تهقون قطعت نصيب البنت؟

مرحباً خواتي
اليوم صار لي موقف والله أني حاسه بالذنب ماعرف ليش
المهم يدورون لأخو زوجي حرمه
وانا قبل خطبت له من الأهل وما صار نصيب
اليوم أنا وعمتي وبنتها الكبيرة قاعدين نسولف لأنهم مسنين عزيمه كبيره
المهم عمتي قالت عزمت امج ولكن اعتذرت لان عندهم خطوبة قلت صح أخو زوج أختي ملج وبتكون الحفلة بنفس يوم عزيمتكم
عقب عمتي قالت انزين أهل زوج اختج عندهم بنات قلت هيه عندهم قالت شوفي وحده خلينا نخطبها لولدنا
أنا على طوووول رفضت وقلت لا ما تنفع له ليش قلت أمها مب زينه
للعلم والله العظيم أنهم مراوين أختي الوييييل عايشه في جحيم بسبة امه وزوجها
أنا مابتكلم عن الوضع بس كنت ابي لأخو زوجي الزين وما أبيه يتلعوز
بالذات أن أخو زوجي الكبير ابتعد عن امه وأهله بعد بسبة زوجته وأهلها
فانا خفت أن الثاني يصير له نفس الشي
لان الأم اتاثر على البنت وايد وعادي تخرب بيتها
وحرام عمتي إنسانه طيبه لآخر درجه وتموت بعيالها ماابي في يوم تصيح على ولدها بسبة حرمه
المهم الموضوع من هذا كله أني قلت البنت ما تصلح للولد وانا أتمنى له الخير
والحين ضميري أنبني وأخاف قطعت رزق البنت بس والله أنا اعرف أمها وأهلها وكفايه أختي واللي شافته من الضيم معاهم
بنات لا تزيدوني لان أخاف ربي يعاقبني ع اللي سويته
هل أنا صح او غلطانه
عمتي يوم عرفت شهقت وقالت لا لا خلاص كله ولا ولدي وكفايه ولدي الكبير

:confused:


خواتي أنا ماشرحت الوضع كااااامل لكم الله يستر عليهم دنيا وآخره
أنا أنبني ضميري بسبة البنت ما عليها كلام بس أخاف الأم اتاثر وتمشيهم بكيفها لان هي المسيطرة على الزوج والبنات والأولاد أما البنت والنعم فيها