره منه يعني ماتنعطى وجه ابد
يعني احمد ربك استقبلتك زي الناس وانت جاي وقالب لي وجهك بدل ماتعتذر لي مابققى الا اراضيه على مدري ايش


المهم الزبده من هذا كله انا مطنشته لي اسبوع وشوي وهو المفروض ينزل هالاسبووع زي كل ويكند بس هالاسبوع مااانزل مدري ليه يمكن زعلان مدري على ايش!
المهم يوم الجمعه رجت تغديت عند اهله وهو كان متصل ع المغرب وبعدها نادوني اكلمه وكلمني بالبدايه كآنه زعلان علي او شي كذا بس انا كنت اكلمه قدام اهله وكذا فتكلمت ببشاشه وعادي مره كنت اضحك وكذا وماطولنا بس بعدين لما سمع صوتي تغيرت الموجه وعدل اسلوبه بالكلام معاي يعني شكله ابتسم شوي خخ << سألني كيف حالك بس ماسألت عنه ابد بس جاوبت وكذا لاني ماتوقعت اكلمه اصصصصصلاً ..


انا مابي اكلمه دام ماجات منه اي مبادره للصلح وانا مالي خلق عوار راس لاني كل مره تقريباً اتنازل له واقول براضيه ولو جاني قبل ما اراضيه يقلب الموضوع كله علي ويحسسني بالذنب ويطلعني غلطانه وووووو إلخ


انا مابي اعوده ع كذا بس ماني عارفه شسوي ؟
تهقون المفروض اراسله او ادق عليه ؟
ولا انا صح باللي سويته ؟

ع فكره هو حتى ماتصل فيني ولا شي وانا قلت لو دق مارح اررد علييه :angry2:

ابي اكون بارده وياه ابي اقهره مثل ماقهرني مابي اعطيه وججججه ابيه يحس بغلطته وانه زعلني خصوصاً انه مزعلني ب اشياء ثانيه بس تغاضيت عنها لكنها بخاطري للحين :06:



ادري موضوعي طويل بس بليز ارآئكم مين الغلطان فينا وايش لازم اسووووي اكمل طنااش ولا ابادر انا ..!





ع فكره سمعته يتكلم مع عمي لما ساله ليش مايجتوا كذا قال السياره ماتكفي وماقدر اقطع فيها هالمسافه كلها المشوار طويل والسياره زحمه ورح يتضايقوا كثير وغير كذا السياره حساسه اقل شي تحك بالارض وهو توه شاريها ماصار له شهر مدري اقل وحاط فيها ذاك الحساب عشان تعديلات ومدري ايش وهو يروح ويجي فيها لما ينزل من مكان عمله لمنطقتنا كل اسبوووع فهمتوووني وطبعاً اخوه المصون يمشي ورا زوجته وزوجته ماتبي احد معها تبي خطيبي ياخذهم كلهم بسيارته وهي الحين ماتكفي لانه غير سسيارته الحين وهم سيارتهم جيب تاهو مدري وش اسمها << المهم انها كبيره وواسعه تكفيهم لكن هي ماتبي احد معها
45
12K

يلزم عليك تسجيل الدخول أولًا لكتابة تعليق.

تسجيل دخول

طيبي غلطتي
طيبي غلطتي
عزيزتي مااتزعلي مني بس احس كانكم بزواج مو ملكه

تطلعي معه بالسياره تروحي معه بيته اهله وش خليتي لزواج

متي يشتاق لك

وبعدين الملكه لما تطول تكثر المشاكل

الله يسخره لك

فهميه وجهة نظرك
ام تروكي وخواته
واخزيااااااااااااااااااااااااااااااااااااه حتى الغرفه يدخلها ياقلبي وش باقي بينكم لبعد الزواج خلاص شافك بجميع حالاتك مابقي شي يتشوقله بعد الزواج وبعدين كل يوم شوفات علشان كذا تملل وانتي ياقلبي اكيد مليتي خليله فرصه يتركك وتتركينه اسبوع على الاقل وجددي الشوق فيه وبطلي طلعات ويكفيكم مكالمات لاحظي زواجكم قرب وهذا اللي اقدر انصحك فيه.
وجــــــدآآآآآآن
ي نااااااااااااااااااااااااااااس هذي عاادااتهم حلولها مشكلتها على حسب عاادااتها
الا وتقولو ياخزياه ومدري ايش ..


وانتي ي صااحبة المووضوع صح هذي عاادااتكم بس حاولي تخففي من اتصاالاتك ومقاابلاتك
عشان تتفاادو المشاكل هذي
طيبي غلطتي
طيبي غلطتي
وجدان كانك جبتي شي جديد حنا وش قلنا

نفس كلامنا قلتيه


لا تفلسفي طيب

اسلوبي ارقي منك
Fear Nothing
Fear Nothing
شوفي ياقلبي انا بقولك هالمثل وانتي افهميه براحته
ابنك على ماتربيه وزوجك على ماتعوديه
ونصيحه مني طنشيه شوي وخليه يشتاق لك ويحس بغلطه وانتي اشغلي نفسك بعنايتك بجسمك وشعرك طالما زواجكم قرب
والله يتمم لكم على خير