وان شاء الله ربي يصلحكم ويسعدكم ويوفقكم ياااارب :27:

الله يعينك......اللي ما جرب ما يعرف..
انا كنت اعاني من اختي اللي اصغر مني بسنه ..والسبب الأهل ..لأنهم يعتقدون ان العدل انهم
يخلونا مثل بعض..في اللبس والأكل والشرب والهدايا..وكل شي..فتعودت اختي وصارت تقلدني
في كل شيء...لدرجة كانت ثتير السخرية...اتذكر انه اذا كان فيه عزيمه اخليها تلبس قبلي وبعدين اروح ألبس لبس مختلف(لأن دولابها نسخه من دولابي)..ما ادري الا وحنا طالعين من البيت لابسه نفس لبسي...مره اخوي وهو رجال قعد يضحك علينا وقال كنكم رايحين مدرسه...

وهالشي استمر الى زواجنا..تصدقين الجهاز نسخه من بعضه..لأننا تزوجنا في ليلة وحده..وجهزنا سوى..
ألحين بعد الزواج صرت اتفاجأ بذوقها في اللبس والاختيار..رائع فعلا..وهي شافت ان ذوقها
حلو فصار عندها ثقه اكبر بنفسها..
المشكلة ألحين ان الناس تقارن بين حياتي وحياتها بعد الزواج..
يعني كل ما شافوني ..يقولون لي ليش منتي مثل اختك..مسويه كذا ولابسه كذا...وهي تعاني من نفس الشي...صحت بس متأخر كثير..لأن هالمقارنه تضايقها وتضايقني..خصوصا بسبب اختلاف
اسلوب معيشتنا عن بعض...
آسفه اختي اني ما عطيتك حل...بس صراحه شكواك اثرت في ...
لأني عشتها...
وعانيت منها..
الله يسهل امورك ..انتي واختك ..وما تطيحون طيحتنا....